Nehemiya 2:4 - BIBLIYA NTAGATIFU OMU MASHI

⁴ Mwâmi anacinshuza, erhi: «Cici walonza okuhûna?» Nanacishenga Nyamuzinda w’e mpingu.

Nehemiya 2:4 ပူးပေါင်းရင်းမြစ်များ

2 Samweli 15:31

Banaciyisha balibwîra Daudi omwanzi mpu: «Ahitofeli akola ali boshi na Absalomu omu bugoma». Daudi aderha erhi: «Mâshi Nyakasane nkusengîre nâni Muhanyi, ojire amahano Ahitofeli ankanamuhà gabè ga buhalanjisi mâshi».

1 Bâm 3:5

Lêro Nyakasane abonekera Salomoni budufu omu bilôrho aho Gabaoni. Nyamuzinda amubwîra erhi: «Ombwîre eci nakuhà».

Nehemiya 1:11

“Mâshi Nyakasane, okurhwiri kwâwe kuyumve omusengero gwa mwambali wâwe n’omusengero gw’abandi bambali bâwe barhînya izîno lyâwe. Mâshi Yâgirwa, ojire mwambali wâwe abone iragi ene, ababalirwe n’oyo muntu! Ago mango erhi nie cirhanza-mamvu omu bwâmi.”»

Nehemiya 1:4

Erhi nyumva okwo, natamala, nagwîra omulenge, nashinga nsiku zirhali nyi erhi kulaka ndaka; nakaz’icîshalisa n’okushenga Nyamuzinda w’enyanya.

Nehemiya 1:5

Nakaz’iderha, nti: «Mâshi Nyakasane Nyamuzinda w’empingu, Nyakasane ne wêne oli mukulu na w’okurhînywa, wêne olanga endagâno n’obwonjo emwa balya bakukunda n’okushimba amarhegeko gâwe.

Nehemiya 2:20

Nabashuza, nanacibabwîra, nti: «Nyamuzinda w’empingu yêne warhuhà obuhashe. Rhwêne barhumisi bâge, rhukola rhwarhangira okuyûbaka. Kuli mwe ntà hinyu hiri aha, murhagwêrhi buhashe, nîsi erhi kantu kalebe ka kuyibuka omu Yeruzalemu».

Nehemiya 2:5

Kandi nanacishuza mwâmi, nti: «Nka mwâmi abwîne oku okwo kuli kwinjà, na nka mwambali wâwe arhonyire omu masù gâwe, nsengîre ontume e Buyahudi, omu lugo lw’enshinda z’ababusi bâni nshub’igend’iluyûbaka,»

Esteri 5:3

Mwâmi anacimudôsa, erhi: «Bici bikugwêrhe, mwamikazi Esteri? Mbwîra bici walonza? Ciru akabà luhande ly’ecihugo câni nanakuhalwo.»

Esteri 5:6

Erhi babà bakola badwîrhe banywa idivayi, mwâmi anacidôsa Esteri, erhi: «Mbwîra bici osengîre? Nakushobôza byo. Mbwîra bici walonza? Ka luhande lw’ecihugo câni? Waluhâbwa.»

Esteri 7:2

Kuli ogwôla mulegerege gwa kabirhi, erhi bahika oku mango g’okunywa idivayi, mwâmi anacidôsa Esteri, erhi: «Bici osengîre wâni mwamikazi Esteri? Wanabishobôla. Bici walonza? Ciru cankabà cigabi ca kabirhi c’obwâmi bwâni, wanakubona.»

Ennanga 136:26

Mukuze Nyamuzinda w’empingu, bulya obuzigire bwâge buli bw’ensiku n’amango.

Migani 3:6

Omu mirimo yâwe yoshi orhahîraga okamuhaba, Wâbona oku ayumanyanya enjira zâwe.

Marko 10:51

Yezu amudôsa, erhi: «Cici walonza nkujirire?» Naye olya muhûrha, erhi: «Yâgirwa, nti nâni mbone».

Ebijiro 23:19

Omukulu w’abasirika amugwârhira oku kuboko, acîyêgûla, amudôsa, erhi: «Bici walonza okumbwîra?»

Bafilipi 4:6

Murharhanyagya cici; ci omu ngasi bulagîrire musengere Nnâmahanga, mumushenge, munamuvuge omunkwa.