Ndûlù 3:32 - BIBLIYA NTAGATIFU OMU MASHI

³² Bulya ciru ankamubabaza, kurharhuma arhamubabalira omu lukogo lwâge lunene.

Ndûlù 3:32 ပူးပေါင်းရင်းမြစ်များ

2 Bâm 13:23

Ci konene Nyamubâho ababêra obonjo abababalira; ashubibayêrekeza obusù bwâge erhi erya ndagâno alagânanaga boshi na Abrahamu, Izaki na Yakôbo erhuma; arhalonzagya okubaherêrekeza, arhanasag’ibalekêrera kuhika na buno.

Ennanga 103:11

Nka kulya amalunga gali enyanya ly’igulu kwo n’obuzigire bwâge bugwêrhe obuhashe oku bamurhînya.

Ennanga 30:5

Mwe barhonyi ba Nyakasane; nêci mumuzihire là! munavuge izîno lyâge litagatîfu omunkwa.

Ennanga 78:38

Ci kwône yêhe akaz’ibafa lukogo omu kukaz’izâza obubî bwâbo n’omu kubula bwabaherêrhera; akaz’icika omutula gwâge àhâli h’okubarhulira kuli gwo.

Lubungo 2:23

Erhi nsiku nyinji zigera, omwâmi w’e Mîsiri afà. Mwo bulya bujà bwâbo, bene-Israheli balakira Nyamuzinda, babanda endûlù, na kurhenga omu bujà bwâbo, endûlù yâbo yasôkera emwa Nyamuzinda.

Lubungo 3:7

Nyakasane anaciderha, erhi: «Kwo binali, nabwîne amalibûko g’olubaga lwâni luli e Mîsiri, nayumvîrhe n’endûlù ludwîrhe lwabanda embere z’abadwîrhe balulibuza. Nêci, manyire malibuko maci lulimwo.

Izaya 27:8

Abahanyire erhi abakaga n’okubaluliza; abalibirhakwo n’omûka gwâge mudârhi guli nka mpûsi y’ebushoshôkero bw’izûba!

Izaya 54:7

Nabâga nka nakuleka hisanzi hitya, ci nâshub’ikuyankirira n’olukogo lunji.

Yeremiya 31:20

“Efrayimu ye mugala wâni muzigirwa, mwâna nsîma bwenêne. Ngasi mango erhi nderha nti nakaliha, nankayumva arhantenga omu bukengêre, bulya mmuzigira bwenêne. Ntâko nakabula kumufa bwonjo”.

Ndûlù 3:22

Olukogo lwa Nyakasane lurhacîkwa, obuzigire bwâge burhaheka.

Hozeya 11:8

Efrayimu, kurhi nankakulcka, kurhi nakuhana, Israheli? Kurhi na­ nkakujira aka Adma, nkujire nka Seboyimu? Omurhima gwamampindamuka omu cifuba, obulà bwamànjuguma.

Nahumu 1:12

Nyamubâho adesire ntya, erhi: «Ciru bakarhabâla, ciru bakaluga kurhi, bagûkumuka, baherêrekere. Akabà nakugânyaguzize, ntakacikugânyaguza bundi.

Luka 15:20

“Anacigandûla, ajà emw’îshe”. “Erhi abà aciri kuli, îshe amulangira, ayumva o­bwonjo bwamugwârha; anaciyisha ali bulibirha, amuyâbabira, amuhôbera”.

Bacîranuzi 10:16

Bakanya, hagendirhenza emwâbo balya banyamuzinda b’ahandi, bashubikazikolera Nyakasane. Omurhima gwâge gwanacibona obwonjo bwenêne kuli okwo kubengera kw’Israheli.