Ndûlù 5:1 - BIBLIYA NTAGATIFU OMU MASHI

¹ Nyakasane, orhayibagire okûla rhwabîre, olole obone kuno badwîrhe ba­rhujira.

Ndûlù 5:1 ပူးပေါင်းရင်းမြစ်များ

Nehemiya 1:3

Banacinshuza, mpu: «Balya barhengaga bujà b’emisigala, n’abandi bantu barhindibukîre omwo cihugo bajaga, emitungo ya Yeruzalemu yahongosire n’emihango yâge yasingonosire n’omuliro».

Nehemiya 1:8

“Okengêre Yâgirwa kalya kanwa wayûshûlaga erhi obwîra mwambali wâwe Mûsa, erhi: Mukabà bagoma nâni namushandabanya omu mashanja goshi”;

Nehemiya 4:4

Ci Yûda anaciderha, erhi: «Obushiru bw’abûbasi bukola bwajà bwanyiha n’enundo y’ebijonjolekeza yamaluga, hali amango rhurhankacihasha okuyûbaka olu lugurhu».

Ayubu 10:9

Kengêra oku wêne wambumbaga kula babûmba ibûmba, ko wânânanshubize omu katulo.

Ayubu 7:7

Kengèra oku obuzîne bwâni guncili mûka gwône, oku, amasù gâni garhankacigaluka mpu gabone ebinja.

Ennanga 119:153

Olole omutula gungwêrhe onandîkûze, bulyâla irhegeko lyâwe ntaliyibagira.

Ennanga 74:18

Okengêre n’oku: oyo mubisha kushonza okwo akushonzize, Nyakasane, n’eryôla ishanja ly’abasirhe lyajacîre izîno lyâwe lyarhama.

Ennanga 79:12

Ojire mâshi Nyamwagirwa, abâlungwe bîrhu ecijâci bakujacira cibagalukekwo kali nda omu murhima

Ennanga 79:4

Rhwabîre lwimbo emw’abalungu bîrhu, rhwakwâmirwe rhwanashekerwa n’abarhuli eburhambi rhwarhama.

Izaya 62:6

Oku nkûta zâwe, Yeruzalemu, nahizirekwo abalâlîzi; ôli mûshi ôli budufu, ntà mango bankabulika. Ewe! mwe mukaz’iyîbuka Nyakasane, murhagohekaga!

Yeremiya 15:15

Wêhe orhababîri Nyakasane onkengêre, ontangule onambuke omungo gw’aba banshimbulwîre. Omu kulindalinda kw’oburhè bwâwe, orhampekaga orhanarhumaga bampeza; omanye oku we rhumire natumula.

Yeremiya 51:51

Oku rhwakagiyumva enshonyi zarhubumba erhi rhwayumvagya ebijâci! Enshonyi zakazirhusôka kuhika emalanga amango rhwabonaga abanya-mahanga bashesherera omu cirhînyiro ca Nyakasane.

Ndûlù 1:11

Olubaga lwa Yeruzalemu ludwîrhe lwayâma lwalonza eci lwalya. Ludwîrhe lwahâna akantu luzigira kulusha, luhâbwè eci lwalya lubonemwo amagala n’emisî. Lwamâshenga erhi: «Olole Nyakasane, kuno ndwîrhe nagayaguzibwa.»

Ndûlù 1:20

Nyakasane, olole, obone mababale manganaci gano gangwêrhe obulà buli bwajugumana na buno omurhima gubangalîre, bulya nakugomîre kubî bwenêne! Engôrho yanyukîze abâna omu njira, n’omu nyumpa mifù yône yône elambamire.

Ndûlù 1:9

Omwambalo gwâge gunanirekwo ebirhobero by’izinga lyâge. Arhàli amanyire bici byâmuyishira; ntyo kwo ayandagîre, ntà muntu wacimuhà omurhima. Amâderha erhi: «Mâshi Nyakasane, lolà buno buhanya bundikwo: obone oku omushombanyi wâni ye wahimîne.»

Ndûlù 2:15

Abadwîrhe bagera omu njira bakazikoma kagasha boshi, badwîrhe bakubandira olwôho we Yeruzalemu, banakudundira irhwe baderhe, mpu: Ka ko binali co cirya cishagala bakâgiderha mpu «Cinjinja buzira izâbyo na busîme bw’igulu lyoshi eci wâni?»

Ndûlù 2:20

Nyakasane, lolà obone ndi ojirîre ntyo. Mâshi Nyakasane, kurhi abakazi bankahika cingana aha, kulya abâna boburhaga bône banabalera? Ku­erhi abashombanyi bankalinda bahika aha kuyîrhira abadâhwa n’abalêbi omu cirhînyiro câwe?

Ndûlù 3:19

Kengêra amalumwa gâni n’obuhanya bwâni, ko buli nka bôge bwashakamira.

Ndûlù 3:50

Ndwîrhe nalinga oku Nyakasane ayûnama kurhenga enyanya, alolereze anabone:

Ndûlù 3:61

Wayumvîrhe ebijâci byâbo, Nyakasane, n’emihigo yâbo mibî kuli nie.

Habakuki 3:2

Yâgirwa, Nyakasane, nayumvîrhe bashambâla emikolo yâwe y’okurhangâza nieshi nayunjula bwôba. Mwa gano mango g’akalamo kîrhu oshub’izûsa emikolo ya bene eyo, oyimanyîse oku bantu. Ciru akabà mpu ogwêrhe ecirhumire wakunira, oshub’irhuyêrekeza olukogo lwâwe.

Luka 23:42

Anacibwîra Yezu, erhi: «Yâgirwa, onkengêre hano ohika omu bwâmi bwâwe».