Mikeyo 7:10 - BIBLIYA NTAGATIFU OMU MASHI

¹⁰ Hano omushombanyi wâni abona okwo, enshonyi zimubumbe; olya wa­mbwîraga erhi: «Ngahi Nyamuzinda wâwe aligi?». Amasù gâni gamu­lolà hano akola adwîrhe alabarhwa nka bijondo omu njira.

Mikeyo 7:10 ပူးပေါင်းရင်းမြစ်များ

2 Samweli 22:43

Nambavunyungule nka katulo k’idaho, mbahinogole nka byondo by’omu njira, mbakome nka nyâlè.

Ennanga 109:29

Abakaz’indega enshonyî zibabumbe; okurumbaguza kwâbo kubabwîke nka cirondo.

Ennanga 115:2

Cici càkazirhuma ab’emahugo barhukangula, mpu: «Ngahi Nyamuzinda wâbo aligi?»

Ennanga 18:42

Banacihamagala, ci barhabonaga owankabaciza; bàyâkûza Nyakasane, àrhabashuzagya!

Ennanga 35:26

Balya bacîshinga bakayumva mpanyagîre, batumbaguze mâshi, enshonyi zibabumbe, balya boshi bannimbira bacinyîgererakwo, babumbwe n’ezamêmè.

Ennanga 42:10

Mbwîzirage Nnâmahanga, nti: «Kabuye kâni ci wanyibagira mâshi?» nti: «Cirhumirage nieki nagenda ndi burhè?» nti: «Cirhumirage nieki ababisha bambuza buhunga?»

Ennanga 42:3

Omurhima gwâni gugwerhwe n’enyôrha ya Nyamuzinda, ya Nyamuzinda ozîne, mangaci nabona enjira ndole oku busù bwa Nyamuzinda?

Ennanga 58:10

Enyungu zinyu mâshi, oku zirhaciyumva idûrhu ly’olurhadu, zimanyulwe n’idûrhu ly’empûsi.

Ennanga 79:10

Ewani, cici cankarhuma abapagani baderha, mpu: «Ngahi Nnâmahanga wâbo aligi?» Boshi bamanye, nîrhu rhucîbonere oku nêci wacîhôlire gulya mukò gwa bambali bâwe gwabulagagwa.

Ennanga 92:12

Balya bakaziginshomba, isù lyâni lyabalolêreza na balya bakazâg’intêra, okurhwiri kwâni kwabayumvîrhiza!

Izaya 26:11

Yâgirwa Nyakasane, okuboko kwâwe kuli kulambûle, ci bôhe barhadwîrhi bakubona! Bacibona kurhi oyâgalwa n’olu lubaga, n’enshonyi zibabumbe! Nêci, omuliro gurheganyizîbwe abanzi bâwe, nabo gwâbafonfomera!

Izaya 41:25

Namuhamagîre kurhenga ebulembe, ye oyu oyîshire; kurhenga ebushoshôkero bw’izûba, namuyâkûza omu izîno lyâge. Ayish’alabarha abarhegesi b’ebihugo nka bijondo, kula omubumbi ahinanga ibumba.

Yeremiya 49:15

Edomu, nâkujira obè ishanja lya buzinda omu gandi mashanja goshi, lirya ly’okugayaguzibwa n’abantu boshi.

Yeremiya 51:24

Cikwône, kwo Nyakasane adesire, mukolaga mwabona lêro kurhi nagalulira Babiloni n’abantu bâge amabî goshi bajizire e Siyoni.

Yeremiya 51:51

Oku rhwakagiyumva enshonyi zarhubumba erhi rhwayumvagya ebijâci! Enshonyi zakazirhusôka kuhika emalanga amango rhwabonaga abanya-mahanga bashesherera omu cirhînyiro ca Nyakasane.

Ezekiyeli 7:18

Bâyambala sunzu, n’omusisi gwâbabumba obusù boshi bwayunjula nshonyi, amarhwe goshi gamômwa.

Daniyeli 3:15

“Lêro akabà mucirheganyizagye, hano munayumva izù ly’omushekera; ely’akarhêra, ely’olulanga, ely’enzenze ely’elikembe, ely’ecinanda n’elya ngasi bindi bizi­hwa, okukumba bûbi n’okuharâmya erya nsanamu nayîmanzagya. Ci mukabula kuyiharâmya, bwo na buno mwakwêbwa omu ndugurhira y’omuliro, na nyamuzinda ohi wankacibashugunula omu maboko gâni?”»

Yoweli 2:17

Kurhenga aha lusò lw’aka-Nyamuzinda kuhika aha luhêrero, abadâhwa ba Nnâmahanga bamulakire, bamubwîre, mpu: «Orhubabalire, mâshi Yâgirwa, obabalire olubaga lwâwe; orhabonese omwîmo gwâwe nshonyi, gulek’ishekerwa n’amashanja. Ka wâleka amashanja gakâderha, mpu: Ngahi aligi olya Nyamuzinda wâbo?»

Abudiya 1:10

Enshombo wagwêrhe kuli mulumuna wâwe Yakôbo y’okumuniga, ebyo byoshi byâkubumba nshonyi onaherêrekere lwoshi.

Abudiya 1:12

Orhacîshingaga amango obuhanya buli aha mwa mulumana wâwe! Orhashekeraga bene Yûda amango obuhanya bubayishire! Orhatwaga orhugani olusiku lubî!

Mikeyo 4:11

Bunôla, mashanja manji gakushimbire caligumiza. Gadwîrhe gaderha mpu: «Mâshi Siyoni azire n’amasù gîrhu gamulole.»

Mikeyo 7:8

Orhacishinge erhi nie ntuma, wâni mushombanyi wâni, akabà nahirimire, nâzûka; akabà ntamîre omu mwizimya, Nyakasane ye bulangashane bwâni.

Sofoniya 3:15

Nyakasane akazire obuhane bwakulikwo, alibirha oku mushombanyi wâwe. Nyakasane ye mwâmi w’Israheli oli muli we, ntà buhanya bucikuli­kwo mpu wayôboha.

Zakariya 10:5

Bâyish’ilwa ntyo, bulya niono Nyakasane ndi haguma nabo. N’abashombanyi bashonyire oku biterusi enshonyi zâyish’ibabumba.

Malakiya 1:5

Muli bene Israheli mwâyishibona okwo muderhe, mpu: «Nyakasane ayêrekîne obuhashe bwâge ciru na kurhaluka olubibi lw’Israheli».

Malakiya 4:3

Olusiku nâyêrekana obuhashe bwâni, mwâlabarhanya ababî, bâshuba nka katulo omu ma­gulu ginyu, kwo ndesire ntyo, nie Nyakasane w’Emirhwe.

Mateyo 27:43

“Mpu alangâlira Nyamuzinda”: “lêro Nyamuzinda amulîkûzagye akabà amuzigira! Akazâg’iderha, erhi”: “Ndi Mwene-Nnâmahanga!”»

Yozwe 7:9

“Abanya-Kanâni bakolaga bakumanya, abandi bayûbaka omu cihugo coshi buzinda bakolaga bayishirhugorha, barhuyîrhe, izîno lîrhu lihirigirhe bano igulu. Na buzinda kurhi okolaga wayishijirira izîno lyâwe ly’ogala byoshi?”»

Mafulûlo 18:20

Simagi n’okwôla abîre, mwe malunga; ninyu mwe bimâna, mwe ntumwa n’abalêbi, kwo na kwo; kulya kubà ene Nyamuzinda amuyâza ammuyêzize.