Nehemiya 10:36 - BIBLIYA NTAGATIFU OMU MASHI

³⁶ Rhwanalagânana oku rhwakâlêrha ngasi mwâka emburho ntangiriza eyêzire oku myâka yîrhu omu ka-Nyamuzinda, ebè mburho y’ebihumbwa ekuzimu nîsi erhi ebiyêra oku mirhi.

Nehemiya 10:36 ပူးပေါင်းရင်းမြစ်များ

2 Nganîro 31:5

Erhi lyo irhegeko limanyîkana hoshi, bene Israheli bajà bahûna birhali binyi oku bisârûlwa byâbo birhangiriza by’engano, eby’idivayi lihyâhya, eby’amavurha, ebya obûci na ngasi byoshi binasârûlwa omu mashwa; kuguma bahêka mwandu entûlo za byoshi.

Nehemiya 12:44

Ago mango enyumpa y’okubîkiramwo ebiryo, ebisârûlwa birhangiriza, n’entûlo, bayihirakwo abalanzi mpu bakaz’iyilundikamwo ebigabi bidwirhirwe abadâhwa bene-Levi; bigabi byakâg’irhenga omu bishagala byoshi, nk’oku byanal’irhegesirwe. Bulya Yûda ali asîmire okubona abadâhwa n’abaleviti bo shi bali omu mikolo yâbo.

Nehemiya 13:5

ali amamurheganyiza ecumpa cihamu mwo bakazâg’ibîkira burhanzi enterekêro, enshangi, ebirugu, entûlo y’engano, idivayi lihyâhya, amavurha, empongano y’abaleviti, ey’abimbiza, ey’abalanzi b’emihango n’ebi bakazâg’ihôgeza abadâhwa.

Lubungo 13:2

«Onterekêre ngasi lubere lwa muli bene-Israheli, lulya luzibûla omulà gwa nnina walwo, olw’omu bantu n’olw’omu bintu: luli lwâni.»

Lubungo 23:19

Okaz’irhûla emyâka mirhanzi-rhanzi y’ishwa lwâwe omu ka-Nyamuzinda, Nnâmahanga wâwe. Orhahîraga okayendera omwâna-hene omu mahene-hene ga nnina.

Lubungo 34:19

“Ngasi coshi cizibûla omulà gwa nnina, ciri câni: ngasi lubere lw’omu masô gâwe, akabà lwa nkâfu, erhi lwa cibuzi”.

Malakiya 3:10

Kazirnulêrhe ecigabi ca kali ikumi c’okunali omu kà-Nyamuzinda kâni, lyo ebiryo bikaziyôrha biri bibîkemwo ensiku zoshi. Mwanantangula mw’okwo niono Nyakasane w’Emirhwe. Mwâbona oku nâmmuhamûlira enyumvi z’emalunga nnammuyunjuze minjà gâni.

Mibalè 3:13

Bulya ngasi wa lubere yêshi erhi anali wâni: lulya lusiku nahungumulagamwo ngasi wa bûko lubere omu Mîsiri go mango nacîhâga ngasi wa bûko lubere omu Israheli: abè wa muntu, abè wa cintu, byoshi bikola bibà byâni. Nie Nyakasane.» D. Omubalè

Bagalasiya 6:6

Owayigîrizibwa akanwa ka Kristu, kukwânîne bagabâne ebirugu byâge bo n’owayigîriza.

Lushika 12:6

Ahôla ho mwakazilêrha enterekêro zinyu z’embâgwa n’ezindi nterekêro, entûlo zinyu n’ensholôlo z’omu nfune zinyu, enterekêro zinyu z’okuyukîriza omuhigo n’ezindi nterekêro munalonzize, enterekêro z’olubere lw’ebintu binyu binênênè n’ebinyinyî.