Ndûlù 4:6 - BIBLIYA NTAGATIFU OMU MASHI

⁶ Amabî g’olubaga lwâni go manene kulusha ebyâha by’abantu b’e Sodomo, bo bàbirundulagwa omu kanya kasungunu buzira ciru n’amango g’okulambûla amaboko mpu babarhabâle.

Ndûlù 4:6 ပူးပေါင်းရင်းမြစ်များ

Murhondêro 19:24

Oku bundi Nyamubâho anacirhogeza enshâno y’ecibiriti n’omuliro kuli Sodomo na kuli Gomora.

Murhondêro 19:25

Anacishâba ebyo bishagala n’olubanda lwoshi, haguma n’abantu balimwo na ngasi hyasi hy’oku idaho.

Izaya 24:2

Oku byâbà oku mudâhwa kwo byâbà n’oku lubaga, oku byâbà kuli nnakà kwo byâbà n’oku mujà wâge, oku byâbà oku mugoli kwo byâbà n’oku mujà-kazi wâge, oku byâbà oku waguza kwo byâbà n’oku wagula, oku byâbà oku wahoza kwo byâbà n’oku wacîhoza, oku byâbà oku walîbirwe omwenda, kwo byâbà n’oku wagulîre.

Yeremiya 20:16

Oyo muntu mâshi abè aka birya bishagala Nyakasane ashandâga buzira bwonjo, ayumve sêzi babande akakù k’entambala, mûshi kalengerêre ayumve akakù k’amatabâro,

Yeremiya 23:14

Ebinabwîne emwa abalêbi ba Yeruzalemu, byôhe bya kushologosa: obugonyi, okusêza obunywesi, okurhabâla enkola-maligo mpu hakanajira owarhenga omu bubî bwâge. Omu masù gâni boshi kwo bali aka Sodomo, n’abayûbakamwo kwo bali aka Gomora.

Ndûlù 4:9

Okuhirima oku bwôji bw’engôrho kwo kukulu aha omuntu ankafà n’obu­ligo ajà ayûma anagangabala n’ishali.

Daniyeli 8:25

Obulenga bwâge bwârhuma âkazihima byoshi n’obulyâlya; kwarhuma âbà n’obucîbone omu murhima gwâge, ânayirhe bantu banji buzira kadugundu; agomera omwâmi w’abâmi, anafè buzira kuhumwakwo n’okuboko kw’omuntu.

Daniyeli 9:12

Ayûkirize ebinwa byâge ebi aderhaga kuli rhwe n’oku bakulu bîrhu bakazâg’irhurhegeka, omu kurhubabaza n’obuhanya bunene, bulya burhasâg’ibonekana bundi idako ly’amalunga, obuhanya buli nk’obûla bwayishiraga Yeruzalemu.

Mateyo 24:21

Bulya ezo nsiku zâbà za malibuko garhazig’iboneka kurhenga okulemwa kw’igulu kuhika buno, garhakanaciboneka bundi.

Luka 10:12

“Mmubwîre: olwo lusiku Sodoma ayish’ibabalirwa kulusha eco cishagala”.

Luka 12:47

“Naye omushizi oyishi eci nnawâbo asîma, arhanacirheganye, arhanajire oku nnawâbo alonza, ayish’ishûrhwa empîmbo”.