Muhanûzi 4:1 - BIBLIYA NTAGATIFU OMU MASHI

¹ Ncidwîrhe nasinza oku abantu barhindibuka hano igulu: lâba emirenge y’abalibuzibwa, barhanagwêrhi carhûliriza; lâba n’olunda lw’abalibuza abandi, emisî! barhagwêrhi cârhûliriza.

Muhanûzi 4:1 ပူးပေါင်းရင်းမြစ်များ

Ayubu 16:4

Nâni, nanahasha okushambâla akinyu, acibâga mwe mwâli ahâla ndi; nali namubwîra ebinwa binjinjà na mmudûndire irhwe.

Ayubu 35:9

Abâli omu malibuko, barhahwa kuyâma, Abâli omu mazibu g’ababisha, banayâkûze, bahûne owabalikûza,

Ayubu 6:29

Shubîriri, mucij’emurhima buzira bulyâlya, mushube emirhima murhandenganye.

Ayubu 9:24

Omu cihugo cigwîre omu nfune z’enkola-maligo anahunye amasû g’abacîranuzi, n’akabà arhali ye, aligi wundi ndi?

Ennanga 12:5

Ngasi baderha, mpu: «Olulimi lwîrhu yo misî yîrhu», «kanwa rhujira, ye ndigi wankarhukulikira?»

Ennanga 142:4

Obu omûka gunfundîremwo; câba orhahabiri enjira yâni. Enjira nâyishamwo, bantegîremwo olubambo.

Ennanga 142:5

Ndozir’ekulyo nnambwîne, ci ntâye mbwîne wankanshîbirira. Ntaho mbwîne nakayâkira, na ntâye mbwîne wakafungira omûka gwâni.

Ennanga 42:3

Omurhima gwâni gugwerhwe n’enyôrha ya Nyamuzinda, ya Nyamuzinda ozîne, mangaci nabona enjira ndole oku busù bwa Nyamuzinda?

Ennanga 42:9

Nyakasane arhankarhang’injira oyu ashobôza oku burhonyi bwâge, buno bw’omûshi, lêro nanalâla namuyimbira, nkuze Nnâmahanga wampâga akalamo kâni.

Ennanga 69:20

Orhahabiri ebijâci banjâcira, orhahabiri n’omutula n’enshonyi zingwêrhe, bulyâla abadwîrhe banjâcira boshi omu masù gâwe bali.

Ennanga 69:21

Ebijâci n’akagayo kâbo byanvunzize omurhima, enjingo zirhaciri zâni; nalinzirage ôwakambà lukogo namubula, nalola nti nabona owakantûliriza, namubula.

Ennanga 80:5

Nnâmahanga w’emirhwe mangaci waleka okubêyûla, n’olubaga lwâwe ludwîrhe lwakushenga?

Lubungo 1:16

«Nka mwabusa abakazi b’Abayahudi, mukâlola bwinjà, aciri oku ncingo, mwâna muci obusirwe. Akabà mwâna-rhabana, munamuyîrhe; akabà mwâna-nyere, munamuleke alame.»

Lubungo 1:22

Faraoni mwâmi w’e Mîsiri kwo kurhegeka abantu bâge boshi, erhi: «Ngasi mwâna-rhabana waburhwe, munamulohe erwîshi, ci ngasi mwâna-nyere munaleke alame».

Migani 19:7

Erhi bene wâbo omuntu wamâkena bamushomba boshi, kurhi abîra bâge boki bankabulaga bwamuyâka.

Migani 28:3

Omumînya wâlibuza omuhanya, ye muguma n’enkuba yâshereza emyâka, olônze eciribwa, ocibule!

Migani 29:2

Nka barhimanya barhegeka, olugaga lunayumve lusîmire, nka ndyâlya ziri oku ntebe, olubaga kulaka lulaka.

Muhanûzi 3:16

Kwône ncidwîrhe nasinza hanôla igulu: aha batwîra olubanja, bushungu buhali oku ntebe y’omushinganyanya, cishungu cikuli.

Muhanûzi 5:8

Bakubwîre mpu binjà bya lubaga birhumire, na mpu mwâmi balwîra.

Muhanûzi 7:7

N’amasheka ganahwinjagaze omurhimanya, n’amasîma ganahûse omurhima.

Muhanûzi 8:9

Ebyo byoshi, mbimanyire, omu kulolêreza ebibà bano igulu, amango omuntu arhegesire owâbo muntu, buhanya bwâge.

Izaya 5:7

Nêci! olukoma lw’emizâbîbu lwa Nyakasane Nyamuzinda w’Emirhwe, yo nyumpa y’Israheli; nabo abantu ba Yûda, yo mburho arhonyagya. Abalingakwo obushinganyanya, ci bôhe babà banyankola-maligo; abalonzakwo oburhondekezi, ci zâbà ndûlù.

