Nahumu 3:13 - BIBLIYA NTAGATIFU OMU MASHI

¹³ Emwâwe erhaciri abarhali nka bakazi, emihango mihamikize y’ecihugo ekola ecîyigula yône embere z’omushombanyi: orhuhamikizo rhwâyo rhwo rhwalîrwe n’omuliro.

Nahumu 3:13 ပူးပေါင်းရင်းမြစ်များ

Ennanga 107:16

Kulya kubà àvungunywîre enyumvi z’amarhale, ashangula orhuhamikizo rhw’ecûma.

Ennanga 147:13

Bulya ahamikirîze enyumvi zâwe, abâna bâwe abagishìre aha mwâwe.

Izaya 19:16

Mw’olwôla lusiku, abanya-Mîsiri babà nka kula abakazi bayôrha: bâjuguma banarhemuke n’obwôba babona Nyakasane Nyamuzinda w’Emirhwe abadundira okuboko.

Yeremiya 50:36

Engôrho oku balaguzi bâge bahurhiremwo irhwe! Engôrho oku basirika bâge, batwîke omurhima!

Yeremiya 50:37

Engôrho oku biterusi byâge, oku ngâlè zâge, oku mashanja ga ngasi lubero gamulwîrakwo; boshi bahinduke ngonyi za bakazi! Engôrho oku bahirhi bâge, boshi bahagulwe!

Yeremiya 51:30

Abasirika b’entwâli b’e Babiloni bamâleka okulwa bamâcîfulika omu mashaka. Oburhwâli bwâbo bwabahwêrîre, bakola bayôsire nka bakazi. Emihango y’ecishagala yakundusire, enyumpa zâmwo bazidûlisire muliro.

Abudiya 1:9

Temani we, entwâli zâwe zâgwârhwa n’omusisi, lyo ngasi muntu arhenga oku ntondo ya Ezau.

Nahumu 2:6

Bamâhamagala engabo y’abîshoge, entondo zamâkorana, zamâciyôha oku muhanda, mîra zagwikaga ihêma.

Nahumu 2:7

Emihango eyêrekîre oku lwîshi yamâpamuka, akayuguyugu omu bwâmi mpu «enhî!»

Nahumu 3:15

Ci kwône wâfà, wâhîra omu bwokêre bw’ecishagala câwe, erhi ofîre oku matabâro. Wâherêrekera nka byâsi byàlîbirwe n’ebizindêre. Olubaga lwâwe kwo lwakâgivanda nk’irumbu lya nzige.