Ndûlù 3:4 - BIBLIYA NTAGATIFU OMU MASHI

⁴ Arhumire omubiri gwâni gwahorha kurhangirira oku irhwe kuhika omu magulu, amvunyungwîre orhuvuha.

Ndûlù 3:4 ပူးပေါင်းရင်းမြစ်များ

Ayubu 30:30

Omubiri gwâni gwahihire, amavuha gâni gayumûsire.

Ennanga 22:14

Zidwîrhe zanyânira emalanga, nka ntale yatula yanabinja mpu ndîbwe.

Ennanga 32:3

Amango nali mpulisire erhi orhuvuha rhwâni banarhubujegera, erhi n’omulenge gurhankala oku isù.

Ennanga 51:8

Omurhima gw’omuntu w’okuli gwo gukusîmîsa, omu ndubi y’omurhima gwâni mw’onyigîriziza obumanye.

Izaya 38:13

Kuhika sêzi erhi kuyâma ndwîrhe nayâma. Nka kula entale enajira, kwo (Nyakasane) adwîrhe akugurha orhuvuha rhwâni rhwoshi. Kurhenga sêzi kuhika budufu erhi mîra wammalîraga.

Yeremiya 50:17

“Israheli ali akola ayôsire nka bibuzi bihezire, byajà byahivwa n’entale. Omurhanzirhanzi wabirirekwo ali mwâmi w’e Asûru. Enyuma z’okwo, ayisha mwâmi Nabukondonozori w’e Babiloni, amubederhera orhuvuha”.