Nehemiya 12:25 - BIBLIYA NTAGATIFU OMU MASHI

²⁵ Mataniya, Bakubukiya, Obadiya, Meshulamu, Talmoni na Akubu, bo bâli balanzi b’emihango; bakâg’ibêra oku c’olusò c’enyumvi.

Nehemiya 12:25 ပူးပေါင်းရင်းမြစ်များ

2 Bâm 7:10

Bakanya bajihamagala abasirika bakazâgilanga omuhango gw’olugo, banacibabwîra mpu: «Rhwamaja omu cihando c’abantu b’e Sîriya, rhwamashimâna murhaciyimbwa muntu, ciru rhurhayumvîrhemw’izù ly’omuntu; murhali ezirhali nfarasi nshwêke, endogomi nshwêke, n’amahêma nk’oku ganali mayûbake».

1 Nganîro 23:32

Obugashânize bàkâgijira omu kâ-Nyamuzinda, bwanali bulya bwonênè bwakâgijirwa omu ihêma ly’okubugânana, n’amarhegeko g’omu hatagatîfu bwenêne, na galya marhegeko ga bene wâbo bagala ba Aroni.

1 Nganîro 26:12

Abarhambo n’abantu b’eyo mi rhwe y’abalanzi b’emihango boshi haguma bakâg’iyûkiriza omukolo gwâbo omu kâ-Nyamuzinda ka Nyakasane.

1 Nganîro 26:15

Obedi-Edomu ahâbwa obulanzi bw’omuhango gw’ebulyo, n’abagala okukazilanga enguli z’embîko.

1 Nganîro 26:17

aha muhango gw’ebushoshôkero, baleviti ndarhu ngasi lusiku; aha muhango gw’ebulembe, bâni ngasi lusiku; ebwa nguli z’embîko, mirhwe ibirhi ya babirhi-babirhi;

2 Nganîro 8:14

Ayimanza nk’oku îshe Daudi arhegekaga, emirhwe y’abadâhwa omu mikolo yâbo y’okukuza Nyamubâho n’okujira emikolo yâbo embere z’abadâhwa nk’oku binarhegesirwe ngasi lusiku, ayimanza n’abalanzi b’emihango nk’oku emirhwe yâbo yanali oku ngasi muhango; bulya ntyo kwo anali arhegesire Daudi, omuntu wa Nnâmahanga.

Izaya 21:8

Omulêbi anaciyâma, erhi: «Yâgirwa, ndegerera omûshi gwoshi ndi ebulâbi, n’obudufu bwoshi erhi nyimanzire burhahinga ndi ebulâbi!