Ndûlù 4:8 - BIBLIYA NTAGATIFU OMU MASHI

⁸ Lêro bakola bali bîru-bîru nka muyeye, barhacidwîrhi bamanywa omu njira. Ecikoba c’omubiri gwâbo cikola cibananîre oku rhuvuha, cikola cûmu-cûmu bushâli.

Ndûlù 4:8 ပူးပေါင်းရင်းမြစ်များ

Ayubu 19:20

Amavuha gâni gakola gananire oku luhù n’oku minyofu yâni, nkola ndwîrhe nacirhabâla n’oluhù lw’amîno gâni.

Ayubu 2:12

Oku baciri kuli, mpu bamulikirekwo; amasù, bamuhaba. Bagwîra omulenge. Ngasi muguma asharhula emyambalo yâge, banacigukumulira akatulo oku irhwe.

Ayubu 30:30

Omubiri gwâni gwahihire, amavuha gâni gayumûsire.

Ayubu 33:21

Kuhika omubiri gwâge guje gwayumîrira, abone amavuha garhaboneka gayâlagale.

Ennanga 102:11

Burhè bwâwe n’omutula gwâwe byandwîrhîre okwo, bulyâla wannengezize wantimba okw’idaho.

Ennanga 119:83

Bulya, kwo nabîre nka ndaha mmanike omu mugî, amarhegeko gâwe ntagayibagîri.

Ennanga 32:4

Bulyâla okuboko kwâwe kwàli kuzidohire oku irhwe lyâni mûshi na budufu, emisî yâni yakaz’iyonda nka kuno bayiyanikira oku izûba ly’ecanda.

Ennanga 38:3

Bulyâla emyampi yâwe yacinyîgwisiremwo n’okuboko kwâwe kwamponîrekwo.

Izaya 52:14

Nka kulya banji barhemukaga erhi bamubona, bulya obusù bwâge burhaciri nka bwa muntu n’enshusho yâge erhaciri nka ya mwene-Adamu,

Ndûlù 5:10

Ecikoba c’omubiri gwîrhu cikola cirhuyôca nka kuno barhurhogeza omu cibeye c’omuliro, erhi kulumwa n’ishali kurhuma.

Yoweli 2:6

Omu kubona ntyo, ebihugo bamârhoga n’obwôba, boshi bageramwo o­gwa nyegenye. Obusù bwahinduka.

Nahumu 2:10

Mucihagule amarhale! Mucihagule amasholo! Biri birugu birhankahwa, biri mwandu mwandu, ecishagala ciyunjwîre birugu bya citwîro.

Luka 10:11

“Ciru n’akatulo k’ecishagala cinyu kali karhunanîre omu nshando, rhukagukumwîre, nti rhummusigireko, ci kwônene mumanyage oku Obwâmi bwa Nyamuzinda buli hôfi”.