Muhanûzi 9:10 - BIBLIYA NTAGATIFU OMU MASHI

¹⁰ Ngasi bushanja onabwîne wankarhangira, onabukole amango onacizîne, bulyâla ekuzimu wayishijà, erhabà kukola, nîsi erhi kuganja, erhi kumanya erhi kurhimanya.

Muhanûzi 9:10 ပူးပေါင်းရင်းမြစ်များ

Murhondêro 37:35

Bagala bâge na bâli bâge boshi bakaz’iyisha bal’imurhûliriza, ci kwône arhalonzagya okurhûlirizibwa, ederha, erhi: «Nayôrha ndi omu mishîbo kuhika nyandagalire ekuzimu, emunda mugala wâni ali».

1 Nganîro 22:19

Lêro mucîsêzagye n’omurhima n’emisî yinyu yoshi okumanya obulonza bwa Nyakasane Nyamuzinda winyu. Mucîbande omu mikolo muyûbake endâro ya Nyakasane Nyamuzinda winyu; lyo muyîshihira Omucîmba gw’Amalaganyo ga Nyakasane n’ebirugu by’obugashânize muli ako kâ-Nyamuzinda mwayûbaka oku izîno lya Nyakasane.

1 Nganîro 28:20

Cazînda ayûshûla, erhi: «Mwâna wâni, obè ntwâli onazibuhe; ocîbande omu mikolo buzira bwôba, orhajugumaga! Nyakasane Nyamuzinda wâni arhakulekêrere; ali haguma nâwe anakugwâsa kuhika oyûkirize emikolo yoshi y’okumuyûbakira akà-Nyamuzinda.

Nehemiya 2:12

Nanacizûka budufu na bantu basungunu; ntamanyîsagya ciru n’omuguma ebi Nyamuzinda ali ampizire omu murhima kuli Yeruzalemu. Ntâl’igwêrhe bundi bulyo bwa cihêsi kuleka eci nakazâg’igendakwo.

Nehemiya 4:2

Balâlira boshi okurhabâlira Yeruzalemu mpu batulemwo itumbà, n’okumubonêsa za mèmè.

Nehemiya 4:6

Amango Abayahudi bayûbakaga emwâbo bayishaga, barhurhonda kali ikumi ahantu abo banzi bayishe bakola bal’irhurhêra.

Ayubu 10:21

Embere mbalame burhagaluka, omu cihugo c’omwizimya n’endunduli,

Ayubu 10:22

emunda endunduli n’enshandâle bishûndwa, emunda omûshi guyôrha nka budufu bukulu.

Ayubu 21:13

Obuzîne bwâbo banabugeze omu murhûla, na caligumiza bacijira ekuzimu.

Ennanga 6:5

Galuka, mâshi Yâgirwa Nyakasane onyôkole; oncize buzigire bwâwe burhumire.

Migani 3:28

Orhahîraga okabwîra omulungu, mpu: «genda, ogere lundi lusiku», erhi, mpu: «irhondo nâkuhâ», n’obwo kalya kântu kali omu nfune zâwe.

Muhanûzi 11:3

Ebitù bikayunjula nkuba, binayidubulire oku idaho. N’omurhi gukakulumba, njira nyanya erhi njira îdako gulya murhi ho gunahwêra halya gwahongokeraga.

Muhanûzi 11:6

Sêzi oyanke emburho yâwe oyîmire na bijingo orhayôrhaga kwône. Bulyâla muli ebyo byombi, orhamanyiri ciguma cakubêra; akanaba byombi-byombi bihisize haguma omu bwinjà.

Izaya 38:10

Nakâg’iderha, nti: Omu kâgarhî k’ensiku z’akalamo kâni, nkolaga nagenda; emyâka ecinsigalîre nkola nayigereza aha muhango gw’ekuzimu!

Yeremiya 29:13

“Mwannonza munambone bulya mwannonza n’omurhima gwi­nyu gwoshi”.

Mibalè 13:30

Kalebu ayimuka abwîra olubaga lwàli luzonzire Mûsa, erhi: «Yumvi mmubwîre. Kanyi rhusôkere eyôla munda rhurhôle ecôla cihugo bulya rhwanakuhasha.»

Mateyo 20:7

Banacimushuza, mpu: «Bulya ntâye warhulalisire». Anacibabwîra, erhi: «Ji ninyu ekwâni».

Mateyo 6:33

Burhanzi mulonze Obwâmi bwa Nnâmahanga n’obushinganyanya bwâbo, n’ebyo byoshi mwâyish’ibiyûshûlirwa.

Yowane 4:34

Yezu ababwîra, erhi: «Ebiryo byâni kuli kujira obulonza bw’owa­ntumaga n’okuyûkiriza omukolo gwâge.

Yowane 5:4

Bulya liguma liguma malahika wa Nyakasane akâg’iyandagalira omu maziba n’okushabaganya amîshi. N’erhi amîshi gabaga gabirunduka, owarhangag’ikajamwo ye wanakag’ifuma endwâla yâge.

Yowane 9:4

Obûla bwacibona, kukwânîne njire emikolo y’owantumaga: obudufu buyiruka, n’obudufu burhakola.

Barom 12:11

Mubè ba bushiru buzira bwôlo, mubè n’emirhima mikombêdu, murhumikire Nyakasane.

1 Bakorinti 15:10

Cikwône eri nshôkano ya Nyamuzinda yanjiraga okûla ndi, n’enshôkano anshobôzagya erhagumbaga muli nie. Ci nie nakozire kubalusha boshi! Câba nanga, arhali nie, ci enshôkano ya Nyamuzinda haguma nâni.

1 Bakorinti 16:10

Timoteyo akayisha, mumanye akahugalala omu karhî kinyu; bulyâla kwo akola akâni omukolo gwa Nyakasane.

1 Bakorinti 9:24

Ka muhabire oku abajà mashigwè g’okulibirha, boshi balibirha, ci muguma yêne ohâbwa oluhembo? Kuziga mulibirhe ninyu, lyo muhâbwa oluhembo.

1 Bakorinti 9:26

Na nâni kwo ndwîrhe nalibirha ntyo, arhali aka orhamanyiri emunda ayêrekîre; kwo ndwîrhe nalwa ntyo, arhali aka owashûrha omu cirêre.

Befezi 5:16

Mukolêse bwinjà amango muhîrwe, bulya zino nsiku ziri mbî.

Bakolosi 3:23

Ngasi mukolo mwankajira, mugukole n’omurhima gwinyu gwoshi; Nyakasane abè ye mukolera, ci arhali ba­ntu.

1 Samweli 10:7

“Hano onabona ebyo bimanyîso byoshi, bikurhindakwo, aho wanajira oku oyumvîrhe kwakujamwo bulya Nyamubâho akurhuzirekwo”.