Ndûlù 4:4 - BIBLIYA NTAGATIFU OMU MASHI

⁴ Abâna baciri oku ibêre, olulimi lwabayumîre ebiraka n’ecûmwe, abâna b’ebirhaba badwîrhe bahûna omugati na ntâye wabahà ciru n’ehihimbi hyâgwo.

Ndûlù 4:4 ပူးပေါင်းရင်းမြစ်များ

2 Bâm 18:27

Ci kwône omurhabâzi mukulu w’olugerêro lw’abasirika ababwîra erhi: «Ka kuli nnawinyu erhi kuli we nnâhamwîrhu antumire mpu nderhe ebyo binwa? Karhali emwa bala bantu babwârhîre omu mbaraza, banasêzibwe okulya amazî gâbo, n’okunywa amashù gâbo haguma ninyu?».

2 Bâm 25:3

Omu nsiku mwenda z’omwêzi, erhi olubaga loshi lwahweriragwe n’ebiryo, cikolaga cizombo conene lurhaciyimbwa kwo ciru n’eby’okulya.

Ennanga 137:6

Nêci olulimi lwâni, waliha Yeruzalemu, luyûmire ebiraka, aha nankakuyîbagira nîsi erhi aha nankabula kuderha oku we murhanzi omu bansimîsa.

Ennanga 22:15

Namâbulajika nka mîshi, namâjonjolekana orhuvuha. Omurhima gwâni gwamâjonga nka nsinde, gwamâhirigirha omu nda.

Izaya 5:13

Co cirhumire olubaga lwâni lukola lwahêkwa bujà, kulya kubà barhatwâga ihuzi-huzi, abaluzi bâlwo bâhwa n’ishali n’orhutu rhw’abantu rhuhungumuke n’enyôrha!

Yeremiya 14:3

Abagale badwîrhe bàrhuma abâna mpu bajilonza amîshi. Abâna badwîrhe bajà ebwa maliba ci barhabona mîshi, badwîrhe bakazigalukana orhubindi rhurhalimwo bici, n’omûmà n’ebishonyi n’irhwe libwîkire.

Ndûlù 1:11

Olubaga lwa Yeruzalemu ludwîrhe lwayâma lwalonza eci lwalya. Ludwîrhe lwahâna akantu luzigira kulusha, luhâbwè eci lwalya lubonemwo amagala n’emisî. Lwamâshenga erhi: «Olole Nyakasane, kuno ndwîrhe nagayaguzibwa.»

Luka 10:11

“Ciru n’akatulo k’ecishagala cinyu kali karhunanîre omu nshando, rhukagukumwîre, nti rhummusigireko, ci kwônene mumanyage oku Obwâmi bwa Nyamuzinda buli hôfi”.

Lushika 28:48

abashombanyi Nyamubâho akurhumakwo bo okolaga wakolera omu ishali, omu nyôrha, omu bwambale bubî n’omu kubula byoshi. Akuhira omurhamba gw’ecûma omu igosi kuhika oshandâle wêshi.

Lushika 32:24

Bahungumuka n’ecizombo, bâlibwa n’ishûshira banayumîrire n’obwôge. Nabarhumira erîno ly’ebiryanyi, baguma n’amanjoka-njoka.