Izaya 51:23

Nakahira omu nfune z’abanzi bâwe, balya bakâg’ikubwîra, mpu: Gwishira oku idaho, rhukugerekwo! Na ntyo wakaz’iherhamya omugongo gwâwe nka njira y’oku idaho, nka mulimbwa bakaz’igeramwo.

Izaya 59:7

Amagulu gâbo kugend’ijira amabî galibirhira, barhanahimwa okubiduha nka bagend’ibulaga omukò gw’omwêru-kwêru. Enkengêro zâbo ziri za mabî gône; okushanda n’okunyaga byône bibî omu njira zâbo!

Yeremiya 16:7

Oli omu mishîbo barhamubegere mugati mpu bamurhûlirize bulya afirîrwe, barhâmuhêreze akabehe k’okumurhûliriza omu bufîre bwa nina erhi bw’îshe.

Ndûlù 1:16

Obwo buhanya bwo burhunire ndwîrhe nalaka emirenge yâni yoshi. Owakantûliriza ashubingalulira emisî y’okulama, ali kulî. Abâna bâni balesirwe maboko mûmu, bulya omushombanyi abahimire.

Ndûlù 1:17

Siyoni adwîrhe alambûla amaboko, ci ntâye ciru n’omuguma abwîne w’okumurhûliriza. Oku irhegeko lya Nyakasane, abalungu b’Israheli bo bahindusire bashombanyi bâge. Muli bo Yeruzalemu ahindusirage kantu ka kushologosa.

Ndûlù 1:2

Akola ageza obudufu bwoshi alaka, amarhama gâge gakazihulula mirenge. Muli balya bamuzigiraga boshi, ntâye ciru n’omuguma w’okumurhûliriza. Abîra bâge boshi bamulesire, bahindusirage bashombanyi bâge.

Ndûlù 1:9

Omwambalo gwâge gunanirekwo ebirhobero by’izinga lyâge. Arhàli amanyire bici byâmuyishira; ntyo kwo ayandagîre, ntà muntu wacimuhà omurhima. Amâderha erhi: «Mâshi Nyakasane, lolà buno buhanya bundikwo: obone oku omushombanyi wâni ye wahimîne.»

Amosi 3:10

Barhishi bushinganyanya, Nyakasane okudesire, bulyâlya na bushambo bwône omu nyumpa zâbo.

Amosi 3:9

Muhamagaze omu nyumpa z’e Asûru, n’omu ndâro z’e Mîsiri, muderhe: Mujire endêko oku ntondo. ya Samâriya, mulole isirhe liri mw’eci ci­shagala n’obulyâlya muli co!

Malakiya 2:13

Alagi n’okundi mujira: Oluhêrero lwa Nyakasane munalubumbe mirenge; mulake munalakûle bulya Nyakasane arhacilola oku ntûlo zinyu arhanaciyêmêra ebi mumurherekîre.

Malakiya 3:18

Mwâshubiyishibona oku omuntu mwinjà n’omubî barhayumânîni, n’oku okolera Nyamuzinda n’orhamukolera barhali bo baguma.

Malakiya 3:5

Nyakasane w’Emirhwe adesire, erhi: «Nêci, nâyisha ekarhî kinyu nd’itwa olubanja. Nâbiduha ndiyâgîriza abakurungu, abagonyi, abalahira ebîra, abarhakamasa abakozi bâbo, abalibuza abakana n’enfûzi erhi okulenganya ebigolo, ngasi ba­lya barhanyôboha boshi».

Mateyo 26:56

Okwo kwoshi kwabà ntyo mpu lyo Amandiko g’abalêbi gayunjula. Obwo abaganda bâge banacimuleka.

Lushika 28:33

Olubaga orhîshi lwakulya emburho y’omu kwâwe, n’emyâka warhamiraga. Okuhinagwa n’okunyagwa kwo kwayôrha kubà kwâwe.

Lushika 28:48

abashombanyi Nyamubâho akurhumakwo bo okolaga wakolera omu ishali, omu nyôrha, omu bwambale bubî n’omu kubula byoshi. Akuhira omurhamba gw’ecûma omu igosi kuhika oshandâle wêshi.

Yakôbo 5:4

Ka murhabwîni oku oluhembo mwayimaga abakozi basârûlaga amashwa ginyu ludwîrhe lwabanda endûlù n’oku emirenge y’abo basârûzi yahisire omu marhwiri ga Nyakasane Nyamuzinda w’emirhwe?

Bacîranuzi 4:3

Bene Israheli banacilakira Nyakasane, ebwa kubà oyo Yabini àli agwêrhe ngâlè magana gali mwenda ga cûma; ali amageza myâka makumi abirhi adwîrhe alibuza bwenêne bene Israheli. Debora