Ndûlù 3:2 - BIBLIYA NTAGATIFU OMU MASHI

² Ansunika embere zâge, angeza omu mwizimya, buzira kamole.

Ndûlù 3:2 ပူးပေါင်းရင်းမြစ်များ

Ayubu 18:18

Bamâmurhenza omu bulangashane, amâja omu ndunduli, amâkagwa hanôl’igulu.

Ayubu 30:26

Nakagilangâlira iragi, lêro obuhanya bwantogera, Nakazilingûza obulangashane, lêro gwabà mwizimya gucîyêrekana.

Izaya 59:9

Okwo kwo kwarhumire obucîranuzi bwacîyegûla nîrhu n’obushinganyanya burharhuhikayo. Rhwakâg’ilingûza obulangashane, lêro gwabîre mwizimya go guyisha! Rhwakâg’ilongereza omulengezi, lêro omu ndunduli y’omwizizi mwo rhudwîrhe rhwalambagira!

Yeremiya 13:16

Muhè Nyakasane Nyamuzinda winyu irenge duba oku omwizimya gurhacigwa, n’oku amagulu ginyu garhacisârhala, oku birhondo by’obudufu. Mwoyo mudwîrhe mwalinda obuce: yêhe mwizimya adwîrhe abulula n’okuguhindula ndundulya ya budufu,

Yeremiya 4:23

Nalolerize igulu: nabugâna mpinga! nti nalola amalunga, nashanga omûshi gwahirigisire.

Ndûlù 2:1

Yajêwe! Nyakasane omu bukunizi bwâge bunene anabwîne ecitù ciru e­nyanya za Yeruzalemu. Eryâli irenge ly’Israheli, alijugucîre oku idaho kurhenga enyanya empingu. Amango oburhè bwâge bwabirûnduka kuli Siyoni, ayibagira oku co càli citumbi c’okuhirakwo amagulu gâge.

Lushika 28:29

obone okola wajà watunduguza mûshi-kasirahinga, nka kula omuhûrha gutunduza omu mwizimya, orhanahike ngahi. Amâjira gâwe goshi gabà ga bihekà. Ci kwône walibuzibwa onanyagwe ebyâwe obule n’owakufungira.

Yûda 1:13

Eri mivumba mikali y’omu nyanja edwîrhe yarhengamwo omufula gw’enshonyi zâyo; ziri nyenyêzi zihabusire zidwîrhe zalingwa na nyandumà w’ensiku n’amango!

Yûda 1:6

Nabo bamalahika babulaga okukenga obukulu bwâbo, ci barhenga aha mwâbo, abahizire omu nkoba z’omwizimya gw’ensiku n’amango, mpu balingire­mwo olubanja lw’Olusiku lukulu.