Ndûlù 2:17 - BIBLIYA NTAGATIFU OMU MASHI

¹⁷ Nyakasane anakozire ebi àkagihiga, ayunjuzize akanwa àderhaga kurhenga mîra. Anashâbwîre buzira lukogo, asîmîsize omushombanyi n’obuhanya bwâwe, azibuhize obucîbone bw’omubisha wâwe.

Ndûlù 2:17 ပူးပေါင်းရင်းမြစ်များ

1 Bâm 9:7

narhenza Israheli omu cihugo namuhâga, eyo nyumpa nagishaga okw’izîno lyâni nanayilangabûla embere zâni, kandi Israheli anabà masheka na lwimbo omu gandi mashanja.

Ennanga 35:24

Oluntwîre Yâgirwa, kulya onayôrha oshinganyanya, Nnâmahanga wâni mâshi orhazigaga bankwâma!

Ennanga 35:26

Balya bacîshinga bakayumva mpanyagîre, batumbaguze mâshi, enshonyi zibabumbe, balya boshi bannimbira bacinyîgererakwo, babumbwe n’ezamêmè.

Ennanga 38:16

Yâgirwa, nêci, wêne ncîkubagîre; wêne wanyumva, Yâgirwa, Nyamuzinda wâni.

Ennanga 89:42

Abâgara bahagwîre barhama, àshubirage masheka g’abalungu!

Ennanga 89:43

Okuboko kw’abashombanyi bâge kwo walengezizagye, ababisha wabayunjuza mwishingo!

Izaya 14:29

«Mumanye mwankacîshinga mweshi, wâni Bafilistini, mpu akarhi kakâg’imushûrha kavunisire, bulya omu cisiki c’enjoka mwârhenga empiri, n’omw’iji lyâyo murhenge enkuba-joka yajà yabalala nka kanyunyi.

Yeremiya 18:11

Okanyagye obwîre ab’emwa Yûda na ab’omu Yeruzalemu ntya: «mpu kwo adesire ntya Nyakasane: Mpu lâbi oku ndwîrhe namurheganyiza obuhanya, (mmugwerhîre n’omuhigo) mmumanyire n’obwenge. Mubâge mwarhenga ngasi muguma omu njira zinyu mbî; muyinjihye obwôrhere n’ebijiro binyu».

Yeremiya 4:28

Kuli okwo, igulu lyâjira emishîbo n’amalunga gali enyanya gâjamwo omwizimya bulyâla nadesire ntânacigalule akanwa nafundisire ntanacifundûle.

Yeremiya 40:3

bwo n’obûla adwîrhage Nyakasane ajizire nk’oku anahigîrizagya. Kwo kuderha oku mwagomire Nyakasane, mwabula buyumva izù lyâge: bwoshi buhanya bumujirekwo.

Ndûlù 1:5

Abashombanyi bâge bo bahimire, abanzi bâge badêkerîre. Nyakasane oyo wamubabazize erhi bugamba bwâge bunji burhuma. Abagala barhôrhô bajà batundulikwa n’omubisha wabagwâsire mpira abahêka bujà.

Ndûlù 2:8

Nyakasane ali ahizire okusherêza ebisîka bya Yeruzalemu. Alambwîre omugozi gw’okugalagaza, àrhacîsire okuboko kwâge mpu kurhashâbaga. Ci ebyôgo n’ebisîka abihebire omu mishîbo. Byashubire migandu byoshi haguma.

Ndûlù 3:43

Wacibwîkira omu bukunizi bwâwe, warhushimbulula, wanigûza buzira lukogo.

Ndûlù 4:11

Nyakasane ayûkirize omutula gwâge, adubwîre obukunizi bwâge bunene, ayâsize ntakanjirwa w’engulumira omu Siyoni àyôkera ciru n’ebiriba byoshi.

Ezekiyeli 5:11

Co cirhumire, ndahîre oku buzîne bwâni, Nyakasane Nyamubâho okudesire, ebwa kubà wahemwîre ahantu hâni hatagatîfu n’amabî gâwe magalugalu, nâni nkola nâmujandika buzira masù ga bwonjo na buzira kubabalira.

Ezekiyeli 8:18

Nâni nkolaga nâbajirira ebya bukali, ntababalire, ntanabêre bwonjo. Bâyâkûliza bwenêne omu marhwiri gâni ntanabayunvirhize».

Ezekiyeli 9:10

“Co cirhumire nâni ntâbe na bwonjo buci, ntânababalire ndi, nabadôsa eby’olugendo lwâbo”».

Daniyeli 9:12

Ayûkirize ebinwa byâge ebi aderhaga kuli rhwe n’oku bakulu bîrhu bakazâg’irhurhegeka, omu kurhubabaza n’obuhanya bunene, bulya burhasâg’ibonekana bundi idako ly’amalunga, obuhanya buli nk’obûla bwayishiraga Yeruzalemu.

Mikeyo 2:3

Co cirhumire Nyakasane akolaga adesire, erhi: «Yumvagi, ndâlîre okujirira eyi nyumpa kubî, muli okwo, murhâkulemwo amagosi ginyu, murhanagende n’obucîbone bulya gali mango mabî.

Sofoniya 1:2

Nyakasane amâderha, erhi: «Nâherêrekeza ngasi hyoshi hiyîsa omûka hano igulu.

Zakariya 1:6

“Cikwône ebinwa n’amarhegeko nal’ihire abalêbi bambali bâni ka birhahikagakwo bashakulûza binyu? Bahindula olugendo lwâbo banaderha, erhi: Nyakasane w’amashanja arhujirîre nk’oku anal’ihizire okurhujirira, nk’oku olugendo n’ebijiro bîrhu byàl’ikwânîne.”»