Nahumu 3:15 - BIBLIYA NTAGATIFU OMU MASHI

¹⁵ Ci kwône wâfà, wâhîra omu bwokêre bw’ecishagala câwe, erhi ofîre oku matabâro. Wâherêrekera nka byâsi byàlîbirwe n’ebizindêre. Olubaga lwâwe kwo lwakâgivanda nk’irumbu lya nzige.

Nahumu 3:15 ပူးပေါင်းရင်းမြစ်များ

Izaya 66:15

Nêci, Nyakasane oyo oyishire omu ngulumira y’omuliro, n’engâlè zâge ziri nka mpûsi ya cihûsi, mpu lyo ayish’iyumvîsa obukali bw’obukunizi bwâge, n’emihigo yâge omu ndimi z’omuliro.

Izaya 66:16

Nêci, omu muliro atwîra ngasi muntu olubanja, erhi anafumbasire engôrho yâge anayiyêrekîze ngasi muntu: abanigûsibwa na Nyakasane bali banji!

Yeremiya 51:14

Nyakasane w’Emirhwe acîgashire ecihango câge erhi: «Mbo fa ecihango câni nie Nyamuzinda, ntakurhulîrikwo abantu mwandu bali nka citù ca nzige, bâkubandirakwo olwôho lw’ebîrha.»

Yoweli 1:4

Ngasi ehi akashôlero kàsizize omu myâka, hyâlìbwa n’enzige; ehi enzige zisizize hyâlibwa n’ebizindêre; ehi ebizindêre bisizize, hyâlìbwa n’amahanzi.

Yoweli 2:25

«Nammurhengize galya mango g’enzige n’amahanzi n’ebizindêre, zirya ngabo zâni nali mmurhumîre nti zimmuyônere emyâka yinyu.

Amosi 7:1

Lolagi ebi Nyakasane Nyamuzinda ànyeresire: Càli cirundo ca nzige, gala mango emishabuka emera, nzige nkulu, gala mango bamâyusitwa ebya mwâmi.

Nahumu 2:13

Wampangaza akâgigabira orhwâna rhwâge ebihembo, agabânye n’empangaza-kazi zâge; akâgiyunjuza enyâla zâge mishoko, n’ebirâlo byâge misimbisimbi.

Nahumu 3:13

Emwâwe erhaciri abarhali nka bakazi, emihango mihamikize y’ecihugo ekola ecîyigula yône embere z’omushombanyi: orhuhamikizo rhwâyo rhwo rhwalîrwe n’omuliro.

Sofoniya 2:13

Nyakasane âhana n’abantu h’omu cihugo c’emwênè; aherêrekeza Asûru, ashâbûla Ninive yêshi ahinduke irungu lyûmu-lyûmu.