Ndûlù 2:11 - BIBLIYA NTAGATIFU OMU MASHI

¹¹ Amasù gâni garhûnzire n’okulaka emirenge, omurhima gundimwo gwarhozire, ntankabula bwaziguluka kw’obu buhanya bwamarhinda oku lubaga lwâni, bulya abâna b’ebirhaba n’abaciri oku ibêre badwîrhe bafîra omu ngo z’ebishagala n’enyôrha.

Ndûlù 2:11 ပူးပေါင်းရင်းမြစ်များ

Ayubu 16:13

emyampi yâge yanzungulusire, yantulungwîre enda buzira bwonjo, amanshambulira endulwè yâni oku idaho.

Ayubu 30:27

Nangôngo akola andibuza burhahusa, Ensiku z’amalibuko zànzidohîre.

Ennanga 119:82

Amasù gâni gayumire galinga oku waderha akanwa: mangaci okolaga wantûliriza obwo?

Ennanga 22:14

Zidwîrhe zanyânira emalanga, nka ntale yatula yanabinja mpu ndîbwe.

Ennanga 31:9

Orhanampizire omu nfune z’omubisha, ci amagulu gâni wagayimanza ahadekerîre.

Ennanga 38:8

Ensiko zâni kwo zikola ziri nka buhya bwa muliro, na ntaho amagala garhandya.

Ennanga 6:7

Ndi bufà erhi maganya garhuma erhi binajinga, nanyongoberere omu lwôgo lwâni oku narhoga emirenge, ncîkwêbe omu ncingo yâni.

Ennanga 69:3

Nashâyire omu cijondo c’emuhengere lêrhaga aha nankadêkereza okugulu. Yo muhêngere eno mushâna! Amîshi gangezire aha ntondo y’irhwe.

Izaya 22:4

Co carhumaga nderha, nti: «Murhandolagakwo, muleke ndake ndakûle! Murhacîrhamagya mpu mwantûliriza kw’obu buhanya bwarhogîre mwâli w’olubaga lwâni».

Izaya 38:14

Ndwîrhe navigîra nka hiremberembe nîsi erhi muhangâli, ndwîrhe nagûkubira nka ngûkù. Amasù gampwêrîre emalunga mpenesire. Nkola ngombire, Yâgirwa Nyakasane, onfungire!

Izaya 51:20

Abâna bâwe babengîre, bakola balambûkîre omu ngasi marhambi g’enjira zoshi, bakola bali nka kula akashafu kagwârhwa omu murhego, bamâzigânwa n’obukunizi bwa Nyakasane, n’omuhigo gwa Nyamuzinda wâwe.

Yeremiya 14:17

Obabwîre n’aka kanwa: Amasù gâni gali galaka omulenge, obudufu n’omushi, buzira kuhusa bulya kuyagalika ayagalisire olya munyere, mwâli w’olubaga lwâni. Cinali cibande cinene.

Yeremiya 4:19

Alà ehindi omu nda wee! alà enda wee! alà nka yaluma wee! Omurhima bamâgudunda. Ntankahashihulika bulya namâyumva babûha omushekera. Cihôgêro ca ngabo yajà oku matabâro.

Yeremiya 44:7

Na bunôla, yekudesire Nyakasane, Nyamuzinda w’Emirhwe, Nyamuzinda w’Israheli: cârhuma mwacîlerhera mwene amabî mangana aha? Ka mpu murhume baherêrekeza omu cihugo ca Yûda, abalume, abakazi, abâna n’orhubonjo, harhaciyôrhaga ciru omusigala,

Yeremiya 8:19

“Yumva endûlù ya mwâli w’olubaga lwîrhu, yamâzûka omu cihugo coshi mpu ka Nyamubâho arhacibà omu Siyoni, k’omwâmi w’e Siyoni arhaciyibà? (Carhumaga banjira burhè n’enshusho zâbo ebyo birhali byo byarhenga ihanga)”.

Ndûlù 1:11

Olubaga lwa Yeruzalemu ludwîrhe lwayâma lwalonza eci lwalya. Ludwîrhe lwahâna akantu luzigira kulusha, luhâbwè eci lwalya lubonemwo amagala n’emisî. Lwamâshenga erhi: «Olole Nyakasane, kuno ndwîrhe nagayaguzibwa.»

Ndûlù 1:16

Obwo buhanya bwo burhunire ndwîrhe nalaka emirenge yâni yoshi. Owakantûliriza ashubingalulira emisî y’okulama, ali kulî. Abâna bâni balesirwe maboko mûmu, bulya omushombanyi abahimire.

Ndûlù 1:20

Nyakasane, olole, obone mababale manganaci gano gangwêrhe obulà buli bwajugumana na buno omurhima gubangalîre, bulya nakugomîre kubî bwenêne! Engôrho yanyukîze abâna omu njira, n’omu nyumpa mifù yône yône elambamire.

Ndûlù 5:17

Obu rhukola rhuhîrîre ntya oku nsholo y’omurhima, n’amasù garhurhûnzire n’emirenge:

Luka 23:29

“Bulya ensiku zâciyisha, go mango bâderhe, mpu”: “Iragi ly’engumba n’enda zirhaburha n’a­mabêre garhonsagya!”

1 Samweli 30:4

Daudi haguma n’engabo yâge bagwîra omulenge, balaka bene Israheli kuhika bahwêra n’emisî y’okulaka.