Murhondêro 4:7 - BIBLIYA NTAGATIFU OMU MASHI

⁷ Nkawal’ijizire bwinjà, karhinga orhayinamwiri amalanga? Ci akabà orhajiziri bwinjà, ecâha cishurhamire aha lusò lwâwe, ciri cakulalîra, ci ocîhangâne ocihime».

Murhondêro 4:7 ပူးပေါင်းရင်းမြစ်များ

Murhondêro 19:21

Naye amushuza, erhi: «Nkubêrire kandi olwo lukogo, ntacishâbe olwo lugo odesire.

Murhondêro 3:16

Abwîra nyamukazi, erhi: «Nkolanayûshûla amalumwa gâwe, n’amazîmi gâwe omu malumwa okola wakaburha abâna. Kulalikira okolaga wakalalikira balo, ci naye akola ayish’ikâkuzidohera.»

2 Samweli 24:23

Yâgirwa ebyôla byoshi Aravna abîhîre mwâmi». Aravna anacishubîriza erhi: «Nyamubâho Nyamuzinda wâwe akugashânire Yâgirwa.»

2 Bâm 8:28

Anacikanya bona Yoramu mwene Ahabu mpu bakola bagendilwîsa Hazaheli mwâmi w’e Sîriya e Ramoti omu Galadi.

Ayubu 11:14

Erhi wankakabulira kuli bwenêne aga maligo gakuli omu nfune, okanaleka kuhandisa obulyâlya omu mwâwe,

Ayubu 11:15

Ago mango wanayinamula obusù burhalikwo izâbyo, wanazibuha orhanaciyumve bwôba buci.

Ayubu 29:4

Kurhi nankacihash’ibona ensiku nâlimwo mugale? Amango Nyamuzinda àkazâg’iyisha alilânga enyumpa yâni?

Ayubu 42:8

“Muyankage bo na buno mpanzi nda na ngandabuzi nda, mukanye muj’emunda omurhumisi wâni Ayubu àli. Murherekêre eyo nterekêro, oku mwambali wâni Ayubu amuhûnira obwônjo. Nayîsh’irhânya kuli ye, na ntyo ntacimuhanire kuli kulya mwabulaga kushambâla bwinjà kuli nie”».

Migani 18:5

Kurhabà kwinjà okuyumva endyâlya, n’okuyâgîsa omurhimanya omu kutwa olubanja,

Migani 21:27

Enterekêro enkola-maligo zirherekêra erhi na bishwêka, k’olânga lyôhe bakazirherekêra n’omurhima guhizire amaligo.

Yeremiya 3:12

Okanyagye oyâkûze, oderhe ebi binwa onayêrekîre emwênè: Galuka wâni Israheli w’omugoma, ye kudesire Nyamubâho, Ntakacikulola n’obusù bukali, bulya ndi wa lukogo, kanwa ka Nyamubâho. Ntabika mungo gwa nsiku n’amango.

Yeremiya 6:20

Bici nâjira n’enshangi yarhenga e Saba nîsi erhi olusheke lw’obukù lw’omu cihugo c’e kulî? Embâgwa zinyu ntazisimiri n’enterekêro zinyu zirhansimîsizi,

Mikeyo 7:18

Ndi wundi Nyamuzinda akâwe, obabalira amabî, ozaza ecâha, orhabika bukunizi ensiku n’amango ci okunda okufà bwonjo n’okubabalira?

Malakiya 1:10

Kwo kukulu muguma mulimwe ayigale enyumvi z’aka-Nyamuzinda. Lyo murhacigendikâtwanira omuliro gw’obushabusha oku luhêrero lwâni. Bulya ntà makwânane njira g’okummubona, n’enterekêro zinyu muntûla zirhansimîsa, kwo ndesire, nie Nyakasane w’Emirhwe.

Malakiya 1:13

Ciru n’oku mwarhûla erhi mwanaderha, mpu: «Kwo kubengera oku wâni!» Murhishi okurhali kungayaguza kwône, nie Nyakasane w’Emirhwe. Munantûle ecintu cizimbano, ecikunagizi n’eci­lwâla. Kurhigi nankayêmêra entûlo za bene ezo, kwo nâni mmudôsizagye?

Malakiya 1:8

Gala mango mulêrha ecintu c’empûrha, ecirema kandi erhi ecalwâla, mpu mucintûle nterekêro, ka munacikêbwe mpu okwo kushingânîne? Erhi mwankarhûla omurhambo ecintu ca bene eco, ka mucîkêbirwe mpu anasîma ammuyêreke olukogo lwâge? Kwo mmudôsize ntyo, niono Nyakasane w’Emirhwe.

Mibalè 32:23

Ci akabà murhajiziri ntyo, loli oku mwamajira ecâha emunda Nyamubâho ali; munamanye oku ecâha cinyu camukulikira.

Ebijiro 10:35

Ci omu mashanja goshi, ngasi omurhînya n’okujira ebishingânîne, anamusîme.

Barom 12:1

Bene wîrhu, mmuhîre ihano erhi bwonjo bwa Nyamuzinda burhuma, nti muhâne emibiri yinyu nka nterekêro y’obuzîne, ntagatîfu n’ey’okusîmîsa Nnâmahanga. Ntyôla kwo mukwânîne okukolera Nnâmahanga n’omurhima.

Barom 14:18

Okolera Kristu ntyôla, asîmîsa Nnâmahanga, n’abantu banamusîme.

Barom 15:16

y’okubà mujà-bugo wa Yezu Kristu omu bapagani na mudâhwa w’Emyanzi y’Akalembe ya Nnâmahanga, nti lyo enterekêro y’abapagani ehinduka ntagatîfu muli Mûka Mwimâna, enasîmîse Nnâmahanga.

Barom 6:12

Lêro ecâha cirhacibonaga aha cankagandâza omu mubiri gwinyu gwayish’ifà, cilek’immuyemêza amagene gâco.

Barom 6:16

Ka murhishi oku erhi mwankacîhâna bujà emwa lebè, mpu mumurhumikire, mwanabà bajà b’olya murhumikira; akabà câha, cimmulêrhere olufù, n’akabà bumvi, bummulêrhere obushinganyanya.

Befezi 1:6

oku bukuze bw’irenge ly’engalo yâge arhushobôzagya muli Omugala Muzigirwa.

1 Timoteyo 5:4

Ci erhi omukana akabà a­gwêrhe abâna erhi abinjikulu, kukwânîne burhanzi bayigîrizibwe okukâkombêra omulala gwâbo n’okuyêreka ababusi bâbo omunkwa. Okwôla kwo kusîmîsa Nnâmahanga.

Bahabraniya 11:4

Buyêmêre bwarhumaga Abeli arhûla Nyamuzinda enterekêro elushire eya Kayini; bwarhuma aderhwa mushinganya, erhi Nyamuzinda yêne àhamîriza oku ayankirîre entûlo zâge; bwo bunarhuma acîderha, kuhika buno, n’obwo àfîre.

Yakôbo 1:15

N’erhi omuntu abà amâyêmêra ago mîru mabî, lyo gaburha ecâha, naco ecâha nka camayûs’ijirwa, canaburha olufù.

1 Petro 2:5

Ninyu mubè nka mabuye gazîne, mujè omu bûbake bw’enyumpa y’obunya-mûka, muhinduke badâhwa batagatîfu b’okurherekêra enterekêro z’obunya-mûka zasîmîsa Nyamuzinda oku bulagizi bwa Yezu Kristu.