Muhanûzi 6:12 - BIBLIYA NTAGATIFU OMU MASHI

¹² Ndi omanyire ebyankakwânana omuntu ocizîne, ngasi lusiku luja oku nkuba lunakwirhe obulenzi, naye anayisha ayonda nka cizunguzungu! Ndi wakamubwîra ebyayishibà bano igulu enyuma zâge?

Muhanûzi 6:12 ပူးပေါင်းရင်းမြစ်များ

1 Nganîro 29:15

Embere zâwe rhunacîbêrîre bigolo byayankirîrwe n’olukogo lwâwe aka ba shakulûza bîrhu boshi; ensiku zîrhu za bano igulu kwo zigera nka cîhôho, ntà bulangâlire bwa kuyôrhaho rhujira.

Ayubu 14:2

Anafunyûke nka bwâso, buzinda ayûme, ayâke nka cintûza burhayimânga!

Ayubu 14:21

Abâna bâge bakayishij’irenge, arhankacimanya, bakacinaguzibwa ntâco cacimumanyisa.

Ayubu 8:9

Rhwêhe, injo rhwaciburhagwa, rhurhamanyiri bici, ensiku zîrhu bano igulu ko zirazûka nka cizûngu-zûngu.

Ennanga 102:11

Burhè bwâwe n’omutula gwâwe byandwîrhîre okwo, bulyâla wannengezize wantimba okw’idaho.

Ennanga 109:23

Nahwîre nka cihôho ca mafuluko, nazûzûrhîre nka luzige empûsi ehunisire.

Ennanga 144:4

N’obwo omuntu kwo ali nka mpûsi, ensiku zâge kwo ziri nka cizunguzungu câgera.

Ennanga 16:5

Waliha Nyamuzinda, we cigabi câni c’omwîmo, we na kabehe kâni, we gwêrhe obuzîne bwâni omu maboko gâwe.

Ennanga 17:15

Niehe omu bushinganyanya, nayishibona obusù bwâwe; aha kuzûka, nyishiyigurha nkusinzakwo.

Ennanga 4:6

Murherekêre enterekêro z’okuli, mucîkwêbe omu maboko ga Nnâmahanga!

Ennanga 47:4

Ayansire amashanja agahira idako lîrhu, agayandaza burhaba aha magulu gîrhu.

Ennanga 89:47

Yâgirwa mâshi, kuhika mangaci? Kumanya onakolaga wayôrha ocîfulisire? K’oburhè bwâwe bunakolaga bwayâka nka muliro?

Muhanûzi 10:14

Omusirhe ye luza emyanzi: omuntu arhishi ebyâbà; mbwîraga ndi wankamubwîriza ebyayishibà enyuma zâge?

Muhanûzi 12:13

Okushwinja emyanzi: byoshi biyumvikîne. Orhînye Nyamuzinda onashimbe amarhegeko gâge, bulya gwo mukolo gwa ngasi muntu.

Muhanûzi 2:24

Okusîma kw’omuntu, kunali okulya n’okunywa, n’amango minjà omu mukolo. Kwo nambona nk’ebyo byoshi omu nfune za Nyamuzinda birhenga,

Muhanûzi 2:3

Nalonza okugereka omubiri gwâni omu ndalwè, n’omurhima nagubêza omu burhimanya; nalonza okucishwekera oku isirhe, nti nyumwe obununu abantu bayumva, n’ebi bajira omu buzîne bwâbo banôla îdako ly’izûba.

Muhanûzi 3:22

Niehe mbwîne oku okusîma omuntu akasîma, kunali kusîmîsibwa n’emikolo yâge kwône, bulya kwo analemirwe ntyo. Ndi wayishigimuyêreka ebyayishibà enyuma zâge?

Muhanûzi 6:11

Omuntu akaluza ebinwa, analuze n’ebi aciyunjuliza, kucirigi kwa bici okuluza ebinwa?

Muhanûzi 7:15

Omu buzîne bwâni bw’omurhebwa, bàbwîne omushinganyanya afà omu bushinganyanya bwâge, n’enkola-maligo yasigala omu maligo gâyo.

Muhanûzi 8:13

Mmanyire n’oku ntà kusîma kw’omumînya n’okûla ma kwâge kunali kulibuka kwa cizunguzungu, kulya kubà arharhînya Nyamuzinda.

Muhanûzi 8:7

Bulya kandi ntà muntu oyishi ebyâbà na ndi wabwîra omuntu hano bibà. Empûsi erhabà ya ndi akaderhaga mpu arhayilika, olusiku n’olufù nabyo birhali bya ndi.

Muhanûzi 9:6

Obuzigire bwâbo, enshombo zâbo n’obwâgalwa bwâbo, byoshi byahezire; barhâcishangire ciru n’eriguma oku bikolwa hanôla igulu.

Muhanûzi 9:9

Oyanke akalamo n’omukazi ozigîre, ensiku z’obuzîne bw’akalenganè Nyamuzinda akuhîre hanôla igulu, bulyâla kwo walemirwe ensiku onalibukira hanôla igulu.

Mikeyo 6:8

We muntu, wabwîzirwe ebikwânîne, ebi Nyakasane akuhunyire by’ebi: okujira obushinganyanya, okusîma okubà muntu wa lukogo, n’okugenda n’obwîrhôhye haguma na Nyamuzinda wâwe.

Yakôbo 4:14

K’erhi mumanyirage obwo kurhi irhondo mwâbà? Obuzîne bwinyu buli cici? Muli mugî gubonekana hisanzi hitya, okuhandi guhirigirhe.