Ndûlù 1:1 - BIBLIYA NTAGATIFU OMU MASHI

¹ Yajêwe! Alà gulya murhundu gwayunjulaga bantu mîra oku gukola guyoôsire gwône! Gulya gwagwêrhe irenge kulya omu gandi mashanja, gukola guli nka mukana. Nnjo erhi ali muluzi-nyere okulîre ebishagala, lêro akolesibwe obukûkuru bw’abajà.

Ndûlù 1:1 ပူးပေါင်းရင်းမြစ်များ

2 Bâm 23:33

Faraoni mwâmi w’e Mîsiri Neko amushwêkera aha Ribla mpu lyo alekiyîmira aha Yeruzalemu, Ribla abâga omu cihugo ca Hamati, akavurhîsa ecihugo talenta igana z’amarhale na talenta nguma y’amasholo.

2 Bâm 23:35

Yehoyakimu ahonga mwâmi Faraoni mwâmi w’e Mîsiri amarhale n’amasholo ci konene avurhîsa ecihugo ezôla nfaranga Faraoni mwâmi w’e Mîsiri ali amusêzizekwo; buzinda aseza abantu omu cihugo, boshi bakahonga amarhale n’amasholo ngasi muguma oku anahashire, n’erhi bàbâga bamabishubûza, banahà Faraoni mwâmi w’e Mîsiri Neko.

2 Nganîro 9:26

Ali enyanya ly’abâmi boshi kurhenga oku lwîshi kuhika omu cihugo c’Abafilistini na kandi kuhika oku lubibi lw’e Mîsiri.

Ezra 4:20

Aha Yeruzalemu hakola hayimire abâmi b’obuhashe bunji, barhegeka ecihugo c’olundi lunda lwa Efrata, banakabavurhira, okurharhûla n’okuhonga obuhashe bw’okugera.

Nehemiya 5:4

Abandi bakaderha, mpu: «Omu kuvurha ibarati lya mwâmi, rhugwâsirwe rhubone ensaranga omu kuhâna amashwa gîrhu n’enkoma zîrhu z’emizâbîbu nka cikinja.

Nehemiya 9:37

Cikolaga ciyêrera abâmi warhuhâga mpu bakarhurhegeka erhi byâha bîrhu birhuma. Bakolaga bajira emibiri yîrhu oku banalonzize, n’ebintu bîrhu kwo na kwo. Rhuli omu malibuko manji bwenêne.

Ennanga 122:4

Yo amashanja gayinamukira, amashanja ga Nyakasane. Mpu gakuze izîno lya Nyakasane nk’oku Israheli anarhegesire.

Izaya 14:12

“Kurhi wahonyirage emalunga, wâni nyenyêzi cilangashana, mugala w’omucêracêra? Kurhi wahenangukîrage oku idaho, wâni lugalika mashanja?”

Izaya 22:2

wâni lugo lushâmîra bwenêne, lugo lwa kadugundu, lugo lwa masîma? Emifù yâwe erhali ngôrho yayiyisire, arhali oku ntambala yafîrîre.

Izaya 3:26

Emihango yâwe yalaka enalakûle, na hano okola oli omu mirhanyo, ovondame omu katulo.

Izaya 49:21

Okuhandi ocîdôse obwo, erhi: «Ndi wamburhiraga abâna? Ntàcigwêrhe bâna nanali ngumba, nali ndulizîbwe nanali nshombe-kazi; abâla ndigi wabaleraga? Nali nsigîre buhumba, abâla ngahigi bâli?»

Izaya 50:5

Nyakasane Nyamuzinda anzibwîre amarhwîri, nâni ntahambiraga, ntanashubiraga nyuma,

Izaya 52:2

Ocîgukumule akatulo, oyimuke we wali muhêke bujà, wâni Yeruzalemu! Ocîshwêkûle emigozi ekulî omu igosi, we wali muhêke bujà, wâni mwâli wa Siyoni!

Izaya 52:7

Nêci wâni, gabà minjà amagulu g’omujà-bugo omu njira y’oku ntondo, omujà-bugo w’omurhûla odwîrhe emyanzi y’akalembe n’obucire, odwîrhe wabwîra Siyoni, erhi: «Nyamuzinda wâwe aylmirel»

Izaya 54:4

Orhayôbohaga, bulya ntâko wankabulabula; orhabâga nshonyi, bulya ntâco cankacikuhemula. Nêci, wâyibagira enshonyi zàli zikugwêrhe amango waciri musole, orhacikengere n’ezakubumbaga erhi okana.

Yeremiya 31:7

Bulya kwo Nyakasane adesire: Mubandire Israheli orhuhababo rhw’omwîshingo, mushokolere omurhwe gw’amashanja mukomere Nyakasane kagasha, mulengeze ecihôgêro muderhe mpu: «Nyakasane, cungula olubaga lwâwe, cungula amahanga gasigîre g’Israheli.» Bulya ntya kwo Nyakasane adesire, erhi:

Yeremiya 40:9

Gedalyahu, mugala wa Ahikamu, mwâna wa Shafani, abahà akanwa bo n’abantu bâbo, erhi: «Murhayôbohaga bwashiga ab’e Sîriya. Musigale omu cihugo, mushige mwâmi w’Abanya-Sîriya, mwayumva omurhûla.

