Nahumu 1:4 - BIBLIYA NTAGATIFU OMU MASHI

⁴ Anarhalabanye enyanja, ayiganye, anaganye enyîshi zoshi. Bashani na Karmeli bayumvîrhe erhi okwo kurhuma, ehibala by’omu Libano hyagokomba!

Nahumu 1:4 ပူးပေါင်းရင်းမြစ်များ

Murhondêro 8:1

Nyamuzinda akengêra Nûhu, ensimba n’ebishwêkwa byàli bo naye omu bwârho. Nyamuzinda ageza empûsi oku igulu, ntyo amîshi gajà gayonda.

2 Samweli 22:16

Lêro babona obululi bw’enyanja, amakondo g’igulu gabwikûka erhi Nyamubâho akankama, gabwikûka n’omuhusi gw’empûsi gwarhengaga emazulu gâge.

Ayubu 38:11

Nanaciyibwîra, nti: ho wakazihika aha, ntà kuharhaluka, nti ho okucîguga kw’emisî yâwe kwakazihwera ahâla.

Ennanga 104:7

Wabà nka wakankama gakûla idârhi, wakungula gageramw’omusisi.

Ennanga 106:9

Akankamira Enyanja y’akaduku yakala, abageza omu mîshi nka kulya bayisha omu irungu.

Ennanga 114:3

Enyanja yabona okwo yakûla omulindi, Yordani ashubira nyuma.

Ennanga 114:5

Wanyanja kurhi wamâbà obu wayâka? Yordani kurhi oku washubira nyuma?

Ennanga 18:16

Okuhandi enshôko z’amîshi zàbonekana, n’ebiriba igulu lisimikirakwo byàfûnuka, erhi mirongwè yâwe erhuma, Yâgirwa Nyakasane, erhi mûka gw’obukunizi gw’omu izûlu lyâwe gurhuma.

Ennanga 74:15

W’olya wamezagya enshôko wazûsa n’emigezi, enyîshi nênênè waziganya.

Izaya 33:9

Ecihugo ciri omu mishîbo, cidwîrhe cafananda; Libano enshonyi zàmubumbire, ayumûsire Saroni kwo akola acîbêra nk’irungu; Bashani na Karmeli barhacimerakwo hyâsi.

Izaya 42:15

Namalîra entondo n’orhubanda, nnanyumyekwo ngasi hyâsi hibishi, Enyîshi nâzihinduka budaka bûmu, n’enziba nziyumye.

Izaya 44:27

Nie mbwîra emihengere y’enyanja, nti: «Ganûki, nayûmûsa enyîshi zinyu!»

Izaya 51:10

K’arhali w’olya watumirhaga Rahabu wanarhulungula Wankuba-joka? K’arhali w’olya waganyagya enyanja n’amîshi g’ekuzimu? K’arhali w’olya watwâga enjira emuhengere mpu lyo balya wacungulaga bayîkira?

Ezekiyeli 30:12

Ba Nili nâbaganya, ecihugo nâciha ebishungu. Nâhagula ecihugo coshi n’ebi cijira byoshi, nâkolêsa okuboko kw’ab’ihanga. Niono Nyamubâho nadesire.

Ezekiyeli 38:20

“Zâgeramwo omusisi embere zâni, enfî z’omu nyanja, enyunyi z’emalunga, ensimba z’erubala, ebinyagâsi by’ekuzimu na ngasi muntu wa hano igulu, entondo zâhirima, ebibuye bihenanguke na ngasi nkûta zicirhimbe oku idaho”.

Amosi 1:2

Anaciderha, erhi: «Nyamuzinda amakungulira e Siyoni, amâyumvîsa izîno lyâge kurhenga e Yeruzalemu, obulambo bw’abangere bukola omu mishîbo, obusongerwe bwa Karmeli bwamâyûma».

Amosi 5:8

Ye wajiraga eby’emalunga na Oriyona, ye hindula omwizimya mucêra­cêra n’omûshi budufu ziriri. Ye hamagala amîshi g’enyanja agashêshe oku idaho lyûmu. Izîno lyâge Ye Nyakasane.

Mateyo 8:26

Naye ababwîra, erhi: «Bici muyôbohire, babula­ buyêmêre?» Erhi acizûka, akalihira empûsi n’enyanja, n’omurhûla gwabà,

Yozwe 3:16

Lêro obwo amîshi gahulula kurhenga enyanya, gayimanga, gajira ecirimbirimbi cigali hantu hanene bwenêne, hôfi n’olugo lwa Adama, oluli aha burhambi bwa Sortani; nago agakazagibungulukira ebwa nyanja y’Araba, yo nyanja y’omunyu, ago mîshi gahuba goshi. N’olubaga lwayikirira aha ishiriza lya Yeriko.