Nehemiya 10:29 - BIBLIYA NTAGATIFU OMU MASHI

²⁹ Abasigalaga b’olubaga: Abadâhwa, abaleviti, abalanga aka-Nyamuzinda, abimbiza, bene Natineni, na ngasi bandi bacîyegûlaga oku lubaga mpu lyo bashimba oburhegesi bwa Nyamuzinda, abakazi bâbo, bagala bâbo, bâli bâbo na ngasi boshi bankahashir’iyumva.

Nehemiya 10:29 ပူးပေါင်းရင်းမြစ်များ

2 Bâm 10:31

Ci konene Yehu arhashibiriraga amarhegeko ga Nyamubâho, Nyamuzinda w’Israheli; arhalekaga birya byâha byarhumaga Yerobwâmi ashombanyisa Israheli.

2 Bâm 23:3

Mwâmi erhi abà akola ayîmanzire embere z’olubaga oku nkingi, abâna eciragâne embere za Nyamubâho, oku ashimba amarhegeko n’ebinwa bya Nyamubâho byoshi n’omurhima gwâge goshi, n’omûka gwâge gwoshi, n’okujira ngasi oku ebinwa biri muli ecôla citabu c’Amalaganyo binamuhunyire. Olubaga nalo lwanacigereza haguma na mwâmi muli eyôla ndagâno.

1 Nganîro 9:2

Abàgalusire burhangiriza okushubiyîsh’ibêra omu cihugo ca b’îshe bâli Banya-Isaraeli, abadâhwa, abaleviti n’abakozi b’omu ka­-Nyamuzinda.

2 Nganîro 34:31

Mwâmi, halya ali atamîre oku ntebe yâge, ashubijira endagâno embere za Nyamubâho alagânana oku ashimba Nyamubâho n’oku ashimba amarhegeko gâge, engeso zâge b’oburhegesi bwâge boshi n’omurhima gwâge goshi, n’iroho lyâge lyoshi, omu kushimba ebinwa bya endagâno biyandisirwe muli ecôla citabu.

2 Nganîro 6:16

“Bunôla, Yâgirwa Nyamubâho, Nyamuzinda w’Israheli, olangage, oku makwânane g’omurhumisi wâwe Daudi, kulya wamubwîraga erhi: Wakaziyôrha ogwêrhe embere zâni, omwâna oli oku ntebe y’Israheli, casinga bagala bâwe bacîlange omu njira yâbo, omu kushimba bwinjà amarhegeko gâni nk’oku wanagashimbaga.”»

Nehemiya 13:25

Nakabalongôza n’okubahêherera, nakashûrha banji muli bo n’okubagûgula emviri ciru n’okubalahiriza oku izîno lya Nyamuzinda, nti: «Irhondo murhacishubiriraga mpu mwahâna bali binyu mpu bagala bâbo babayanke nîsi erhi mpu bagala binyu bayanke bali bâbo, kuhanzi bwe kuli mwe n’oku bâna binyu».

Nehemiya 7:46

Abayankiriragwa, bo bâna ba Siha, abâna ba Hasufa, abâna ba Tabaoti;

Nehemiya 8:2

Omudâhwa Ezra anaciyisha adwîrhe cirya citabu c’oburhegesi embere z’endêko y’abalume n’abakazi na ngasi bandi banahashire okuyumva: lwàli lusiku lurhanzi lw’omwêzi gwa nda.

Nehemiya 8:3

Arhondêra okusoma omu citabu kurhenga sêzi kuhika aha karhî k’omulegerege muli eyo ngo yali aha lumvi lw’Amîshi, acisomera embere z’abalume n’abakazi na ngasi bandi bankanahashire okuyumva; olubaga lwanacirhega amarhwîri omu kusomwa kw’eco citabu c'Amarhegeko.

Nehemiya 9:2

Bene Israheli boshi banaciciyêgûla oku bandi b’embuga, banacihûna bwimanga obwonjo oku byâha byâbo n’oku mabî g’ababusi bâbo.

Ennanga 105:45

Ajira ntyo mpu lyo baseza akanwa kâge, banalange amarhegeko gâge!

