Ndûlù 2:22 - BIBLIYA NTAGATIFU OMU MASHI

²² Abashombanyi bâni badârhi wabalalisire nk’oku lusiku lukulu. Yâgirwa Nyakasane, olusiku omutula gwâwe gwabashaga, harhajiraga omuntu wasigala erhi ashugunuke. Omushombanyi àhungumwîre abâna naleraga nanakazagihêka emugongo.

Ndûlù 2:22 ပူးပေါင်းရင်းမြစ်များ

2 Nganîro 36:17

Okuhandi, Nyamubâho abayinamulira omwâmi w’e Kaldeya, anigûza n’engôrho emisole yâbo yoshi, omu ka-Nyamuzinda wâbo arhababaliraga ndi, oli omwânarhabana oli omwânanyere, oli abashosi, oli abalume bakola bagwêrhe emvi; Nyamubâho ahira byoshi omu maboko gâge.

Ennanga 31:13

Narhenzire abantu emurhima, nayibagîrwe ak’owafîre, nâbà nka nyungu mbêre.

Izaya 28:19

“Ngasi kugera, bwanammugwârha, bulyâla bwâkazigera ngasi sêzi, ngasi mûshi na ngasi budufu, na bwôba bône bwayumvîsa obulêbi”.

Yeremiya 11:11

Co cirhumirage, Yekudesire Nyakasane, lâba oku nkola nabarhumira obuhanya barhafume, bakanyâkûza, ntabashuze.

Yeremiya 14:19

Ka Yûda kukaga wamukazire loshi? Nîsi erhi Siyoni kurhenga akurhenzire emurhima! Cici carhumire warhubambula omubambu gurharhundûke? Rhwakazâgilinga omurhûla, ci ntà kwinjà amango g’okufuma, ci lolaga ebihamba.

Yeremiya 20:3

Erhi buca sêzi, Pashehuru akula Yeremiyahu omu mpamikwa. Okubundi Yeremiyahu amubwîra erhi: «arhaciri lya Pashehuru Nyamuzinda akudesire, ci lya: Côbà ciri eyi n’eyi.

Yeremiya 21:7

Enyuma ly’aho, kanwa ka Nyamubâho, nâhana Sedekyahu, mwâmi w’e Yu­da, ye n’abambali, olubaga na balya boshi bâfume ecihûsi, engôrho n’ecizombo, nâbahisa omu nfune za Nabukondonozori, mwâmi w’e Babiloni, omu nfune z’abashombanyi bâbo, n’omu nfune za balya barhabalongeza kalamo, burhababâlira ndi, burhafà bwonjo, buzira lukogo».

Yeremiya 44:7

Na bunôla, yekudesire Nyakasane, Nyamuzinda w’Emirhwe, Nyamuzinda w’Israheli: cârhuma mwacîlerhera mwene amabî mangana aha? Ka mpu murhume baherêrekeza omu cihugo ca Yûda, abalume, abakazi, abâna n’orhubonjo, harhaciyôrhaga ciru omusigala,

Yeremiya 46:5

Ewe, kurhi oku mbabwîne? Kuziga barhunzirwe n’obwôba, bàrhenzire erugamba; entwâli zâbo zàhimirwe. Akola maguluagabe barhâcikabagana. Cikola côbà cône empande zoshi. Kanwa ka Nyakasane.

Yeremiya 6:25

murhajâga ebwa mashwa, murhageraga omu mirimbwa bulyâla eyo munda ngôrho za babisha, bihamba enyunda zoshi.

Lushika 28:18

Yâbà ehehêrîrwe emburho y’omu nda yâwe, emburho y’omu kwâwe, iburha ly’enkafu zâwe n’ery’ebibuzi byâwe.