Ndûlù 3:58 - BIBLIYA NTAGATIFU OMU MASHI

⁵⁸ We wambulânire, Nyakasane waciza obuzîne bwâni.

Ndûlù 3:58 ပူးပေါင်းရင်းမြစ်များ

Murhondêro 48:16

Malahika wandîkûzagya muli ngasi mabî, agishe abà bâna. Izîno lyâni n’izîno lya balarha Abrahamu na Izaki libalamiremwo, baluge banayololoke hano igulu».

Ayubu 35:14

Woyo wamacishomya okuderha, erhi «Ntamubwîni» mpu olubanja lwâni luli emwâge, nalinda!

Ennanga 103:4

Ye yôkola obuzîne bwâwe omu nyenga, Ye kuyunjuza inêma n’obwonjo.

Ennanga 34:22

Omubî bubî bwâge bumuyîrha, n’oshomba omushinganyanya kuhanwa anahanwa.

Ennanga 71:23

Kucîshinga akanwa kâni kâcîshinga hano nkola nakuyimbira, omurhima gwâni wâcungula gwohe kusîmîriza gwâsimiriza.

Ennanga 9:5

Nêci, wampîre ecâzo n’olubanja, watamala oku ntebe y’obwâmi, we mutwî w’emmanja mushinganyanya.

Izaya 51:22

Kwo adesire ntyâla, Nyakasane Nyamubâho, Nyamuzinda wâwe, ofungira olubaga lwâge: Alà oku nkola narhenza akabehe k’okudandabaganya omu nfune zâwe, akabehe k’obukunizi bwâni; orhakacikanywakwo bundi,

Yeremiya 11:20

Cikwône wêhe, Nyakasane w’Emirhwe, we twa emmanja n’obushinganyanya we singiriza ensiko n’omurhima onyêreke mbone oku wacîhôlerabo bulya we ntûzire olubanja lwâni.

Yeremiya 31:11

“Bulya Nyakasane ayôkwîre Yakôbo, àmufumya kw’abamulushire miîsi”.

Yeremiya 38:13

Okubundi balengeza Yeremiyahu n’erya migozi, bamusôsa, arhenga mulya cîna. Yeremiyahu abêra omu ngo y’abalâlîzi.

Yeremiya 50:34

“Niono, Mufungizi wâbo, ndi muzibu, nie Nyakasane w’Emirhwe. Nafumbarha niene olubanja lwâbo, lyo ndêrha omurhûla omu igulu, n’akashâbo omu bantu b’e Babiloni”».

Yeremiya 51:36

Ntya kwo Nyakasane aderhîre Yeruzalemu, erhi: «Niene nkolaga nakulwakwo, nacikwihôlera, nkola naganya olwîshi lwâge, nfuke n’enshôko zâge.

1 Samweli 25:39

Erhi babwîra Daudi ogw’olwo lufù lwa Nabala, aderha, erhi: «Ayâgirwe Nyamubâho owamatwa olubanja lwa kulya najaciragwa na Nabala na kandi amabulilanga omurhumisi wâge alekijira okubî. Ci obubî Nabala ajiraga, Nyamubâho amamuhirimizabwo oku irhwe lyâge.» Enyuma ly’okwôla, Daudi alîka entumwa yagendibwîra Abigayila oku alonza okumuyinjira.