Ndûlù 3:57 - BIBLIYA NTAGATIFU OMU MASHI

⁵⁷ Amango nakuhamagalaga wanyegera wanabwîra, erhi: «Orhayôbohaga».

Ndûlù 3:57 ပူးပေါင်းရင်းမြစ်များ

Murhondêro 26:24

Nyamubâho amubonekera mw’obwo budufu amubwîra, erhi: «Nie Nyamuzinda wa sho Abrahamu, orhayôbohaga cici bulya ndi haguma nâwe. Nakugisha, nnanduze iburha lyâwe erhi mwambali wâni Abrahamu orhuma».

2 Bâm 19:6

Yesha’yahu anacibashuza erhi: «Mujibwîra nawinyu erhi mpu Nyamuzinda oku adesire kw’oku: Mpu orharhemukaga n’ebyo binwa oyumvîrhe, ebyôla binwa bambali ba omwâmi w’e Asîriya banjaciragamwo.

Ennanga 138:3

Olusiku nakufukamiraga wanyumvîrhiza, wanyûshûlira emisî y’omurhima.

Ennanga 145:18

Nnâmahanga ali hôfi ha ngasi yêshi omusengera, ngasi yêshi omusengera n’omurhima gurhajira bulyâlya.

Ennanga 69:18

Orhanafulikaga mwambali wâwe obusù bwâwe, bulyâla Waliha mâshi, amagala gandire: obiduhe oyumvîrhize.

Izaya 41:10

Orhayôbohaga, bulya ndi haguma nâwe, orhabâga bihamba, bulya nie Nyamuzinda wâwe. Nakuzibuhize nanakurhabâla, nakugwâsa n’okulyo kw’obucîranuzi bwâni.

Izaya 41:14

Orhayôbohaga, wâni muvunyu gwa Yakôbo, wâni munyole gw’Israheli! Nie nâkurhabâla, Nyakasane okudesire; côkola wâwe, ye Mutagatîfu w’Israheli.

Izaya 58:9

Obwo wânayakûza na Nyakasane âkushuze, wânahamagala, naye âderhe, erhi: «Nie ono!» Erhi wankarhenza budagulè emwâwe, okaleka okukaz’ishunga omunwe n’okuderha ebinwa bibî;

Yeremiya 1:17

We nabwîra ohwinje bwinjà, oyîmuke ojibabwîra ngasi byoshi nâkurhegeka niono. Orhadirhimanaga omu masù gâbo, nakanakudirhimanya embere zâbo.

Ebijiro 18:9

Lêro budufu buguma, Nyakasane anacibonekera Paolo, amubwîra, erhi: «Orhayôbohaga oderhe, orhahulikaga;

Ebijiro 27:24

“ambwîra”, erhi: “Orhayôbohaga Paolo, kukwânîne ohike embere za Sezari, kandi Nyamuzinda akuhîre obuzîne bw’abâla muli mweshi omu bwârho”.

Bahabraniya 7:19

Ntà kantu irhegeko lyàjizire kimâna; ci lyàli nshokole­zi y’obulangâlire bulushire, oburhuhà okuyêmêra Nnâmahanga.

Yakôbo 4:8

Yêgeri Nyamuzinda, naye a­mmuyegerera. Kalabi enfune zinyu, mwe banya-byâha; cêsi emirhima yinyu, ezi nderhera-habiri.

Mafulûlo 1:17

Erhi mmubona, nacîrhimba aha magulu gâge, nâbà nk’ofîre. Anacimpumakwo n’okulyo kwâge, ambwîra, erhi: «Orhayôbohaga: ‘nie Murhanzi, nie na Muzinda’,

Mafulûlo 2:10

Orhayôbohaga ebi wayish’ibabala. Alà oku Shetani akol’ikwêba baguma muli mwe omu mpamikwa, mpu ammurhangule, mwanayûsa nsiku ikumi erhi kurhindibuka mudwîrhe mwarhindibuka. Ozibuhe, osêre kuhika okufà, nâni nayakuhe ishungwè ly’obuzîne».