Nehemiya 1:3 - BIBLIYA NTAGATIFU OMU MASHI

³ Banacinshuza, mpu: «Balya barhengaga bujà b’emisigala, n’abandi bantu barhindibukîre omwo cihugo bajaga, emitungo ya Yeruzalemu yahongosire n’emihango yâge yasingonosire n’omuliro».

Nehemiya 1:3 ပူးပေါင်းရင်းမြစ်များ

1 Bâm 9:7

narhenza Israheli omu cihugo namuhâga, eyo nyumpa nagishaga okw’izîno lyâni nanayilangabûla embere zâni, kandi Israheli anabà masheka na lwimbo omu gandi mashanja.

2 Bâm 25:10

Engabo y’abôla basirika b’e Kaldeya, yahongola enkûta zoshi z’omu Yeruzalemu.

2 Nganîro 36:19

Banaciyôca aka-Nyamuzinda, banahongola enkûta za Yeruzalemu, bayôca enyumpa nyinjà zanalimwo zoshi, avunyungula anashandâza ebirugu binjà byabâga mwo byoshi.

Ezra 2:1

Alaga engabo y’abantu bahêkagwa bujà na mwâmi Nabukondonozori mwâmi w’e Babeli, amango bagwârhagwa mpira, kandi bashub’iyagaluka, bashubira e Yeruzalemu omu Buyahudi, ngasi muguma omu cishagala câge.

Ezra 5:8

Mwâmi amanye oku rhwajire omu lugo ly’Obuyahudi, aha nyumpa ya Nyamuzinda mukulu. Edwîrhe yayûbakwa n’amabuye manene n’emirhi edwîrhe yayongoberera omu nkuta. Ogwo mukolo gudwîrhe gwajirwa ntyo gunagendesire bwinjà omu maboko gâbo.

Nehemiya 11:3

Alaga abakulu b’emilala barhengaga omu bindi bishagala baj’iyûbaka e Yeruzalemu omu bishagala bya Yûda, ngasi muguma ayûbaka omu ishwa lyâge, omu cishagala câge, abadâhwa, abaleviti, abanyatineni na bagala b’abarhumisi ba Salomoni. Olubaga lw’Abayahudi omu Yeruzalemu.

Nehemiya 2:13

Nanacihuluka budufu, nagera omu muhango gw’ebwa Kabanda, najà ebw’iriba lya Dragoni n’ebwa muhango gwa Camvu, nasinza enyumvi za Yeruzalemu zàli zihongosire n’emihango yali esingônosire n’omuliro.

Nehemiya 2:17

Okubundi nanacibabwîra, nti: «Mubwîne obulagîrire rhulimwo: Yeruzalemu ahombire, emihango yâge yalundugusirwe n’omuliro. Mukanye rhushub’iyûbaka enyumvi za Yeruzalemu na ntyo rhurhacigayaguzibwe n’abandi bantu».

Nehemiya 2:3

N’obwôba bunji, nanacishuza mwâmi, nti: «Mwâmi aganze. Kurhigi obusù bwâni burhankazinzibala, erhi akabà olugo lubamwo enshinda z’ababusi bâni lwoshi lwahombire, ebyôgo byâlwo byalundugurhwa n’omuliro?»

Nehemiya 7:6

Alaga abantu barhengaga emunda bakâg’ilibuzibwa omu bujà: bo balya Nabukondonozori mwâmi w’e Babiloni, ali agwâsire mpira, banashub’igaluka e Yeruzalemu omu Buyahudi, ngasi muguma omu lugo lwâge.

Esteri 1:1

Ennanga 79:4

Rhwabîre lwimbo emw’abalungu bîrhu, rhwakwâmirwe rhwanashekerwa n’abarhuli eburhambi rhwarhama.

Migani 25:28

Olugo lw’omwerûlè, lulya lurhalikwo côgo, lwo lugumà n’omuntu orhajira murhima.

Izaya 43:28

Lêro nanacikolera abakulu b’aka-Nyamuzinda kâni nka banyankola-maligo; nalekêrera Yakôbo nti bamuherêrekeze n’Israheli nti bamujâcire.

Izaya 5:5

Niehe nkolaga nammubwîra kurhi najirira olukoma lwâni: «nalukûlakwo olugurhu, lusigale bwerûle, nashâba ecôgo câlwo, lulabarhwe n’abagera.

Yeremiya 24:9

“Nâbajira babè bakushologosa, banabè buhanya oku mâmi g’igulu goshi; cibonya-nshonyi, lwimbo, masheka g’abagera, ihanja ngasi hoshi n’abahabulira”.

Yeremiya 29:18

“Nâbayishakwo lumino­mîno n’engôrho, n’ecizombo n’ecahira; nabajira babè ha côbà oku mâmi g’igulu, ba cibonya-nshonyi, cikango, masheka oku mashanja goshi g’emunda nâbahabulira”.

Yeremiya 39:8

Abanya-Sîriya bayôca enyumpa ya mwâmi n’enyumpa z’abantu kwône; bahongola ebyôgo bya Yeruzalemu.

Yeremiya 42:18

Nêci, ye kudesire Nyakasane w’Emirhwe, Nyamuzinda w’Israheli. Nka kulyâla omutula n’oburhè bwâni byadubukiraga oku bantu b’e Yeruzalemu, kwo n’omutula gwâni gwacîrhulira kuli mwe, mukajà e Mîsiri: mukola mwâbà bashombe, bamubôlwa, balya bahehêrîrwe, balya b’okushekerwa, murhakanacilolakwo eci cihugo.

Yeremiya 5:10

Musôkere oku nyanya mushâbe, mukondagule muhebe oku idaho. Emizâbîbu muyishugule bulyâla erhali ya Nyamuzinda.

Yeremiya 52:14

Engabo alidwîrhe yoshi yacîhonda oku byôgo bya Yeruzalemu, yabiha oku idaho.

Ndûlù 1:7

Mw’ezo nsiku z’amababale n’obuhanya bwâge, Yeruzalemu akazike­ngêra birya azigiraga byoshi, birya byàli by’omu nsiku za mîra. Erhi abantu bâge boshi bakaz’ihirima oku bwôji bw’engôrho y’omushomba­nyi, hanabulikana ciru n’omuntu muguma w’okubarhabâla.

Ndûlù 2:9

Emihango y’ecishagala yahongosire, orhuhamikizo rhwâco rhwoshi arhuvungunywîre. Mwâmi n’abarhambo bagwîre omu maboko g’abapagani banyamahanga. Ntâye ciru n’omuguma w’okuderha ebi Nyamuzinda alonza; ciru n’abalêbi barhacimanya obulêbi bwarhenga emwa Nyakasane.

Ndûlù 3:61

Wayumvîrhe ebijâci byâbo, Nyakasane, n’emihigo yâbo mibî kuli nie.

Ndûlù 5:1

Nyakasane, orhayibagire okûla rhwabîre, olole obone kuno badwîrhe ba­rhujira.

Ben Levi 26:31

Engo zinyu naziyôsa bwâmwa, n’empêrero zinyu nazishandâza, ntakanaciyudûkirwa n’obuhumule bw’enshangi zinyu.

Ben Levi 26:33

Ninyu namushandabanya omu mashanja, ngal’immuyômolera engôrho omu nyuma zinyu; ecihugo cinyu câhagulwa, n’engo zinyu ziyôrhe nkunûnû y’irungu.