Ndûlù 4:9 - BIBLIYA NTAGATIFU OMU MASHI

⁹ Okuhirima oku bwôji bw’engôrho kwo kukulu aha omuntu ankafà n’obu­ligo ajà ayûma anagangabala n’ishali.

Ndûlù 4:9 ပူးပေါင်းရင်းမြစ်များ

2 Bâm 25:3

Omu nsiku mwenda z’omwêzi, erhi olubaga loshi lwahweriragwe n’ebiryo, cikolaga cizombo conene lurhaciyimbwa kwo ciru n’eby’okulya.

Lubungo 16:3

Bene-Israheli bàkâbabwîra, mpu: «Rhucifìraga omu Mîsiri n’okuboko kwa Nyakasane kwo kwàli kukulu, lyoki rhwakâg’iburhamala aha burhambi bw’enyungu z’enyama, rhwâkaz’irya omugati, rhuyigurhe oku rhulonzize! Mwarhudwîrhe muno irungu mpu olu lubaga luhungumukiremwo lwoshi n’ishali!»

Izaya 22:2

wâni lugo lushâmîra bwenêne, lugo lwa kadugundu, lugo lwa masîma? Emifù yâwe erhali ngôrho yayiyisire, arhali oku ntambala yafîrîre.

Yeremiya 16:4

Bafà olufù lubî, barhâlakirwe barhânabishwe, bâbà binazo by’idaho. Ngôrho yâbalambika, n’ecizombo. n’emirhumba yâbo yâshube bushêge bw’ebinyunyi by’emalunga, n’ebiryanyi by’erubala.

Ezekiyeli 24:23

“Mwabêra n’ebitambara binyu omu irhwe n’enkwêrho zinyu emagulu, murhajamîraga, murhanalakaga. Mwaherêrekera erhi mabî ginyu garhuma, na ngasi muguma abandire owâbo endûlù”.

Ezekiyeli 33:10

Nâwe wâni mwene omuntu, ojibwîra omulala gwa bene Israheli, erhi: Loli oku munakaziderha ebîra binwa, erhi: Amabî gîrhu n’ebyâha bîrhu rhwenene binali kwo, kandi byo birhuma rhufa; kurhi rhwakalamaga?

Ezekiyeli 4:16

Kandi àshubimbwîra erhi: Mwene omuntu, lolà oku nkola navunanga nsherêze embîko y’omugati gwa Yeruzalemu: Bakazilîra oku bihamba ecihimbi c’omugati cigere, n’amîshi nago bânakaziganywa erhi bânajuguma bulya nago gali magere,

Ezekiyeli 7:15

Engôrho eri embuga, ecihûsi n’ecizombo nabyo biri omu ndalâlà. Erhi ankabà hali oli omu ishwa, oyôla ananigwe n’engôrho, na ngasi yêshi oli omu lugo, ecizombo n’ecihûsi byânamumalîra.

Ben Levi 26:39

Emisigala ya muli mwe, yahungumukira omu bihugo by’abashombanyi binyu erhi bubî bwâyo burhuma; ciru bahungumuka erhi mabî ga b’îshe garhuma nka kulya bônene bahungumukaga.

Lushika 28:51

Lyakulya ebyarhenga oku bintu byâwe, n’eby’omu ishwa lyâwe, kuhika bakushâbe wêshi, barhakusigire oli engano, oli idivayi, oli amavurha, oli omwâna w’enkafu, ôli omwâna w’ecibuzi, kuhika bakuninibuze.