Muhanûzi 9:15 - BIBLIYA NTAGATIFU OMU MASHI

¹⁵ Ci kwône abugânamwo omukenyi murhimanya, ye wafungiraga olwo lugo n’oburhimanya bwâge. Oyo mukenyi barharhamagimuyibagira!

Muhanûzi 9:15 ပူးပေါင်းရင်းမြစ်များ

Murhondêro 40:23

Ci olya murhambo w’amamvu arhacikengêraga Yozefu, amuyibagira.

2 Samweli 20:22

Olya mukazi aj’irhondêreza olubaga birya binwa binjà, banacitwa irhwe lya Sheba mwene Bikiri, balikweba Yowabu. Naye abûha omushekera, bacîyegûla kuli lulya lugo ngasi muguma ashubira aha mwâge. Yowabu naye ashubira e Yeruzalemu emunda mwâmi ali.

Migani 21:22

Omurhimanya ànahime olugo lw’entwâli, anahongole olwâkiro bacîkubagira.

Muhanûzi 2:16

Bulyâla ntâye okengêrwa kasanzi, ôli omurhimanya, ôli omusirhe; erhi ensiku zinalondana nka kanga, erhi bamânayibagira bombi na bombi; omurhimanya kufà anafà aka omusirhe.

Muhanûzi 4:13

Omurhumba mukenyi na murhimanya ye mukulu aha mwâmi mushosi na muhwinja, orhayishidôsa ihano.

Muhanûzi 7:19

Oburhimanya bunahè omurhimanya emisî elushire eya barhambo ikumi omu lugo luguma.

Muhanûzi 8:10

Ci kandi mbwînage abaminya bahêkwa ebwa kubishwa, n’abantu banarhenge omu ka Nyamuzinda bajibahera obukenge ekà, kulya kubà bajizire ntyo, kuli kurhebwa!