Muhanûzi 1:17 - BIBLIYA NTAGATIFU OMU MASHI

¹⁷ Nacîyigîrize oburhimanya nayîga n’ebiyigwa, nashanga oku isirhe na buhwinja. Nayumwa oku ciru n’okwo, gali mango gafire busha.

Muhanûzi 1:17 ပူးပေါင်းရင်းမြစ်များ

Ennanga 73:16

Nacîja emurhima obwo, nti: «Ka nyumve okwo»; nabona oku kuli kurhama bwenêne.

Muhanûzi 12:8

Busha-busha mâshi, gwârhi Koheleti, byoshi busha!

Muhanûzi 2:17

Akalamo ntakakwirirwa, bulyâla okubà hanôla igulu ntà kusîma; byoshi kuli kurhebwa, ganali mango gafire busha.

Muhanûzi 2:3

Nalonza okugereka omubiri gwâni omu ndalwè, n’omurhima nagubêza omu burhimanya; nalonza okucishwekera oku isirhe, nti nyumwe obununu abantu bayumva, n’ebi bajira omu buzîne bwâbo banôla îdako ly’izûba.

Muhanûzi 3:19

Nêci obuzinda bw’omuntu n’obw’ecintu bwo na buguma, omuntu anafè n’ecintu cifè bombi buzîne buguma babà bagwêrhe; eci omuntu alushire ecintu ciri ntâco.

Muhanûzi 4:4

Mbwîne oku ngasi kucihangâna na ngasi lubanja omuntu ayâzize, bunali bwâgalwa bw’omuntu oku wâbo. Kuli kurhebwa ganali mango gafire busha.

Muhanûzi 4:6

aha omuntu akaluha kabirhi n’okuheza amango, akaluhûka liguma lya bulume.

Muhanûzi 6:9

K’ehyaboneka hyo hikulu oku hiri omu nda? Kuli kurhebwa ganali mango gafire busha.

Muhanûzi 8:16

Erhi mbà namâcîhangâna okumanya oburhimanya, nalonza okulola bushanja buci omuntu ajira hano igulu. Omanye oku omuntu arhabona lya mûshi arhabona lya budufu.

Muhanûzi 9:3

Kubî okwôla, okubona obuzinda bw’ebijirwa hano igulu byoshi buli buguma kuli boshi n’okubona omurhima gw’omuntu guyunjwîre mababale, n’okubona isirhe libîkîrwe abantu amango bacizîne n’e nyumpa amango bamâfà wâni!

1 Batesalonika 5:21

ci mulole bwinjà ngasi kantu, n’ebiri binjà byo muyôrhanage.