Murhondêro 2:1 - BIBLIYA NTAGATIFU OMU MASHI

¹ Ntyo kwo amalunga n’igulu bya shwinjagwa; haguma n’ebimubà byoshi.

Murhondêro 2:1 ပူးပေါင်းရင်းမြစ်များ

Murhondêro 1:1

Aha murhondêro Nnâmahanga alema amalunga n’igulu.

Murhondêro 1:10

Nnâmahanga ayîrika ahakazire budaka n’ecirundo c’amîshi aciyîrika nyanja. Nnâmahanga abona oku kuli kwinjà.

Murhondêro 2:4

Yo nkomoka y’amalunga n’igulu eyo erhi bilemwa. Erhi Nyakasane Nyamuzinda ajira igulu n’amalunga,

2 Bâm 19:15

Ezekiyasi anacishenga Nyamubâho anaciderha erhi: «Mâshi Nyamubâho, Nyamuzinda w’Israheli, we otamîre kuli bakerubi, wêne we Nyamuzinda w’amashanja goshi g’igulu, wêne we walemaga empingu n’igulu.

2 Nganîro 2:12

“Nkurhumire bunôla omuntu mulenga na wa bukengêre, ye Hurami-Abi”,

Nehemiya 9:6

Wêne Yâgirwa Nyakasane, we walemaga empingu, amalunga g’amalunga, na ngasi binabayo byoshi, n’igulu na ngasi binabamwo byoshi, we walemaga enyanja na ngasi ebi zijira byoshi, wêne w’ehà ebyo byoshi obuzîne n’ebiremwa by’empingu binakukuze.

Ayubu 12:9

Bulya muli byo byoshi ntâco cirhamanyiri, oku kuboko kwa Nyamuzinda kwabijiraga byoshi.

Ennanga 104:2

Ocîbwîsire obukulu n’obwinjà, ocîhundikîre obulangashane nka cirondo.

Ennanga 146:6

Nnâmahanga ye walemaga empingu n’igulu, enyanja n’ebiyibâmwo byoshi. Azibuhize endagâno zâge ensiku zoshi.

Ennanga 33:6

Amalunga luderho lwâge lwagajiraga, n’engabo z’emalunga mûka g’ekanwa kâge gwazijiraga.

Ennanga 33:9

Bulyâla yêhe àdesire kwône byanabà, arhegeka byanabâho.

Lubungo 20:11

Bulya omu nsiku ndarhu Nyakasane àjira amalunga n’igulu, enyanja na ngasi bibâmwo, ci oku lusiku lwa kali nda àrhamûka. Co cârhumire Nyakasane agisha olwo Sabato, ànalujira lutagatîfu.

Lubungo 31:17

Sabato abè cimanyîso c’emyâka n’emyâka, ekarhî ka Bene Israheli na nâni, bulya nsiku ndarhu Nyakasane ajiragamwo amalunga n’igulu, ci olusiku lwa kali nda, arhahumaga kabishi, ahûmûka.»

Izaya 34:4

Engabo y’abalwî b’emalunga yoshi yajonga, amalunga gazingwa nka kula bazinga ecitabu, n’engabo yâgo yahungumuka nka kula ebyâsi by’omuzâbîbu bihungumuka, nka kula ebyâsi by’omulehe bihungumuka.

Izaya 42:5

Kwo adesire ntyôla Nyamuzinda, Yâgirwa Nyakasane, owalemaga amalunga anagabungûla, owazibuhyagya igulu n’ebiburhwâmwo, owahâga abantu balibâmwo obuzîne anahà abaligerâmwo omûka:

Izaya 45:12

Nie najiraga igulu nanalema abantu balibâmwo nie nabungulaga amalunga n’amaboko gâni, nie nnantegeka emirhwe ebâmwo yoshi.

Izaya 45:18

Bulyâla kwo adesire ntyâla Nyakasane, owalemaga amalunga, Nyamuzinda wabumbaga anajira igulu, ye wanaliyimanzagya. Arhalilemaga mpu liyôrhe bwêrûlè, ci àlibumba mpu baliyûbakemo. Nie Nyakasane, ntà wundi!

Izaya 48:13

Kuboko kwâni kwagwîkaga igulu, kulyo kwâni kwabungûlaga amalunga. nkaba nka nabihamagala, binayishe bulibirha.

Izaya 55:9

Nka kula amalunga gali kulî enyanya ly’igulu, kwo enjira zâni ziri kulî n’enjira zinyu, kwo n’enkengêro zâni ziri kulî enyanya ly’enkengêro zinyu.

Izaya 65:17

Alà oku nkola nalema amalunga mahyâhya n’igulu lihyâhya; barhakacikengera ebyàgezire, barhakacibiyîbuka bundi.

Yeremiya 10:12

Ye wajiraga igulu n’obuhashe bwâge, ayimanza amahanga n’oburhimanya bwâge n’obukengêre bwâge bwalambûla amalunga.

Yeremiya 10:16

«Mwanya gwa Yakôbo» yêhe arhali ntyo: bulya ye kabumba kabumbaga byoshi Israheli lyo ishanja mwîmo gwâge. Izîno lyâge ye Nyakasane w’Emirhwe.

Yeremiya 8:2

Bagayanika oku izûba, omwêzi engabo y’emalunga bali barhonyize n’okukolera zirya bashimbaga banakazizidôsa, zirya bakazâgiharâmya, ago mavuha garhacife garhôlagwîrwe nîsi erhi kushubibishwa. Gakolaga gabêra oku idaho nka binazo.

Zakariya 12:1

Akanwa ka Nyakasane kuli Israheli. Ntya kwo Nyakasane adesire, olya wabungulaga amalunga, agwîka eciriba c’igulu ye nahà omuntu obuzîne:

Luka 2:13

Ho na halya, omwandu gw’engabo z’empingu gwayankana n’olya malahika, bakakuza Nyamuzinda, banaderha, mpu:

Ebijiro 4:24

Erhi bayûs’iyumva, boshi ba­bwîra Nnâmahanga caligumiza n’izù linene, mpu: «Yâgirwa, we walemaga amalunga n’igulu n’enyanja na ngasi bibâmwo byoshi;

Ebijiro 7:42

lêro Nyamuzinda anacibahindulira omugongo anabaleka mpu bakâharâmya emirhwe y’oku nkuba, nka kulya kuyandisirwe omu citabu c’abalêbi, mpu: Ka hali embâgwa mwambâgîre erhi enterekêro mwanterekerîre, bene-Israheli, mw’erya myâka makumi anni mwâli omu irungu?

Lushika 17:3

oyo muntu erhi akagendikolera abandi banyamuzinda, akanayunama embere zâbo, n’embere z’izûba, omwêzi nîsi erhi embere za gundi murhwe gw’emalunga, n’obwo okwôla ntakukurhegesiri,

Lushika 4:19

Irhondo okalengeza amasù ogalamira emalunga, okabona izûba, omwêzi, enyenyêzi n’engabo z’emalunga yoshi, orhazigaga bakukulukuza mpu obiharamye erhi kubikolera. Nyamubâho, Nyamuzinda wâwe abigabire amashanja goshi gali idako ly’amalunga.

Bahabraniya 4:3

Nêci, rhwe rhwayêmîre, rhwe rhwayish’ijà omu muluhûko, nka kulya àderhaga, erhi: Omu bukunizi bwâni nacîgashire nti barhakalabarha omu muluhûko gwâni. Adesire ntyo n’obwo emirimo yâge yali erhi yàyunjwîre kurhenga okulemwa kw’igulu.