Ndûlù 5:22 - BIBLIYA NTAGATIFU OMU MASHI

²² Kurhigi wankarhukabulira lwoshi lwoshi! Ka wanarhushombaga okungana âho?

Ndûlù 5:22 ပူးပေါင်းရင်းမြစ်များ

Ennanga 44:9

Nnâmahanga rhwakazâg’icîtakîrira mûshi na budufu, n’izîno lyâwe rhurhàhwaga rhurhàlikuza.

Ennanga 53:5

Ewe! k’abajira amabî barhayengeha, bala bashanshanyula omulala gwâni nka kula balya omugati? Ka barhashenga Nyamubâho?

Ennanga 74:1

Lwimbo lwa kuyigîriza. Lwa Azafi. Mâshi Nnâmahanga, ci warhulekêrîre mâshi? Carhumire walubira ebibuzi by’omu busô bwâwe?

Ennanga 79:5

Waliha kuhika mangaci? Kàli weki omungo gwâwe gurhakarhûla? Ka mpu omutula gwâwe guyigurhe nka muliro?

Izaya 64:9

Engo zâwe ntagatîfu zikola zicibêra bwêrûlè, Siyoni akola acîbêra irungu, na Yeruzalemu akola acîbêra bigûkà.

Yeremiya 14:19

Ka Yûda kukaga wamukazire loshi? Nîsi erhi Siyoni kurhenga akurhenzire emurhima! Cici carhumire warhubambula omubambu gurharhundûke? Rhwakazâgilinga omurhûla, ci ntà kwinjà amango g’okufuma, ci lolaga ebihamba.

Yeremiya 6:30

«Lufaranga lufire», kwo babaderha. Nêci, Nyamuzinda obajahisire.

Yeremiya 7:29

Moma ebiviri byâwe birî-birî, obikabulire. Sôkera oku ntondo mpalangule obandirekwo endûlù. Bulyâla Nyamuzinda amakaga obûko bumugayîsa.

Ezekiyeli 24:13

Nalonzagya okukushuka kwo eryo izinga ly’amabî gâwe, ci orhayêmîre washukwa eryo izinga. Kuziga orhâce kuhika oburhè bwâni bukuhwêrekwo.

Ezekiyeli 37:11

Anacimbwîra, erhi: Mwene omuntu, agâla mavuha gw’omulala gwa bene Israheli boshi. Bulya banakaz’iderha mpu: Amavuha gîrhu gayumûsire. obulangâlire bwîrhu bwahwîre rhwahungumusire!

Hozeya 1:6

Nyamukazi arhôla kandi izîmi, aburba mwâli. Nyamuzinda amubwîra, erhi, «Yirika-ye izîno lya Bashombe, bulya nkola nashomba enyumpa y’Israheli ntà kuciyibabalira.