Nehemiya 2:3 - BIBLIYA NTAGATIFU OMU MASHI

³ N’obwôba bunji, nanacishuza mwâmi, nti: «Mwâmi aganze. Kurhigi obusù bwâni burhankazinzibala, erhi akabà olugo lubamwo enshinda z’ababusi bâni lwoshi lwahombire, ebyôgo byâlwo byalundugurhwa n’omuliro?»

Nehemiya 2:3 ပူးပေါင်းရင်းမြစ်များ

1 Bâm 1:31

Betisabeya ayunama ayunamiriza, ak’amalanga kahika oku idaho, afukamîriza embere za mwâmi anaciderha, erhi: «Alame ensiku zoshi, Nnâhamwîrhu mwâmi Daudi!»

2 Bâm 25:8

Omu nsiku nda z’omwêzi gwa karhanu mwâli omu mwâka gwa kali ikumi na mwenda kurhenga Nabukondonozori, ayîmire omu Babiloni, omurhambo w’engabo yâge izîno lyâge ye Nebuzaradani, ayisha aha Yeruzalemu.

2 Nganîro 21:20

Yorami ali agwêrhe myâka makumi asharhu n’ibirhi erhi abà mwâmi, anagaliyîma myâka munâni aha Yeruzalemu. Acîgendera ci ntâye wamulakîre, bamubisha omu lugo lwa Daudi, ci arhali omu nshinda z’abâmi.

2 Nganîro 28:27

Akazi acîhengeka aha burhambi bwa b’îshe, bamubisha omu lugo, omu Yeruzalemu, barhamuhêkaga omu nshinda z’abâmi b’Israheli. Omugala Yezekiyahu ayîma ahâli hâge.

2 Nganîro 32:33

Yezekiyahu acîhengeka aha burhambi bwa b’îshe, banacimubisha omu hantu h’enyanya bwenêne omu nshinda za bene Daudi. Abantu b’e Yûda boshi n’abantu b’e Yeruzalemu bamuhà irenge n’obukuze bwenêne aha kufà kwâge. Omugala Menashè anaciyîma ahâli hâge.

2 Nganîro 36:19

Banaciyôca aka-Nyamuzinda, banahongola enkûta za Yeruzalemu, bayôca enyumpa nyinjà zanalimwo zoshi, avunyungula anashandâza ebirugu binjà byabâga mwo byoshi.

Nehemiya 1:3

Banacinshuza, mpu: «Balya barhengaga bujà b’emisigala, n’abandi bantu barhindibukîre omwo cihugo bajaga, emitungo ya Yeruzalemu yahongosire n’emihango yâge yasingonosire n’omuliro».

Nehemiya 2:13

Nanacihuluka budufu, nagera omu muhango gw’ebwa Kabanda, najà ebw’iriba lya Dragoni n’ebwa muhango gwa Camvu, nasinza enyumvi za Yeruzalemu zàli zihongosire n’emihango yali esingônosire n’omuliro.

Esteri 8:6

Bulya-kurhigi niono nankalembera obuhanya bwayîshira olubaga lwâni, kurhigi nankayêmêra nti olubaga lwâni luhungumuke?

Ennanga 102:14

Oyimuke obabalire Siyoni, bwacîre bw’okumubêra lukogo,

Ennanga 102:15

Bulyâla bambali bâwe barhahimwa kusîma amabuye gâge, barhakabula bwayumva omutula omu kubona Siyoni ashâbûka.

Ennanga 137:6

Nêci olulimi lwâni, waliha Yeruzalemu, luyûmire ebiraka, aha nankakuyîbagira nîsi erhi aha nankabula kuderha oku we murhanzi omu bansimîsa.

Ennanga 38:7

Nagombire, nayûnama nayûnamiriza; nalegerera ndi omu mishîbo.

Yeremiya 52:12

Omu mwêzi gwa karhanu, zàli nsiku nda zâgwo, mwâka gw’ikumi na mwenda gw’obwâmi bwa Nabukondonozori, mwâmi w’e Babiloni, Nebuzaradani, cirongôzi c’enganda za murhambo wa mwâmi w’e Babiloni, àhandira Yeruzalemu.

Ndûlù 2:9

Emihango y’ecishagala yahongosire, orhuhamikizo rhwâco rhwoshi arhuvungunywîre. Mwâmi n’abarhambo bagwîre omu maboko g’abapagani banyamahanga. Ntâye ciru n’omuguma w’okuderha ebi Nyamuzinda alonza; ciru n’abalêbi barhacimanya obulêbi bwarhenga emwa Nyakasane.

Daniyeli 2:4

Abà-Nyakaldeya banacishuza mwâmi omu lulimi lw’eciharameya mpu: «Yâgirwa mwâmi, olame ensiku zoshi! Bwiraga bambali bâwe ecôla cilòôrbo, nîrhu rhwanakuhugûliraco».

Daniyeli 3:9

Banacibwîra mwâmi Nabukondonozori mpu: «Yâgirwa Mwâmi, olame e­nsiku zoshi!

Daniyeli 5:10

Omwâmikazi anaciyumva okola mwâmi anaderhaga n’abarhambo bâge, anacijà mulya nyumpa bakazagilira olusiku lukulu, omwâmikazi aderha, erhi: Yâgirwa, mwâmi, olame ensiku zoshi. Enkengêro zâwe zirharhemukaga orhanayôbohaga!

Daniyeli 6:21

Erhi ahika aha bulumba anaciyâkûza Daniyeli n’izù ly’omutula erhiâ «Mashi, Daniyeli murhumisi wa Nyamuzinda ozîne, k’oyo Nyamuzinda wâwe orhumikira ngasi mango anahashirikulikûza kw’ezo ntale?»

Daniyeli 6:6

Abôla bantu banaciderha mpu rhurhabone bubî buci rhwashobeka Daniyeli, nkabaga rhulongeze obwôla bubî omu biyêrekîre idini lya Nyamuzinda wâge.

Ben Levi 26:31

Engo zinyu naziyôsa bwâmwa, n’empêrero zinyu nazishandâza, ntakanaciyudûkirwa n’obuhumule bw’enshangi zinyu.