Nahumu 3:9 - BIBLIYA NTAGATIFU OMU MASHI

⁹ Obuhashe bwâge àbâga Etiyopiya na Mîsiri, bo bàkâgimuhà obuhirhi bwa ngasi lubero. Abantu b’e Puti n’ab’e Libiya bâli bâge.

Nahumu 3:9 ပူးပေါင်းရင်းမြစ်များ

Murhondêro 10:6

Bene Khamu bo: Kushi, Misrayimu, Puti na Kanâni.

1 Nganîro 1:8

Alaga bagala ba Kamu, bo: Kushi, Misrayimu, Puti na Kanâni;

2 Nganîro 12:3

Ayisha adwîrhe ngâlè cihumbi na magana abirhi, bihumbi makumi gali ndarhu ga basirika bakubwîra oku nfarasi, lurhankahashiganjwa olundi lubaga lwàli luyîshire boshi naye kurhenga e Mîsiri: Abanya-Libiya, Abanya-Suki, Abanya-Etiyopiya.

2 Nganîro 16:8

“Abanya-Kushi, Abanya-Libiya ka barhàli bajizire omurhwe munene, haguma n’engâlè haguma n’abà okulwîra oku nfarasi bâbo mwandu? Na kulya kubà wali oshegemire Nyamubâho anakuhà bo”.

Izaya 20:5

“Bazânwa n’e­ nshonyi zibabumbe erhi Kushi bakazâg’icîkubagira orhuma na Mîsiri wakazâg’ibalimbîsa”.

Yeremiya 46:9

Shembuki, mwe biterusi, kûli omulindi, mwe ngâlè! Mwe ngabo z’entwâli hiri mbêre, bantu b’e Kushi n’ab’e Puti, bacinga mpenzi, ba­ntu b’e Ludi, nfôla muherho!

Ezekiyeli 27:10

Abantu b’e Persi, ab’e Ludi n’ab’e Puti, bâli omu ngabo y’abalwî bâwe, bo bakazâgikujîra oku matabâro. Emwâwe yo bakazâgimanika empenzi yâbo n’ensirha yâbo. Bânarhuma wajà irenge.

Ezekiyeli 29:7

“Erhi baderhaga mpu bakugwârhirizakwo, onavunikire omu nfune zâbo, onababwâbwârhule enfune zoshi. Erhi bakuyêgemeraga onatwîkemwo, bagere omusisi omu nda”.

Ezekiyeli 30:5

Kusi na Puti na Ludi, Arabiya yoshi na Lubî na bene Endagâno yâni boshi bafà n’engôrho.

Ezekiyeli 31:2

«Mwene omuntu, obwîre Faraoni mwâmi w’e Mîsiri kuguma n’omwandu gw’abambali, erhi: Bici nankakugerera kwo muli obûla bugale bwâwe?

Ezekiyeli 38:5

“Abapersi, Abanya-Etiyopiya, Abanya-Libiya bâyisha boshi haguma nabo, boshi bayisha badwîrhe empenzi n’e­nsirha zâbo”».

Daniyeli 11:43

Ayîma omu masholo, omu marhale n’omu bindi bintu binjinjà by’e Mîsiri; Abanya-Libiya, Abanya-Etiyopiya bâyisha bali mushiga.