Muhanûzi 7:14 - BIBLIYA NTAGATIFU OMU MASHI

¹⁴ Olusiku lw’obusîme, onashagaluke; n’olusiku lw’obuhanya, olole kwône: Nyamuzinda wabijiraga byombi, mpu ly’omuntu alekîbona akantu enyuma zâge yêne.

Muhanûzi 7:14 ပူးပေါင်းရင်းမြစ်များ

1 Bâm 8:47

bône bône omwôla cihugo bajire bujà erhi bankacija emurhima bakuyagûkira, bakanakulakira eyôla munda muli ecôla cihugo c’abo bandi bannahamwâbo, bakanaderha mpu rhwajizire kubî, rhwabihire, rhwahemusire

Ayubu 2:10

Ayubu amushuza, erhi: «K’odesire nka musirhe! Akabà rhunayankirire ebinja nka ngalo ya Nyamuzinda, cankarhuma rhurhayankirira n’obuhanya ntyo? Muli obwo buhanya bwoshi, Ayubu arhalogorhaga omu kanwa kâge».

Ennanga 119:71

Akwizize nnambabale, nkolaga nayîga amarhegeko gâwe.

Ennanga 40:3

Ankûla omu kuzimu, anshâyûla, ayimanza amagulu gâni oku ibuye, azibuhya ilabarha lyâni.

Muhanûzi 10:14

Omusirhe ye luza emyanzi: omuntu arhishi ebyâbà; mbwîraga ndi wankamubwîriza ebyayishibà enyuma zâge?

Muhanûzi 11:9

We mwâna osîme obu ociri musole, onacîshinge ensiku ociri murhò oshimbe enjira omurhima gukuhire, n’enyifinjo amasù gakuyêresire. Ci kwône omanye oku muli ebyo byoshi, Nyamuzinda akuhamagala omu lubanja.

Muhanûzi 12:13

Okushwinja emyanzi: byoshi biyumvikîne. Orhînye Nyamuzinda onashimbe amarhegeko gâge, bulya gwo mukolo gwa ngasi muntu.

Muhanûzi 12:8

Busha-busha mâshi, gwârhi Koheleti, byoshi busha!

Muhanûzi 3:22

Niehe mbwîne oku okusîma omuntu akasîma, kunali kusîmîsibwa n’emikolo yâge kwône, bulya kwo analemirwe ntyo. Ndi wayishigimuyêreka ebyayishibà enyuma zâge?

Muhanûzi 3:4

Habà amango g’okulaka, n’amango g’okusheka; n’amango g’endûlù n’aga okusâma.

Muhanûzi 5:17

Alaga oku mbwîne: okasîma omuntu, akasîma kuli kulya n’okunywa, n’okubona obuluhûkiro omu mukolo akola hano igulu, erhi n’ensiku Nyamuzinda ahâga omuntu zanayisha zâgera, bulâlya kwo omuntu analemirwe ntyo.

Muhanûzi 8:7

Bulya kandi ntà muntu oyishi ebyâbà na ndi wabwîra omuntu hano bibà. Empûsi erhabà ya ndi akaderhaga mpu arhayilika, olusiku n’olufù nabyo birhali bya ndi.

Muhanûzi 9:7

Kanya, olye ehigati hyâwe n’obusîme onanywe orhwamvu rhwâwe n’omurhima gushongwîre; bulyâla Nyamuzinda mîra ageraga ebijiro byâwe.

Izaya 26:11

Yâgirwa Nyakasane, okuboko kwâwe kuli kulambûle, ci bôhe barhadwîrhi bakubona! Bacibona kurhi oyâgalwa n’olu lubaga, n’enshonyi zibabumbe! Nêci, omuliro gurheganyizîbwe abanzi bâwe, nabo gwâbafonfomera!

Izaya 42:25

Anacidubulirakwo Israheli oburhè bw’obukunizi bwâge n’akadugundu k’ebîrha. Obwo bukunizi bwamuyôhakwo engulumira y’omuliro, ci arhayumvagya, bwamudûlika muliro, ci arhashibiriraga!

Yeremiya 23:20

Omutula gwa Nyakasane gurhayônôke gurhanacikola n’okuyumvîrhiza emihigo y’omurhima gwâge: Aha buzinda bw’ensiku lyo mwayumva okwo bwinjà.

Ndûlù 3:38

K’arhali kanwa ka Nyamuzinda w’Enyanya bwenêne kazûsa byoshi, ebibî n’ebinja?

Mikeyo 6:9

Izù lya Nyakasane lidwîrhe lyayâkûza omu cishagala: Yumvagi mwe bûko bwa Yûda, ninyu mwe ndêko y’abagula b’ecishagala!

Mateyo 9:13

Mugend’icidôsa eci cinwa: Lukogo nonza, ci arhali mpongano. Ntâl’ihamagala abêru-kwêru, ci abanyabyâha».

Ebijiro 14:22

Bakâzibuhya emirhima y’Abemêzi n’okubahà amahano mpu basêre omu buyêmêre, banakâbabwîra, mpu: «kukwânîne rhugere omu malibuko manji lyo rhuhika omu bwâmi bwa Nyamuzinda».

Lushika 26:11

Kandi obwo, wanaleka osimîsibwe n’ebinja Nyamubâho, Nyamuzinda wâwe akuhîre we n’enyumpa yâwe, wanasîmîsibwa nabyo, we n’omuleviti n’omubunga ôli aha mwâwe.

Lushika 28:47

Na kulya kubà okugala oku birugu bya ngasi lubero kurhakuzigiraga wakolera Nyamubâho, Nyamuzinda wâwe n’enshagadu n’obusîme bw’omurhima,

Lushika 8:3

Akujizire mwîrhohye, akuyumvîsa ishali akuhà amanna walya n’obwo orhagayishi na basho barhagayishi; kulonza okukumanyîsa oku omuntu arhalama na mugati gwône, ci alama na ngasi hirhenga omu kanwa ka Nyamuzinda.

Lushika 8:5

Oyumvagye obwo oku Nyamubâho, Nyamuzinda wâwe kwo akuhanûla kula omushamuka anahanûla omwâna wâge.

Yakôbo 5:13

Erhi hankabà­ oli omu malibuko muli mwe, ashenge. N’oshagalusire, ayimbe ennanga.­