16 Kwo kuderhaga nti oburhimanya bwo bukulu aha misî, ci kwône oburhimanya bw’omukenyi barhalonza okubumanya, n’ebinwa byâge barhabiyumvîrhiza.
Obugale bw’omuhirhi, lwo lwâkiro lwâge, obubî bw’omuganda, bunali bulya bukenyi bwâge.
Omurhimanya ànahime olugo lw’entwâli, anahongole olwâkiro bacîkubagira.
Aha omuntu ankaluza emisî ankaluza oburhimanya, aha ankabà ciri-misî, ankabà mulenga.
Nie njira ihano, nie njira okukoza omu binwa nie nn’obukengêre, nie nn’obuhashe.
Embasha ekatûha, kubula carhyâza kurhuma, omuntu anayibande n’emisî; ci kwône obunguke bw’oburhimanya, kuli kuhasha.
Bulyâla olwâkiro lw’oburhimanya lwo na lwâkiro lw’ensaranga, n’obunguke bw’obumanye kunali kulya oburhimanya buciza nnabo.
Oburhimanya bunahè omurhimanya emisî elushire eya barhambo ikumi omu lugo luguma.
Oburhimanya bwo bukulu aha matumu, ci kwône ishembo liguma linashereze binjà binji.