Nahumu 1:8 - BIBLIYA NTAGATIFU OMU MASHI

⁸ amango ecihônzi cizûsire. Anatulikanye abamuhizirekwo akamêne, alukirîze abashombanyi bâge kuhika omu mwizimya.

Nahumu 1:8 ပူးပေါင်းရင်းမြစ်များ

Ayubu 30:15

Ecôbà campindukîre, irhûnda lyâni lyayêhûka nka mpûsi, n’obulangâlire bwâni bwagera nka bitù.

Ayubu 40:11

Yêrekanaga oburhè bwâwe, n’isù lyâwe likali lihunyange obucîbone.

Migani 4:19

Enjira y’abaminya kwo eyôrha nka mwizimya, Abarhamanya bici bibasârhazize.

Izaya 13:10

Nêci, enyenyêzi z’oku nkuba n’ebirundo byâzo zahusa okulangashana; izûba lyashuba mwizimya aha kuzûka kwâlyo, n’omwêzi gwaleka okukamoleka.

Izaya 13:9

Olusiku lwa Nyakasane lw’olwo luyîruka, lusiku ludârhi, luyunjwîre bukunizi n’oburhè n’obukali; lwahindula igulu lishube irungu lunaherêrekeze abanyabyâha.

Izaya 28:17

“Obwimâna bwo najira mulengo gwâni, n’obushinganyanya bwo bwâbà lugero lwâni. Ci olubula lwahyajira olwâkiro lwinyu lw’obunywesi n’amîshi gâyunjuliza omwêgemero gwinyu”.

Izaya 28:18

“Eciragâne cinyu mwe n’olufù cavunwa, n’ecihango cinyu mwe n’okuzimu cirhâsêre. Amango obuhanya bwazûka, bwammuvungunyula”.

Izaya 28:2

Alà oku arhumirwe na Nyakasane omulume w’entwâli. Ali nka muhûsi gwa lubula, nka mulaba gwâja gwahongola ebintu byoshi, nka nkuba ya cihonzi yajà yahulula; âlika okuboko, âbindulire byoshi oku idaho.

Izaya 8:22

kandi bashub’ilola oku idaho: barhabona erhali mirhanyo n’omwizimya, endunduli y’okujugumya n’obudufu burhagwêrhi hya bulangashane ciru n’ehisungunu.

Yeremiya 13:16

Muhè Nyakasane Nyamuzinda winyu irenge duba oku omwizimya gurhacigwa, n’oku amagulu ginyu garhacisârhala, oku birhondo by’obudufu. Mwoyo mudwîrhe mwalinda obuce: yêhe mwizimya adwîrhe abulula n’okuguhindula ndundulya ya budufu,

Yeremiya 51:64

“okubundi oderhe ebi binwa, erhi: Ntyo kwo Babiloni âyishihirigirha, arhakanacizûka omu buhanya Nyakasane amurhumîre. Amashanja gamâlibuka.”» Obwo bwo buzinda bw’ebinwa bya Yeremiyahu.

Ezekiyeli 13:13

Co cirhumire aderha ntyâla Nyakasane Nyamubâho, erhi: Nkola namulikirakwo empûsi y’ecisirûla, omu burhè bwâni, olubula lukola lwania erhi bukali bwâni bwa kubaheza burhuma.

Daniyeli 11:10

“Ci kwônene abâna bâge banashub’ikoza entambala, bashûbûze engabo nyinji; anayisha ashandabane, azongezonge anabise engabo yâge oku nyumpa nzibunzibu”.

Daniyeli 11:22

Emisî yatulutumba embere zâge ânayishande kuguma n’omurhambo wali mulunganisa.

Daniyeli 11:40

Hano amango gahika, omwâmi w’emukondwè ânayisha al’irhangula okumulwîsa. Omwâmi w’e Mwênè, anacirhunika kuli ye, ayishe adwîrhe e­ngâlè, banyakulwîra oku nfarasi n’enkuge mwandu, ânayongobera omu bihugo abishandabanemwo, anayunjule mulibyo.

Daniyeli 9:26

Hano kugera migobe makumi gali ndarhu n’ibirhi, Omucunguzi ayis’iyîrhwa na ntâye wayîma ahâli hâge. Olugo n’aka-Nyamuzinda byanashabûlwa n’omwâmi obarhezire, owayish’ihwera omu kavulindi na kuhika entambala ehwe erhi banashimbire ely’irhegeko ly’okushabûla.

Amosi 8:8

K’arhali okwo kwo kwarhumire igulu lyageramwo omusisi, n’abantu bâlyo bali omu mishîho, lyâbira lyoshi nka lwîshi lwa Nili, n’okuhongôkwa nk’olwìshi lw’e Mîsiri?

Nahumu 1:1

Aka kali kanwa k’obulêbi buyêrekîre Ninive, myanzi Nyamubâho àfulûliraga Nahumu w’e Elkoshi.

Nahumu 2:8

Bamarhuluba omugoli, bamamugendana, abajà-nyere bâge bali bàbanda endûlù nka kulya engûkù ziyâhiza; bali bacidirhibula.

Sofoniya 2:13

Nyakasane âhana n’abantu h’omu cihugo c’emwênè; aherêrekeza Asûru, ashâbûla Ninive yêshi ahinduke irungu lyûmu-lyûmu.

Mateyo 7:27

“Erhi enkuba ecinia, n’enyîshi n’empûsi biciyisha, byacîhonda kuli erya nyumpa yacîhongokera. Lêro obuhanya bwajà oku bundi!”»

Mateyo 8:12

Abâna bw’Obwâmi bôhe bayish’ikabulirwa omu ndunduli y’omwizimya, mwo bahogerere n’okukenyeza amîno».

1 Samweli 2:9

Ye langa enshando z’abemêzi bâge, oku ahirigisa banyankolamaligo omu mwizimya, bulya omuntu arhankahasha okuhimana n’emisî yâge yône.