Murhondêro 1:3 - BIBLIYA NTAGATIFU OMU MASHI

³ Nnâmahanga aderha, erhi: «Obulangashane bubè». Obulangashane bwanaciba.

Murhondêro 1:3 ပူးပေါင်းရင်းမြစ်များ

Murhondêro 2:4

Yo nkomoka y’amalunga n’igulu eyo erhi bilemwa. Erhi Nyakasane Nyamuzinda ajira igulu n’amalunga,

Ayubu 36:30

Lolà oku analambûlire ebitù oku nyanya z’entondo, abikolêse omu kucibwîkira.

Ayubu 38:19

Ngahi obulangashane bugwîshira? Ngahi omwizimya gulâla?

Ennanga 104:2

Ocîbwîsire obukulu n’obwinjà, ocîhundikîre obulangashane nka cirondo.

Ennanga 118:27

Mushâna Nyamwagirwa yêne Nyakasane, rhwabwîne arhumolekera. Mucîgwâse haguma, munafumbarhe amashami gagazire oku byâsi; mujè mwahinda muhike ah’irhwêrhwê ly’oluhêro.

Ennanga 148:5

Byoshi bikuze izîno lya Nyakasane bulya kanwa kaguma kône àdesire byanabà.

Ennanga 33:6

Amalunga luderho lwâge lwagajiraga, n’engabo z’emalunga mûka g’ekanwa kâge gwazijiraga.

Ennanga 33:9

Bulyâla yêhe àdesire kwône byanabà, arhegeka byanabâho.

Ennanga 97:11

Obumoleke buyishîre omushinganyanya, n’ab’omurhima gushingânîne bàyishîrwe n’omwîshingo.

Izaya 45:7

Nie njira obulangashane, nie nandema omwizimya, nie mpâna iragi ndêrhe n’obuhanya, niono, nie Nyakasane okola e­byo byoshi.

Izaya 60:19

Izûba arhali lyo lyacikaz’ikumolekera mûshi, arhanali mwêzi gwo gwacikaz’ikumolekera budufu: Nyakasane ye okola wâbà bumoleke bwâwe ensiku n’amango. na Nyamuzinda wâwe ye okola wâbà irenge lyâwe.

Mateyo 8:3

Yezu alambûla okuboko, amuhumako anamu­ bwîra, erhi: «Nnonzize, fumaga!» Muli ako kanya konênè, olushomyo lwâge lwafuma.

Yowane 1:5

Obulangashane bwamoleka omu mwizimya, n’omwizimya gurhabuzimagya.

Yowane 1:9

Luderho ye wali bulangashane bw’okuli, bumolekera ngasi muntu; anaciyisha en’igulu.

Yowane 11:43

Erhi ayûs’iderha ntyo, ayâkûza n’izù linene, erhi: «Lazaro huluka, ojà eno mbuga!»

Yowane 3:19

“Nalwo olubanja lw’olu: obulangashane bwayishire en’igulu, n’abantu ba­gal’isîma omwizimya ahâli h’obulangashane, bulya ebijiro byâbo byàli bibî”.

2 Bakorinti 4:6

Bulya Nyamuzinda waderhaga mpu omu omwizimya murhenge obumoleke, yêne ye wanamolekeraga omu mirhima yîrhu, mpu obulangashane bw’irenge lya Nyamuzinda liri ebusù bwa Kristu bumanyibwe.

Befezi 5:14

Co cirhuma baderha, mpu: «Tulûka, weri îrò, zûka omu bafù, Kristu âkumolekera».

Befezi 5:8

Mîra mwâli omu mwizimya, buno lêro mukò­la muli bulangashane muli Nyakasane; muyôrhe nka bâna ba bumoleke.

1 Timoteyo 6:16

yêne dolodolo ye jira akalamo karhayûrha, ye ba omu bumoleke burhankahikwakwo, ye rhasâg’ibonwa na muntu, na ntà muntu wankahash’imubona. Kuli ye obukuze n’obuhashe ensiku n’amango! Amen.

1 Yowane 1:5

N’obôla bwo bugo rhwayumvagya arhubwîra, bwo rhummumanyisize: Nyamuzinda abà Bulangashane, na ntà mwizimya gumubamwo cirwi n’ehitya.

1 Yowane 2:8

Ci liri n’irhegeko lihyâhya mmuyandikîre, -n’okwôla kubonekîne muli ye na muli mwe, - bulya omwizimya gwahirigisire, n’obumoleke bw’okuli bukola budwîrhe bwamoleka.