Nehemiya 13:28 - BIBLIYA NTAGATIFU OMU MASHI

²⁸ Muguma oku bâna ba Yoyada, mwene Eliyashibu, ye mudâhwa mukulu, àli mukwî wa Sanbalati munya-Horoni. Namulibirhakwo, ajà kulî.

Nehemiya 13:28 ပူးပေါင်းရင်းမြစ်များ

Ezra 10:8

Na kuli okwo abarhambo n’abagula bali babarhonzire oku ngasi orhali ho enyuma lya nsiku isharhu, banamunyage, banamukûle omu ndêko y’abo bâli halulizîbwe.

Nehemiya 12:10

Yozwè aburha Yoyakimu, Yoyakimu aburha Eliyashibu, Eliyashibu aburha Yoyada.

Nehemiya 12:22

Omu mango ga Eliyashibu, aga Yoyada; aga Yohanani; abaleviti abakulu b’emilala y’abadâhwa bayandikwa omu citabu c’enganîro kuhika kuli Dariusi w’omu Persi.

Nehemiya 13:25

Nakabalongôza n’okubahêherera, nakashûrha banji muli bo n’okubagûgula emviri ciru n’okubalahiriza oku izîno lya Nyamuzinda, nti: «Irhondo murhacishubiriraga mpu mwahâna bali binyu mpu bagala bâbo babayanke nîsi erhi mpu bagala binyu bayanke bali bâbo, kuhanzi bwe kuli mwe n’oku bâna binyu».

Nehemiya 2:10

Erhi Sanbalati w’e Horoni, na Tobiya murhumisi munya-Amoni, bayumva ogwo mwanzi, bagaya bwenêne mpu kurhi oyu muntu ankayîsh’ikombêra ebirugu bya bene Israheli.

Nehemiya 2:19

Amango Sanbalati w’e Horoni na Tobiya, murhumisi munya-Amoni na Geshemu w’omuharâbu erhi bayumva okwo, barhushekera n’okurhugayaguza. Banaciderha, mpu: «Cici mwajira aha? Ka mukola mwagomera mwâmi?»

Nehemiya 3:1

Eliyashibu, mudâhwa mukulu, na bene wâbo banacirhondêra okuyûbaka omuhango gw’Ebibuzi, bagugishîsa banahirakwo enyumvi; bashakâla ecôgo, banacirherekêra kuhika aha munâra gwa Meya, na kuhika aha munâra gwa Hananeli,

Nehemiya 4:1

Erhi Sanbalati, Tobiya, Abaharâbu, Abanya-Moniti n’Abashibiditi bayumva oku rhusêzize okushashula ebyôgo bya Yeruzalemu n’oku emirhule yoshi ekola hôfi efukâle, bakunira bwenêne.

Ennanga 101:8

Enkola-maligo ziri omu cihugo, nakaziregerera nazihungumula eziri omu lugo lwa Nyakasane, nâziheza zihwemwo.

Migani 20:26

Omwâmi murhimanya kuyêrûla ayêrûla enkolamaligo, abulibarhogeza-kwo amaligo gâbo.

Migani 20:8

Mwâmi otamîre aha kagombe mmanja àtwa, ajira amasù gayêrûla ngasi hibî.