Muhanûzi 3:11 - BIBLIYA NTAGATIFU OMU MASHI

¹¹ Ngasi ehi ajira, hikwânana amango gahyo, ci kwône omu kulola amango goshi, ebi Nyamuzinda ajira kurhenga emurhondêro kuhika ebuzinda, birhumvikana.

Muhanûzi 3:11 ပူးပေါင်းရင်းမြစ်များ

Murhondêro 1:31

Nnâmahanga abona oku ebi anajiraga biri binjà bwenêne. Bwayira bwanaca, lwo lusiku lwa kali ndarhu.

Ayubu 11:7

K’ocîhâmbîre okusâgarha amahwe ga Nyamuzinda akutumuzize, n’okuyumva bwinjinjà obwimâna bwa Nyamuzinda?

Ayubu 37:23

Ogala-byoshi, ntaho rhwankamushimâna! Ye mukulu, nn’obushinganyanya n’obuhashe!

Ayubu 5:9

Kuhuma ahuma na gombi, ajira omwandu gw’ebirhankamanywa, ebirhangâzo by’obulenga bwâge birhankaganjwa.

Ennanga 104:24

Mushâna Nyamwagirwa emikolo yâwe guli mwandu! Burhimanya wayijiragamwo yoshi: igulu lyoshi liyunjwîre biremwa byâwe.

Migani 16:4

Nyakasane àjizire ngasi kantu erhi anamanyire ecirhumire, ciru n’enkola-maligo yâlemerwa olusiku luhanya.

Muhanûzi 1:13

Najîre aho nalongereza n’oburhimanya ebijirwa banola îdako ly’izûba byoshi. Wâni sho, bushanja bubî Nyamuzinda ahîre abantu.

Muhanûzi 11:5

Nka kula orhîshi enjira y’empûsi, orhîshi n’amahwe g’omukazi ôli izîmi, kwo orhakanamanya n’omukolo gwa Nyamuzinda orhegeka byoshi.

Muhanûzi 7:13

Orhangilola omukolo gwa Nyamuzinda: ndî wankagondôla ehi agondesire?

Muhanûzi 7:23

Ebyo byoshi nabigeziremwo n’oburhimanya, namanya nti nnandi murhimanya, ci kwône bindushire bulî.

Muhanûzi 7:29

Alaga kwône ebi mbwîne obwo: Nyamuzinda ajizire omuntu mwîrhohye, naye yêne ye dwîrhage alonza okuhalûla ebihazire!

Muhanûzi 8:17

Mbwînage n’omukolo gwa Nyamuzinda gwoshi: omuntu arhankavulûla omukolo gujirwa hano igulu, gulya gwakubwîriza ecirhuma omuntu arhama alonza buzira kuhikakwo ehi alonza, n’omurhimanya ciru akacîhamba mpu ayishi ecirhuma, arhankacihikakwo.

Mateyo 11:27

“Nahîrwe byoshi na Larha, na ntâye omanya Omugala arhanali Îshe, na ntâye wankamanya Nyamuzinda-Îshe arhanali Mugala, erhi oyu Omugala alonzize okumufulûliraye”».

Mateyo 13:22

Owamîzirwe omu mishûgi naye, ye yumva Oluderho, ci ebihamba by’e­by’en’igulu n’obunywesi b’obuhirhi byazimaguza lulya Luderho: obwo lurhanacibonaga malehe.

Marko 7:37

Barhangâla bwenêne, banakâderha, mpu: «Ajizire byoshi bwinjà! Ebihuli adwîrhe abiyumvîsa, n’orhuduma adwîrhe arhuderhêsa!»

Barom 1:28

Bulya barhalonzagya okumanya kwinjà Nnâmahanga, Nnâmahanga naye àbakabulîre omu murhima gwâbo guhûsire n’omu bijiro birhakwânîni.

Barom 11:33

O! (yâga) we, nnakagali w’obugale n’obushinganyanya n’obumanye bwa Nyamuzinda! Oku emihigo yâge erhamanyîkana kwo n’enjira zâge zirhayumvikana!

Lushika 32:4

Yêne y’ibuye: obushanja bwâge buli bwimâna, bulyâla enjira zâge zoshi ziri bushinganyanya. Ye Nyamuzinda mutabesha na mudahemuka. Ye Mushinganyanya ye na Mushongêza.