Yeremiya 42:2

bayishibwîra omulêbi Yeremiyahu, erhi: «oyumvîrhize omusengero gwîrhu. Osengerêre ogûla musigala gw’olubaga emwa Nyakasane Nyamuzinda wâwe, bulyâla rhusigîre banyi bwenêne n’obwo rhwàli banji, nâwe wêne obwîne n’amasù gâwe.

Yeremiya 44:2

«Ntya kw’adesire, Nyakasane w’Emirhwe, Nyamuzinda w’Israheli: Mwabwîne amahanya goshi nahongolirekwo Yeruzalemu n’emirhundu ya Yûda yoshi; loli oku olw’ene eri mishaka n’ebigûkà.

Yeremiya 44:6

Lêro naleka oburhè n’omutula gwâni gwacîrhulira kuli bo, gwasingônola emirhundu ya Yûda n’emihanda ya Yeruzalemu, byahindusire bigûkà n’irungu, nk’okûla biri ene.

Yeremiya 50:23

Ka kwankanabà? Olya Babiloni wali nyundo yakâgivunyungula igulu lyoshi! Naye akavunyunguka bushangukizà. Abè irungu lya kuyôbohya omu gandi mashanja goshi! Nka gurhi obwo!

Yeremiya 9:11

Mugula ohi wakayumva ebyo? Na kandi, ôhi Nyakasane abibwîzire mpu abimanyise abandi? Cirhumirage ecihugo cishâbwa. Cinayôcibwa nka mpinga erhagerwamwo na muntu?

Ndûlù 1:19

Nahamagîre abanzigiraga, kurharhumire barhandeka nahirima. Abadâhwa bâni n’abahanûzi bâni baholîre omu cishagala, n’obwo kulonza bajaga balonza eci balya mpu hashubibonamwo emisî.

Ndûlù 2:1

Yajêwe! Nyakasane omu bukunizi bwâge bunene anabwîne ecitù ciru e­nyanya za Yeruzalemu. Eryâli irenge ly’Israheli, alijugucîre oku idaho kurhenga enyanya empingu. Amango oburhè bwâge bwabirûnduka kuli Siyoni, ayibagira oku co càli citumbi c’okuhirakwo amagulu gâge.

Ndûlù 2:10

Abahanûzi b’e Siyoni babwârhîre oku idaho banaguguma, amarhwe gâbo bagashîzire omutulo banayambala babusunzu. N’ensûli z’e Yeruzalemu zayûnamîre oku idaho.

Ndûlù 4:1

Yoo! amasholo galangashana kulya, ecûma cinjinja kulya, kurhi lêro catubîre wâni? Kurhi amabuye matagatîfu gàjire gashandala hoshi hoshi omu mashango ga ngasi njira?

Ndûlù 5:16

ishungwè rhwagwêrhe oku irhwe lyàrhozire! Yajewe! Alà oku rhwabwîne rhwagomera Nyakasane!

Ezekiyeli 26:16

Abaluzi b’omu nyanja boshi, bashonôka oku ntebe zâbo, bahogola ebishûli byâbo n’emyambalo yâbo y’obushengerêre. Bayambala entemu, bâshurhama oku idaho bâgeramwo omusisi gwa nyegenye bânarhangâle erhi w’orhuma.

Ezekiyeli 26:2

Mwene omuntu, ebwa kubà Tiri anadesire kuli Yeruzalemu, erhi: He! he! alaga oku gwamâvunika omuhango gw’amashanja! Akola ayêrekîre emunda ndi, obugale bwâge bwahagwîrwe.

Ezekiyeli 5:5

Kandi, wânabwîra omulala gwa bene Israheli boshi, erhi: Ntyâla kwo adesire Nyakasane Nyamubâho, alaga Yeruzalemu nasimikaga ekarhî k’amashanja, âzungulukwa n’ebihugo by’ihanga.

Ben Levi 26:31

Engo zinyu naziyôsa bwâmwa, n’empêrero zinyu nazishandâza, ntakanaciyudûkirwa n’obuhumule bw’enshangi zinyu.

Ben Levi 26:33

Ninyu namushandabanya omu mashanja, ngal’immuyômolera engôrho omu nyuma zinyu; ecihugo cinyu câhagulwa, n’engo zinyu ziyôrhe nkunûnû y’irungu.

Sofoniya 2:15

Kwo câhinduka ntyo cirya cishagala c’obulimbi, cirya abantu bamwo bakâgicîkèbwa mpu bajira aha bayegamire, banakazimanya mpu ntâye obalingânîne. Lêro cashûbusirage, cikola bulumba bwa nsimba! Ngasi boshi bakola bacigeramwo banashungûrhe n’okusômerwa.

Mafulûlo 18:7

Kulyâla akazâg’icîkuza n’okucîlimbîsa, kwo munamulîsagye n’amagala munamuhè emishîbo! Akazâg’iderha omu murhima gwâge, erhi: «K’arhali nie mwâmi-kazi, ntali mukana, na ntà mango nabone emishîbo!»