Murhondêro 2:4 - BIBLIYA NTAGATIFU OMU MASHI

⁴ Yo nkomoka y’amalunga n’igulu eyo erhi bilemwa. Erhi Nyakasane Nyamuzinda ajira igulu n’amalunga,

Murhondêro 2:4 ပူးပေါင်းရင်းမြစ်များ

Murhondêro 1:1

Aha murhondêro Nnâmahanga alema amalunga n’igulu.

Murhondêro 1:28

Nnâmahanga àbagisha anababwîra, erhi: «Muburhe muluge, mubumbe igulu, mulirhambule munarhegeke enfî z’omu nyanja n’orhunyunyi rhw’emalunga, na ngasi cizîne cigera oku idaho.»

Murhondêro 1:3

Nnâmahanga aderha, erhi: «Obulangashane bubè». Obulangashane bwanaciba.

Murhondêro 1:31

Nnâmahanga abona oku ebi anajiraga biri binjà bwenêne. Bwayira bwanaca, lwo lusiku lwa kali ndarhu.

Murhondêro 1:4

Nnâmahanga abona oku obulangashane buli bwinjà. Anaberûla obulangashane n’omwizimya.

Murhondêro 10:1

Alaga iburha lya bene Nûhu, Sem, Khamu na Yafeti, n’abâna babusire enyuma ly’ecihonzi cinene.

Murhondêro 11:10

Alaga iburha lya Semu. Erhi ajira myâka igana, àburha Aripakisadi, myâka ibirhi enyuma ly’ecihonzi.

Murhondêro 2:3

Nyamuzinda ahûmûka oku lusiku lwa kali nda, alujira lwimâna.

Murhondêro 25:12

Alaga iburha lya Ismaeli, mugala wa Abrahamu, ye waburhagwa n’omunya-Mîsiri, Hagari, mujà-kazi wa Sara.

Murhondêro 25:19

Alaga emyanzi ya Izaki mwene Abrahamu. Abrahamu aburha Izaki.

Murhondêro 36:1

Alaga iburha lya Ezau oderhwa Edomu.

Murhondêro 36:9

Alaga iburha lya Ezau îshe wa Edomu omu ntondo ya Seyiri.

Murhondêro 5:1

Alaga ecitabu c’emîmo y’Adamu. Erhi Nnâmahanga alema omuntu, amujira oku nshusho ya Nnâmahanga;

1 Bâm 18:39

Olubaga lwoshi lwabon’ebyo byoshi; abantu banacirhimba ehy’akamalanga oku idaho baderha mpu: «Nyakasane ye na Nyamuzinda! Nyakasane ye na Nyamuzinda!»

2 Nganîro 20:6

«Nyamubâho, Nyamuzinda wa balarha, ka arhali we Nyamuzinda omu mpingu, k’arhali we orhegeka amâmi goshi g’amashanja, ka omu kuboko kwâwe murhali emisî na obuhashe kulya kurhuma harhaba owankarhangula mpu acîshomya okukulwîsa? Ka arhali we, Yâgirwa Nyamuzinda wîrhu,

Ayubu 38:28

K’enkuba ejira îshe ôyiburha? Indi ôburha emirhônyi y’olumè!

Ayubu 38:4

Ngahi wali erhi ndema igulu? Derhaga akabà obumanye bwâwe buli bunji.

Ennanga 18:31

Enjira ya Nyamuzinda ebà nyimâna, n’akanwa ka Nyakasane karhabâmwo kubirhi; abà mpenzi ya ngasi omuyâkiraho.

Ennanga 86:10

Bulya we munênênè we nakola ebirhangaza: wêne we Nyamuzinda.

Lubungo 15:3

Nyamuzinda abà mulwî: izîno lyâge ye Nyakasane.

Lubungo 6:16

Alaga amazîno ga bagala ba Levi, nk’oku amâburhwa gâbo ganali: Gershoni, Kehati na Merari. Levi alamire myâka igana na makumi asharhu na nda.

Izaya 44:6

Kwo adesire ntyâla Nyakasane, mwâmi w’Israheli, muyôkozi wâge, Nyakasane Nyamuzinda w’Emirhwe: Nie murhanzi, nie na muzinda, ntà wundi nyamuzinda kuleka nie!

Mafulûlo 1:4

Yowane oku Ekleziya nda ziri omu Aziya. Enshôkano n’obuholo bimmugabirwe na Nyamubâho, ye wanayôrhaga ahabà, ye wanish’iyisha, n’erya Myûka nda ebêra embere z’entebe yâge,

Mafulûlo 1:8

Nie Alfa, nie na Omega kwo Nyakasane Nyamuzinda adesire, Nyamubâho, owayôrhaga ahabà, n’owayish’iyisha, Ogala-byoshi.

Mafulûlo 11:17

«Rhukuvuzire omunkwa, Nyakasane, Nyamuzinda Nn’amahanga, we Nyamubâho, we wanayôrhaga ohabà, kulya kubà wayansire obuhashe bwâwe bunji, wanacîyîmira.

Mafulûlo 16:5

Nanaciyumva Malahika w’amîshi aderha, erhi: «Mushâna orhalyâlyanya we Nyamubâho, we oyôrha ohabà, we Mwimâna, omu kutwa ntyo.