Ndûlù 3:39 - BIBLIYA NTAGATIFU OMU MASHI

³⁹ Bicigi lêro omuntu ankacîdudumira, akabà acizîne, n’obwo agwêrhe mabî manji?

Ndûlù 3:39 ပူးပေါင်းရင်းမြစ်များ

2 Bâm 3:13

Elishaʿ anacibwîra mwâmi w’Israheli erhi: «Bici kuli nie na nâwe? Kanya ojè emw’abalêbi ba sho n’abà nyoko». Mwâmi w’Israheli anacishuza erhi: «Nanga bulya Nyakasane anahamagîre abâla bâmi basharhu mpu abahâne emwa Mowabu»,

2 Bâm 6:32

Lêro oku Elishaʿ ali omu nyumpa yâge boshi na bashamuka baguma, mwâmi anacirhuma omuntu emunda ali. Ci konene embere erya ntumwa ehike emunda Elishaʿ ali, Elishaʿ anacibwîra balya bashamuka erhi: «Ka mubwîne; oyu mwene omwîsi w’abantu arhumire mpu bantwe igosi. Loli, hano eyo ntumwa eyisha mwanayîgala olumvi mumutundirike embuga. Ci konene nk’emidindiri y’amagulu ga nawâbo erhayumvikana enyuma zâge»?

2 Bâm 6:33

Oku acidwîrhe aderha ntyâla, mwâmi anaciyandagalira emunda ali anacimubwîra erhi: «Lolà oku obûla buhanya emwa Nyakasane bwarhenga, cici nankacilangalirakwo Nyakasane»?

Ezra 9:13

Kuli ebi bibî byarhuyîshiraga erhi bijiro bîrhu bigalugalu birhuma ciru akabà mpu orhabîkaga ecirhali cihimbi c’amabî gîrhu, Yâgirwa Nyamuzinda wîrhu, wanarhulekera n’omusigala nk’ogu guli aha,

Ayubu 11:6

àcikubohôleraga amahwe gw’oburhimanya, galya gabwîrwa orhagayumve, wali wamanya oku bubî bwâwe Nyamuzinda akutumuzize.

Ayubu 15:13

Kurhi Nyamuzinda ye okola obêrîre burhè, n’omu kanwa kâwe mwo mudwîrhe mwarhenga ebinwa bya bene ebyo!

Ennanga 107:17

Balwâla erhi byâha byâbo birhuma, balibuka barhindibuka erhi bubî bwâbo burhuma.

Migani 19:3

Obuhwinja bw’omuntu bunamusherêgeze amâjira, omurhima gwâge gubâge Nyakasane ye gutumuza.

Izaya 51:20

Abâna bâwe babengîre, bakola balambûkîre omu ngasi marhambi g’enjira zoshi, bakola bali nka kula akashafu kagwârhwa omu murhego, bamâzigânwa n’obukunizi bwa Nyakasane, n’omuhigo gwa Nyamuzinda wâwe.

Yeremiya 10:19

Namâhera, namâbandwa! Ecibande câni cirhakanafuma. Nie muntu nakazagiderha: nti gâni ago mababale, nagalembera.

Yeremiya 30:15

“Cirhumire walakira obuvune bwâwe n’obu amalumwa gâwe garhankarhûlirizibwa? Bugoma bwâwe n’ebyâha byâwe binjibinji, bya­rhumire nakujira ntyo!”

Ndûlù 3:22

Olukogo lwa Nyakasane lurhacîkwa, obuzigire bwâge burhaheka.

Ben Levi 26:41

kwo kwanarhuma nâni nacîhindulirabo, n’okubahêka omu cihugo c’abashombanyi bâbo. Erhiankaba ogwo murhima gwâbo muzibu nk’ibuye gurhahanagwa lêro nagwo gwanacîrhôhya, nâni nanashub’ikengêra endagâno yâni na Yakôbo.

Ben Levi 26:43

Ecihugo barhenzibagwamwo, lêro naco cabà n’ezizira za Sabato waco. Bulya cakaz’ihagulwa, banayêmêra obuhane bw’amabî gâbo, bulya bali bagayaguzize amarhegeko gâni, n’omurhima gwâbo gwàli gushologosirwe n’amarhegeko gâni.

Mikeyo 7:9

Nâlembera obukunizi bwa Nyakasane bulya namugomîre, kuhika ansa­mbîse, antwîre olubanja. Bulya ampulusa, ampire ahâli obulangashane, mbone obushinganyanya bwâge.

Mibalè 11:11

anacibwîra Nyamubâho, erhi: «Carhumaga ojirira mwambali wâwe mabî ga bene agâla, carhumaga nka nalintonyire omu masù gâwe, ombarhuza omuzigo gw’olubaga lwa bene olu?

Mibalè 17:12

Aroni arhôla ecitumbûkizo, nk’oku Mûsa anaderhaga, alibirhira omu karhî k’olubaga. Ecibande càli camarhondera ekarhî k’olubaga. Ahira enshangi omu citumbûkizo, ajira enterekêro y’empyûlo oku lubaga.

Mafulûlo 16:9

Abantu babôyôka erhi kuluga kw’idûrhu kurhuma; ci ahâli n’okucîyunjuza n’okuhà Nyamuzinda irenge, bôhe bagwîra balogorhera izîno lya Nyamuzinda ojira obuhashe kuli ago mahanya.