Nehemiya 12:47 - BIBLIYA NTAGATIFU OMU MASHI

⁴⁷ Israheli yêshi omu mango ga Zerobabeli n’aga Nehemiya, bakazâg’ihâna ecigabi c’abimbiza n’ec’abalanzi b’emihango; nabo abaleviti bakâhâbwa entûlo ntagatîfu, abaleviti nabo kuli cirya cigabi câbo, banahàkwo bene Aroni.

Nehemiya 12:47 ပူးပေါင်းရင်းမြစ်များ

2 Bâm 25:30

Omu kulama mwâmi akazimuha ngasi ebi analagîrîrekwo omu kalamo kâge koshi.

2 Bâm 7:10

Bakanya bajihamagala abasirika bakazâgilanga omuhango gw’olugo, banacibabwîra mpu: «Rhwamaja omu cihando c’abantu b’e Sîriya, rhwamashimâna murhaciyimbwa muntu, ciru rhurhayumvîrhemw’izù ly’omuntu; murhali ezirhali nfarasi nshwêke, endogomi nshwêke, n’amahêma nk’oku ganali mayûbake».

Ezra 2:2

Baligi abarhengaga yo na Zorobabeli, Yozwè, Nehemiya, Seraya, Rehelaya, Nahamani, Mordokayi, Bilshani, Mispar, Bigwayi, Rehumu, Bânâ: omuganjo gw’olwo lubaga lwa bene Israheli:

Nehemiya 11:23

Kulya kubà hàli irhegeko lyâgo lyâgo lya mwâmi liyêrekîre abimbiza n’oluhembo lwa ngasi lusiku lwàli luyandisirwe.

Nehemiya 12:1

Alaga omurhwe gw’abadâhwa n’abaleviti bayâgalukaga kuguma na Zorobabeli mugala wa Shealtieli boshi na Yozwè: Seraya, Yirmeya, Ezra.

Nehemiya 12:12

Alaga omu badâhwa bâli bakulu b’emilala amango ga Yoyakimu: kuli Seraya, Meraya; kuli Yirmeya, ali Hananiya;

Nehemiya 12:26

Bakozire ntyo omu mango ga Yoyakimu mugala wa Yozwè, mwene Yosadaki n’omu mango ga Nehemiya ye wali murhambo na Ezra ye wali mudâhwa na mwandisi.

Bagalasiya 6:6

Owayigîrizibwa akanwa ka Kristu, kukwânîne bagabâne ebirugu byâge bo n’owayigîriza.

Lushika 18:8

analya ecihimbi ciri nk’ec’abâbo, buzira kuderha obunguke ngasi muguma akayunguka omu kuguza eby’îshe.