Ennanga 119:106

Ncîgashire nnampizire, okulanga amarhegeko gâwe gashingânîne.

Ennanga 8:1

Gwârhi omukulu w’abimbiza. Oku izîno lya Gati. Lulanga. Lwa Daudi.

Ennanga 8:9

Enyunyi z’emalunga n’enfî z’omu nyanja, n’eby’omu mîshi byoshi

Izaya 14:1

Nêci, Nyakasane âbabalira Yakôbo ânashub’icîshoga Israheli; âshub’ibadekereza omu cihugo câbo. Abantu b’embuga bacîgusha haguma nabo banalungane n’enyumpa ya Yakôbo.

Yeremiya 26:4

Okolaga wababwîra obwo, erhi: «kwo adesire ntya Nyakasane: mukabà murhanyumvirhi mukanashimba eri irhegeko lyâni mpizire omu masù ginyu,

Yeremiya 34:15

“N’obwo mwêhe mwâli mwamâleka ezo ngeso mbî za bashakulûza, mwarhondêra okukazikola ebishingânîne omu masù gâni; mwakazikûla bene winyu bali omu bujà, mwanacîgasha ciru, embere zâni, omu ka-Nyamuzinda”.

Ezekiyeli 36:27

Nâkuhiramwo omûka gwâni, nankuhè emisî y’okushimba engeso zâni, ey’okulanga ama­rhegeko gâni n’okugashimba.

Ben Levi 20:26

Mubè bimâna embere zâni bulya ndi mwimâna, niono Nyakasane. Nâmmuberûla kuli ago mashanja lyo mubà bâni

Malakiya 4:4

Mukengêre ebi mwambali wâni Mûsa àyigîrizize, mushimbe munabîkirire amarhegeko n’amahano namuhâga oku ntondo ya Horebu, nti abwîre olubaga lw’Israheli lwoshi.

Mibalè 5:21

“Omudâhwa anamugasha n’ebinwa by’ecihango, anamubwîra”, erhi: “Nyamubâho akujire buhanya na wa busha omu karhî k’olubaga lwâge, oyume emirhibadu, orhunde n’enda”,

Yowane 1:17

Bulya amarhegeko rhwagahîrwe na Mûsa, ci inêma n’okuli rhwabidwirhîrwe na Yezu Kristu.

Yowane 15:14

“Muli bîra bâni mukajira ebi mmurhegesire”.

Yowane 7:19

Ka Mûsa arhammuhaga Amarhegeko? Ci ntâye muli mwe oshimba Amarhegeko! Cici mwalongeza okunyîrha?»

Ebijiro 11:23

Erhi ayihika, n’erhi abona enshôkano ya Nyamuzinda, anacisîma, abahà boshi amahano g’okuserakwo Nyakasane n’omurhima gwoshi:

Ebijiro 17:34

Ci kwône, balume baguma bamusêra­kwo banayêmêra. Muli bo mwâli Dioniziyo w’omu ihano lya aeropago, na Mukazi muguma mpu ye Damari, n’abandi haguma nabo.

Ebijiro 23:21

Ci wêhe, omanye wankabayêmêra; bulya balume makumi anni na kulusha ba muli bo, bamutulikîre amatumu; bàcîgashire mpu barhalye barhananywe barhanaj’imuyîrha. Na buno, mîra bacîrheganyangya; irhegeko lyâwe lyône bacidwîrhe balinda».

Barom 12:9

Obuzigire bwinyu burhabâgamwo bulyâlya. Mushombe amabî, mucîshwêkere oku minjà.

Lushika 33:4

(Mûsa arhuhìre irhegeko); Endêko ya bene Yakôbo yajà omu mwîmo gwâyo.

Lushika 5:1

Mûsa ahamagala Israheli yêshi, ababwîra erhi: Yumva Israheli amarhegeko n’engeso nakubwirira omu kurhwiri; mugayîge mugalange lyo mugashimba. A. Irhegeko lirhanzi (2-10)

Lushika 5:32

Mulangage munakulikire nk’oku Nyamubâho, Nyamuzinda winyu ànamurhegekaga. Murhahabukire ekulyo erhi ekulembe.