Muhanûzi 11:8 - BIBLIYA NTAGATIFU OMU MASHI

⁸ Omuntu akalama myâka minji, akwânîne ayikolêse yoshi, akengêre n’oku ensiku z’omudumbi zabà nyinji; ngasi hyâyishe erhi na kalenganè.

Muhanûzi 11:8 ပူးပေါင်းရင်းမြစ်များ

Ayubu 10:21

Embere mbalame burhagaluka, omu cihugo c’omwizimya n’endunduli,

Ayubu 10:22

emunda endunduli n’enshandâle bishûndwa, emunda omûshi guyôrha nka budufu bukulu.

Ayubu 14:10

Omuntu yêhe akanafà erhi na hoshi aho; erhi mwene omuntu anarhengamwo omûka erhi lwanahûmbire.

Ayubu 14:12

Ci omuntu yêhe halya alambûkire arhankacihazûka, kuhik’aha kuhwa kw’amalunga, arhâcicîzûse, arhacicîkûle omu irò lyâge.

Ayubu 15:23

Amâbona oku àyîsh’ilirwa oku mpinga n’ebihûngu, n’oku obuhanya bwo na bwâge.

Ayubu 18:18

Bamâmurhenza omu bulangashane, amâja omu ndunduli, amâkagwa hanôl’igulu.

Ennanga 49:20

kurhârhume arhaja omu balinda-mboho, balya barhakacifà bàbwîne akamole.

Muhanûzi 11:2

Obegere bantu nda erhi munâni bulyâla orhamanyiri buhanya buci bwakayisha hano igulu.

Muhanûzi 2:15

Naderha obwo, nti oku omusirhe ayishibà kwo n’omurhimanya ayishibà, akabà ntyo, oburhimanya buligi bwa cici? Naderha obwo nti nakwo kunali kurhebwa.

Muhanûzi 2:17

Akalamo ntakakwirirwa, bulyâla okubà hanôla igulu ntà kusîma; byoshi kuli kurhebwa, ganali mango gafire busha.

Muhanûzi 2:19

Câba mushâna, ndi omanyire erhi ayishibà murhimanya erhi musirhe? Ye wanayishiyîma omu mirimo yâni yoshi, muli ebîra byajàgamwo entûbano n’oburhimanya bw’obuzîne bwâni bwoshi. Nanga kuli kurhebwa kunali kuhaba lwoshi.

Muhanûzi 2:26

oyu alonzize anamuhè okurhimanya, okumanya n’okusîma, anarhume n’omunya-byâha mpu alongeze analundikire oyu Nyamuzinda arhonyize, nanga, okwo kuli kurhebwa ganali mango gafire busha.

Muhanûzi 4:16

Ayimangîre olubaga lunji-lunji; ntà burhè akabà bacîyûnjuza buzinda! nêci kuli kurhebwa ganali mango gafire busha.

Muhanûzi 4:8

Rhuderhe omuntu ôli kahumba: orhajira mwâna arhajira na wâbo: omukolo gwâge gurhaheka, n’amasù gâge garhajira oku gankagala. Obwôla kwo biri ntyo, ndi ndwîrhage nâkolera nieki mbule bwanacîsîmîsa? Nanga birhali byo; kunali kurhebwa.

Muhanûzi 6:11

Omuntu akaluza ebinwa, analuze n’ebi aciyunjuliza, kucirigi kwa bici okuluza ebinwa?

Muhanûzi 6:6

Ciru ankalamire kabirhi kabirhi myâka cihumbi, buzira kulya oku byâge, kàli bombi haguma bahwêrîre?

Muhanûzi 7:14

Olusiku lw’obusîme, onashagaluke; n’olusiku lw’obuhanya, olole kwône: Nyamuzinda wabijiraga byombi, mpu ly’omuntu alekîbona akantu enyuma zâge yêne.

Muhanûzi 8:12

Enkola-maligo enagakole kal’igana enabuli lama. Mmanyire nêci oku banaderhe mpu abarhînya Nyamuzinda banabone iragi kulya kurhînya Nyamuzinda kurhumire.

Muhanûzi 8:15

Niehe okusîma kwo ndesire kukulu, bulya iragi ly’omuntu mwône libà omu kulya, omu kunywa n’omu kucisîmîsa. Ebyo byo bilusa omukolo gwâge e nsiku z’obuzîne Nyamuzinda amuhîre hanôla igulu. Obuzigire

Muhanûzi 9:7

Kanya, olye ehigati hyâwe n’obusîme onanywe orhwamvu rhwâwe n’omurhima gushongwîre; bulyâla Nyamuzinda mîra ageraga ebijiro byâwe.

Yeremiya 13:16

Muhè Nyakasane Nyamuzinda winyu irenge duba oku omwizimya gurhacigwa, n’oku amagulu ginyu garhacisârhala, oku birhondo by’obudufu. Mwoyo mudwîrhe mwalinda obuce: yêhe mwizimya adwîrhe abulula n’okuguhindula ndundulya ya budufu,

Yoweli 2:2

Lusiku lwa mwizimya n’olwikungu, lusiku luyunjwîre bitù n’omwizizi. Nka kula lukula arhanda emashinji, ntyo kwo engabo y’abantu yâpamuka erhasâg’ibonekana bundi, erhakanacibonekana ciru n’eliguma.

Mateyo 22:13

Okubundi mwâmi anacibwîra abaganda bâge, erhi: «Mumushwêke amagulu n’amaboko, mukwêbe embuga omu mwizimya; yo yâbà ecimorôgo n’okukenyeza amîno.

Yowane 12:35

Yezu abashuza, erhi: «Obulangale burhaciri ninyu kasanzi kanene. Kaz’imugende obu bwacibona, lyo omwizimya gulek’immugwanyanya. Ogenda omu mwizimya, arhamanya ah’ajà.

Lushika 32:29

Nka bali bantu barhimanya bakanayumvîrhe, bakanabwîne bwinjà kurhi bazinda bali.

Yûda 1:18

Ka barhammubwîraga oku omu nsiku nzinda hayish’ibà abantu basîma okugayaguza abâbo, abakashimba iralà ly’obubî bwâbo?