Nahumu 1:14 - BIBLIYA NTAGATIFU OMU MASHI

¹⁴ Wâni Ninive, lolà oku Nyamubâho akuhigîre: ntà bûko bwâcihêke izîno lyâwe, nâshâba engombe y’abazimu bâwe, nkûlemwo enshushano mbinjè n’emmumbe, n’enshinda yâwe nyishandâge bulya wahehêrîrwe.

Nahumu 1:14 ပူးပေါင်းရင်းမြစ်များ

2 Bâm 19:37

Erhi akolaga afukamire omu nyumpa y’omuzimu wâge, oderhwa Nisroki, Adrameleki na Sareseri, bamujaho bamugwîka engôrho, omu cihugo ca Ararati. Omugala Asaradoni, ayîma ahâli hâge.

2 Nganîro 32:21

Nyamubâho anacirhuma malahika wayîshigiherêrekeza abalwî boshi, abaluzi n’abarhambo bali oku cihando c’ôyo mwâmi w’e Asîriya. Oyôla mwâmi ajogonja n’enshonyi ashubira omu cihugo câge. Erhi ajà omu nyumpa ya nyamuzinda wâge, baguma omu barhenga omu bulà bwâge yênene, bamuyîrhira omwôla n’engôrho.

Ayubu 18:17

Arhakaciyibukwa hano igulu, arhacigwêrhi izîno omu cihugo.

Ennanga 109:13

Iburha lyâge lihwêre okw’itumu, n’izîno lyâge lihirigirhe oku mwîmo murhanzi.

Ennanga 71:3

Ombêre ibuye nyâkiraho, onshubire côgo cizibu lyo ndobôka.

Lubungo 12:12

“Mw’obwo budufu nâgera omu cihugo c’e Mîsiri, njè nanigûza ngasi lubere lw’omu Mîsiri, lubè lwa muntu erhi lwa cintu. Nafendûla banyamuzinda b’obwîhambe b’omu Mîsiri boshi. Nie Nyakasane”.

Migani 10:7

Izîno ly’omushinganyanya irenge lijà, izîno ly’enkola-maligo cibolwe.

Izaya 19:1

Obulebi buyêrekîre Mîsiri. Alà oku Nyakasane amashonera oku citù cibidu, amaj’e Mîsiri. Ba­ nyamuzinda b’obwîhambe b’e Mîsiri bamâdundagana embere zâge, n’abanya-Mîsiri omurhima gwamâbarhoga omu nda.

Izaya 33:13

Mwe muli kulî, muyumve ebi najizire, ninyu mwe muli hôfi, mumanye oburhwâli bwâni!»

Yeremiya 50:2

«Muyâlîze ogu mwanzi ekarhî k’amashanja, mugushongêze, murhafulikaga akantu. Mubabwîre oku Babiloni agwâsirwe, Beli ba­mubonesize za mêmè, Marduki anashângusire, enshanga zâge zikola hêru, ebyo bishwêka byâge byaherêrekîre.

Daniyeli 11:21

Ahâli hâge hâyish’ijà omuntu oshombirwe, oyu barhahe ecikono c’o­bwâmi; âbarhindakwo caligumiza, anayanke obwâmi omu menge.

Daniyeli 5:27

Tekeli «kugerwa» Nyamuzinda anakugerire oku munzâni, abona oku oli ntâye.

Ben Levi 26:30

Nâshâbûla empêrero zinyu nyimânike oku ntondo, n’emilunga yinyu mwayûbakiraga izûba, nayivongola, n’ebiru­ nda binyu mbigalike oku birunda by’abôla bazimu binyu b’obusha, n’omûka gwâni gummukabekwo.

Mikeyo 5:13

Ago mango lyo nâkûla emitungo-nyamwegemerwa omu cihugo câwe, nsherêze n’ebishagala byâwe.

Mikeyo 5:14

Omu bukunizi bwâni, n’omu mutula gwâni, nacihôla oku mbaga zirhanyumvagya.

Habakuki 2:10

“Emihigo yinyu ebà ya kubonêsa balungu binyu nshonyi: muli okwo kuhungumula mbaga nyinji, kali kalamo kâwe ako wahizire omu mbaka”.

1 Samweli 3:13

Namubwîzire oku enyumpa yâge nayishiyitwîra olubanja lukwânîne, oku câha yênene anamanyire.» Abâna bâge bakazirijacira Nyamuzinda arhanabahanaga.