Nehemiya 1:4 - BIBLIYA NTAGATIFU OMU MASHI

⁴ Erhi nyumva okwo, natamala, nagwîra omulenge, nashinga nsiku zirhali nyi erhi kulaka ndaka; nakaz’icîshalisa n’okushenga Nyamuzinda w’enyanya.

Nehemiya 1:4 ပူးပေါင်းရင်းမြစ်များ

2 Samweli 12:16

Daudi ashenga, alakira omwâna embere za Nyamuzinda: akalâla ntyo n’okulegerera arhaliri bici, aj’omu mwâge, alâle agwîshîre oku idaho bûmu.

2 Bâm 22:19

Bulya omurhima gwâwe gwababire kuli abôla hantu n’oku bantu bahayûbaka nti babà cêrekane c’okuyôbohya na cijâci, kulya kubà washarhagwîre emyambalo yâwe, wanavugumula emirenge embere zâni, nâni nkuyumvîrhize bwenêne, Nyakasane okudesire.

2 Nganîro 6:13

Bulyâla Salomoni ali erhi ayûbasire n’omulinga, ahantu halengerîre, ahayûbakira omu karhî k’e ngo; obululi bw’ahôla bwàli bwa makano arhanu ga ngafula n’obugali bwaho bwàli bwa makano arhanu ga ngafula n’oburherema makano asharhu ga ngafula. Asôkera halya n’erhi abà amafukama embere z’olubaga lwa bene Israheli boshi, alambûlira amaboko gâge emalunga.

Ezra 1:2

«Sirusi mwâmi w’e Persi kwo adesire ntya: Nyamubâho Nyamuzinda ôbà omu mpingu ampîre amâmi goshi ga hano igulu, anantegesire okumuyûbakira enyumpa aha Yeruzalemu, omu Buyahudi.

Ezra 10:1

Amango Ezra akazâg’irhoza emirenge erhi anafukamire embere z’aka-Nyamuzinda, oku adwîrhe ashenga ntyo, engabo nyinji y’abalume n’abakazi n’abâna ba bene Israheli yamuja eburhambi, bulya olubaga loshi lwàli omu mulenge bwenêne.

Ezra 9:3

Erhi nyumva ntyo, na sharhangula emyambalo yâni n’ecishûli câni, nacîmanyula emviri okw’irhwe, n’obwânwa, natamala nieshi n’omutula.

Ezra 9:5

Erhi amango g’enterekêro y’ebijingo ganabà, nayîsha najonjoboka na gulya mutula gwâni n’erya mishangi n’ecishûli câni bisharhangusire; nanacifukama, nanaciyinamulira amaboko emunda Nyamuzinda wâni ali,

Nehemiya 2:20

Nabashuza, nanacibabwîra, nti: «Nyamuzinda w’empingu yêne warhuhà obuhashe. Rhwêne barhumisi bâge, rhukola rhwarhangira okuyûbaka. Kuli mwe ntà hinyu hiri aha, murhagwêrhi buhashe, nîsi erhi kantu kalebe ka kuyibuka omu Yeruzalemu».

Nehemiya 2:4

Mwâmi anacinshuza, erhi: «Cici walonza okuhûna?» Nanacishenga Nyamuzinda w’e mpingu.

Ennanga 102:15

Bulyâla bambali bâwe barhahimwa kusîma amabuye gâge, barhakabula bwayumva omutula omu kubona Siyoni ashâbûka.

Ennanga 136:26

Mukuze Nyamuzinda w’empingu, bulya obuzigire bwâge buli bw’ensiku n’amango.

Ennanga 137:1

Erhi rhwabâga rhudahîre oku bikunguzo by’enyîshi z’e Babiloni, yône mirenge rhwakàgidubula erhi kufà Siyoni mungo kurhuma.

Daniyeli 10:2

Muli agôla mango, niono Daniyeli nanacijà omu mishîbo ya nsiku za migobe isharhu.

Daniyeli 2:18

mâshi bahûne obonjo bwa Nyamuzinda w’empingu amanyîse elyo ihwe balekiyîrha Daniyeli boshi n’abâbo haguma n’abandi barhimanya b’omu Babiloni.

Daniyeli 9:3

Nanaciyêrekeza obusù bwâni emunda Nyamuzinda ali, nahûna amango g’okushenga n’ag’okuyinginga omu kucîshalisa, omu kucîbabaza n’omukuyambala sunzu, nti ndôse kuli okwo.

Yônà 1:9

«Ndi Muyahudi, Nyamuzinda mparâmya, Lulema w’empingu n’igulu, owalemaga enyanja n’obudaka.»

Sofoniya 3:18

Nka kula binayôrha oku lusiku lukulu. «Nâherêrekeza obuhanya bwoshi, kwo Nyakasane adesire, nârhenza eshonyi zimubumbire.

Barom 12:15

Mukâshagaluka n’abashagalusire, munalake haguma n’abà­laka.