Muhanûzi 2:22 - BIBLIYA NTAGATIFU OMU MASHI

²² Bunguke buci akûzirage omu kurhama arhamire, omu misî yoshi ajizire, amango acihali?

Muhanûzi 2:22 ပူးပေါင်းရင်းမြစ်များ

Ennanga 127:2

Busha mwarhamira mpu mwazûka sêzisêzi burhacica, mpu murhajigwîshira duba, mpu murhalya ehi murharhamiri, kàli anashobôze abarhonyi bâge banali îrò!

Migani 16:26

Ishali ly’omukozi ye linakolera, bulyâla iralà akanwa kayumvîrhe lyanamusêza.

Muhanûzi 1:3

Bunguke buci omuntu akûla omu kurhama arhama hano îdako ly’izûba?

Muhanûzi 2:11

Nagerêreza ebiyêrekîre emikolo amaboko gâni gakola, n’ebiyêrekîre okurhama narhamire, nti kwoshi kwamabà kurhebwa, nti na ntà bunguke bubà hanôla igulu.

Muhanûzi 3:9

Bici omuntu akolera ebi akola?

Muhanûzi 4:6

aha omuntu akaluha kabirhi n’okuheza amango, akaluhûka liguma lya bulume.

Muhanûzi 4:8

Rhuderhe omuntu ôli kahumba: orhajira mwâna arhajira na wâbo: omukolo gwâge gurhaheka, n’amasù gâge garhajira oku gankagala. Obwôla kwo biri ntyo, ndi ndwîrhage nâkolera nieki mbule bwanacîsîmîsa? Nanga birhali byo; kunali kurhebwa.

Muhanûzi 5:17

Alaga oku mbwîne: okasîma omuntu, akasîma kuli kulya n’okunywa, n’okubona obuluhûkiro omu mukolo akola hano igulu, erhi n’ensiku Nyamuzinda ahâga omuntu zanayisha zâgera, bulâlya kwo omuntu analemirwe ntyo.

Muhanûzi 8:15

Niehe okusîma kwo ndesire kukulu, bulya iragi ly’omuntu mwône libà omu kulya, omu kunywa n’omu kucisîmîsa. Ebyo byo bilusa omukolo gwâge e nsiku z’obuzîne Nyamuzinda amuhîre hanôla igulu. Obuzigire

Mateyo 16:26

Bici kwankakwânana omuntu okubà mwâmi w’igulu lyoshi erhi a­nkaheza omûka gwâge?

Mateyo 6:11

Orhuhè ene akalyo kîrhu ka ngasi lusiku.

Mateyo 6:25

Co cirhumire mmubwîra: Murharhanyagya oku buzîne bwinyu, mpu bici mwalya, n’oku mubiri, mpu bici mwayambala. Ka obuzîne burhalushiri ebiryo, nîsi erhi omubiri, ka gurhalushiri emyambalo?

Mateyo 6:34

Kuziga murhakâg’icîyîrha oku b’irhondo; olusiku lw’irhondo lwacilongeza lwône. Ngasi lusiku n’amabî gâlò.

Luka 12:22

Okubundi anacibwîra abaganda bâge, erhi: «Co cirhumire mmubwîra: “Murharhanyagya oku buzîne bwinyu mpu bici mwalya n’oku mubiri gwinyu mpu bici mwayambala”.

Luka 12:29

“Murhakâg’irhanya mpu cici mwankalya, nîsi mpu cici wankanywa; mumanye murhacîhiraga omu ntanya”.

1 Bakorinti 16:16

Ninyu mukâkenga abantu ba bene abo na ngasi yêshi okola n'orhama haguma nabo.

Bafilipi 4:6

Murharhanyagya cici; ci omu ngasi bulagîrire musengere Nnâmahanga, mumushenge, munamuvuge omunkwa.

1 Timoteyo 6:8

Nka kuno rhugwêrhe ecirhwâlya n’eci rhwâyambala, rhusîme.

1 Petro 5:7

Amalagîrire ginyu goshi mugahire omu maboko gâge, bulya kushîbirira ayôrha ammushîbirira.