Ndûlù 5:18 - BIBLIYA NTAGATIFU OMU MASHI

¹⁸ Kuli kubà bulya entondo ya Siyoni yahindusire irungu, ekola ebà bulu­mbà bwa banyambwè!

Ndûlù 5:18 ပူးပေါင်းရင်းမြစ်များ

2 Bâm 25:9

Ayôca aka-Nyamuzinda ayôca enyumpa ya mwâmi, ayôca n’ezindi nyumpa z’omu Yeruzalemu zoshi, kuguma n’enyumpa z’abarhambo nazo azidûlika muliro.

Nehemiya 4:3

Rhwashenga Nyamuzinda wîrhu, rhwanajira abalanzi b’obudufu na mûshi lyo rhuhash’icilanga kuli bo.

Ennanga 63:10

Balya badwîrhe balonza okumpeza, bajè omuw’idaho kuli kulî.

Izaya 64:9

Engo zâwe ntagatîfu zikola zicibêra bwêrûlè, Siyoni akola acîbêra irungu, na Yeruzalemu akola acîbêra bigûkà.

Yeremiya 17:3

«Wâni ntondo yâni y’omu cibandâna, obunguke bwâwe n’obuhirhi bwâwe nabihâna babihagule erhi amabî wakozire omu cihugo coshi garhuma.

Yeremiya 26:9

Carhumaga oderha obwo bulêbi oku izîno lya Nyakasane mpu aka Nyamuzinda kwo kabà aka Silo, mpu olu lugo balushâba lushube bigûkà. N’olubaga lwoshi lwagorha Yeremiyahu omu ka-Nyamuzinda ka Nyakasane.

Yeremiya 44:2

«Ntya kw’adesire, Nyakasane w’Emirhwe, Nyamuzinda w’Israheli: Mwabwîne amahanya goshi nahongolirekwo Yeruzalemu n’emirhundu ya Yûda yoshi; loli oku olw’ene eri mishaka n’ebigûkà.

Yeremiya 44:6

Lêro naleka oburhè n’omutula gwâni gwacîrhulira kuli bo, gwasingônola emirhundu ya Yûda n’emihanda ya Yeruzalemu, byahindusire bigûkà n’irungu, nk’okûla biri ene.

Yeremiya 52:13

Aka-Nyamuzinda akahà muliro, enyumpa z’oku bwâmi n’e­ nyumpa z’e Yeruzalemu zoshi àzidûlika muliro.

Yeremiya 9:10

Yeruzalemu namujira nsinga ya mabuye, bulumba bwa banyambwe ebishagala bya Yûda nabijira bigûkà birya birhabamwo ndi.

Yeremiya 9:11

Mugula ohi wakayumva ebyo? Na kandi, ôhi Nyakasane abibwîzire mpu abimanyise abandi? Cirhumirage ecihugo cishâbwa. Cinayôcibwa nka mpinga erhagerwamwo na muntu?

Ezekiyeli 13:4

Kula banyambwe bayôrha omu bwêrûlè ntyôla kwo nabo bali abalêbi bâwe wâni, Israheli.

Daniyeli 9:17

Na bunôla oyu­mvîrhizagye mâshi Nyamuzinda wîrhu, okushenga n’ensengero z’omurhumisi wâwe, ojire obulangashane bw’obusù bwâwe bushib’imoleka halya hantu hâwe hatagatîfu hàshâbagwa, erhi Nyakasane orhuma.

Mikeyo 3:12

Co cirhumire, obubî bwinyu bwârhuma Siyoni ahinduka ishwa lya kuhingwa, Yeruzalemu abà bigûkà, n’entondo y’akà-Nyamuzinda lyâbà irango lya muzirhu.