Muhanûzi 10:12 - BIBLIYA NTAGATIFU OMU MASHI

¹² Akanwa k’abarhimanya binjà kaderha, akanwa k’omusirhe yêhe ko kanamuheza.

Muhanûzi 10:12 ပူးပေါင်းရင်းမြစ်များ

2 Samweli 1:16

Daudi anaciderha, erhi: «Omukò gwâwe guje okw’irhwe lyâwe wênene, bulya kanwa kâwe kakuyisire ene oderha, erhi: “Nie nayîrhaga omushîgwa wa Nyakasane.”»

Ayubu 16:5

Omu kanwa kâni nali namubwîra; nti muzibuhe, na buzinda ncîhûmbire.

Ennanga 140:9

Yâgirwa mâshi, orhayêmêraga enyifinjo z’omubî, mâshi mâshi orhazigaga emihigo yâge yayunjula.

Ennanga 37:30

Akanwa k’omushinganyanya kurhimanya karhimanya, n’olulimi lwâge lurhaderha ebirhashinganini.

Ennanga 64:8

Ohumbe kwône, Nyamuzinda azirikiramwo emyampi, zifuduke zamâyagalika.

Migani 10:10

Olola ayûbisire amasù, analîse owundi n’amagala, ci okalihira omuntu anamulola omu masù, anamushubize omurhima omu nda.

Migani 10:8

Mwenge oyêmêra bamurhegeke, omuhwinja w’akalimi kuhera anahera.

Migani 12:18

Omuntu oderha duba, kwo ayagazanya nka ngôrho, ci olulimi lw’abashinganyanya kufumya lufumya.

Migani 15:2

Akanwa k’abarhimanya bishingânîne kaderha, ci akanwa k’ebingolo-ngolo bya bunganyi kaderha.

Migani 15:23

Omuntu asîma alîke akanwa kinjà, ci kandi bwenêne kulusha asîma akoze omu kushuza.

Migani 19:5

Omuhamîrizi w’obunywesi ârhakabula buhanwa, naye kanywesi yêne ârhakafuma buhane.

Migani 22:11

Nyakasane arhonya emirhima ecîre, oyishiderha ye mwâmi arhonya.

Migani 26:9

Omugani omu kanwa k’ecingolo-ngolo, ihaji lya kashûgi-shûgi omu nfune z’omulalwe.

Migani 31:26

Anakazibumbûla akanwa n’oburhimanya, n’oku lulimi lwâge kanwa ka butûdu kakubâ.

Muhanûzi 12:11

Ebinwa by’abarhimanya kwo biri nka kababo, kwo biyôrha nka birhi bigwîke, kulonza obwôloloke bw’obusò bwâge kurhuma lungere abikolêsa.

Muhanûzi 4:5

Omusirhe nderaminwe, anacîrye, gwârhi abaderha, ci kwône,

Muhanûzi 5:2

Emanja nyinji zo zilêrha ebilôrho n’ebinwa binji bilêrhe okuderha nka musirhe.

Muhanûzi 5:6

Ebilôrho binji byo bilêrha okurhebwa, n’ebinwa binji bilêrhe okufumwa n’amango. Obwo kwo biri ntyo okazirhînya Nyamuzinda.

Muhanûzi 9:17

Ebinwa binjà by’omurhimanya banabiyumvirhize kulusha okuyâma kw’omwâmi w’abasirhe.

Mateyo 12:35

“Omuntu nkana omu mbîko nyinjà akûla aminjà, n’omuntu mubî omu mbîko mbî akûla amabî”.

Luka 19:22

Anacimubwîra, erhi: «Oku kanwa kâwe wênene nâkutwîra, wâni mushizi mubî! Wali omanyire oku ndi muntu mukali, obîkûla eci arhabîkaga n’osârûla eci arhahingaga!

Luka 4:22

Boshi bali bamubêrîre càli-ho, banacirhangâla n’enderho nyinjà zarhengaga omu kanwa kâge, mpu: «K’arhali mwene-Yozefu oyu?»

Befezi 4:29

Ntà luderho lubî lurhengage omu kanwa kinyu; mukaderha ebiwa binjà byône, birya byankabà lwingayo lwinjà oku bandi amango gakwânîne, n’okulêrhera ababiyumva akamalo.

Bakolosi 4:6

Iderha linyu libè lya kusîmîsa ensiku zoshi, linunîrire nka munyu, munamany’ishuza ngasi yêshi okukwânîne.