Murhondêro 1:2 - BIBLIYA NTAGATIFU OMU MASHI

² Igulu lyàli cingiringiri, civange, cimpinage lirhaligwêrhe oku liyôsire lirhanalimwo bici ci Mûka gwa Nnâmahanga akagiyerêra oku mîshi.

Murhondêro 1:2 ပူးပေါင်းရင်းမြစ်များ

Ayubu 26:14

Akabà ko bibonekana ntyo, ebya emisigala y’emikolo yâge, ebi rhubona ka birhali buzira nsimiko; ci omukûngulo gw’obuhashe bwâge ndi wankaguyûmva?

Ayubu 26:7

Olunda lw’emwênè analugalihye buzira cici, n’igulu alimanike oku busha.

Ayubu 38:9

Amango nayihâga ebitù nti gwo mwambalo gwâyo, n’enyikungu nti zibè rhwîrhubo rhwâyo.

Ennanga 104:30

Okarhuma omûka gwâwe ebindi binalemwe; n’obusù bw’igulu onabuhindule buhyâhya.

Ennanga 104:6

Waliyambika enyanja kulya bayambika omuntu omushangi, amîshi gamanana oku nyanya z’entondo.

Ennanga 136:6

Ye walambûliraga igulu oku nyanya ly’amîshi, bulya obuzigire bwâge buli bw’ensiku n’amango.

Ennanga 148:7

Murhondêrere en’igulu mwamukuza, mwe biryanyi by’omu mîshi, ninyu mwe nyanja.

Ennanga 33:6

Amalunga luderho lwâge lwagajiraga, n’engabo z’emalunga mûka g’ekanwa kâge gwazijiraga.

Migani 8:24

Amango enyênga erhàli ecihaba naburhwa, erhi enshôko zahulula zirhacihabà.

Izaya 31:5

“Nka kula ebinyunyi bilambûla ebyûbi byâbyo, ntyo kwo Nyakasane Nyamuzinda w’Emirhwe afungira Yeruzalemu; âmufungira ânamucize, âmubabalira anamulîkûze”.

Izaya 45:18

Bulyâla kwo adesire ntyâla Nyakasane, owalemaga amalunga, Nyamuzinda wabumbaga anajira igulu, ye wanaliyimanzagya. Arhalilemaga mpu liyôrhe bwêrûlè, ci àlibumba mpu baliyûbakemo. Nie Nyakasane, ntà wundi!

Yeremiya 4:23

Nalolerize igulu: nabugâna mpinga! nti nalola amalunga, nashanga omûshi gwahirigisire.

Nahumu 2:10

Mucihagule amarhale! Mucihagule amasholo! Biri birugu birhankahwa, biri mwandu mwandu, ecishagala ciyunjwîre birugu bya citwîro.

2 Bakorinti 4:6

Bulya Nyamuzinda waderhaga mpu omu omwizimya murhenge obumoleke, yêne ye wanamolekeraga omu mirhima yîrhu, mpu obulangashane bw’irenge lya Nyamuzinda liri ebusù bwa Kristu bumanyibwe.

Lushika 32:11

Nka kula ikozi linashîbirira olwôgo lwâlyo, kula lirembêra enyanya z’ebyâna byâlyo, naye ashanjûla ebyûbi byâge, amurhôla amuhêka omu mashala gâge.