Mikeyo 6:16 - BIBLIYA NTAGATIFU OMU MASHI

¹⁶ Bulya wakulikire olwiganyo lw’amarhegeko ga Omuri, na ngasi ngeso z’omu nyumpa ya Ahabu; mudwîrhe mwayiganya okwâbo kwoshi kwoshi; kwarhuma nakuhindula bigûkà, n’abantu bâwe bashube ba kuhâbwa olwôho. Lyo mwabarhula ebijâci abantu bâni bajâcîrwe.

Mikeyo 6:16 ပူးပေါင်းရင်းမြစ်များ

1 Bâm 18:4

amango Yezabeli ahungumulaga abalêbi ba Nyakasane, Obadyahu arhôla caligumiza balêbi makumi arhanu abafulika omu lwâla anakaz’ibashêgulamwo omugati n’amîshi.

1 Bâm 9:8

Eyîra nyumpa ntagatîfu yanabà bigûkà na ngasi yêshi wankayigera hôfi anarhemuka ahebe olushungûrho; banakâderha mpu carhumaga Nyakasane ajira olu lugo n’eyîra nyumpa ntyâla?

2 Bâm 16:3

Ci ashimba enjira mbî y’abâmi b’Israheli, ciru ageza omugala omu muliro, omu kuyiga engeso mbî za galya mashanja Nyamuzinda akungushaga embere za bene Israheli:

2 Bâm 21:3

Ashubijà ayûbaka empêro omu malango n’obwo îshe Yezekiyahu ali amazikûla, ashubigwîka empêro za Baali, akoma n’enshanga nka kulya Ahabu mwâmi w’Israheli ajiraga, afukamira emirhwe y’emalunga yoshi anayikolera.

2 Nganîro 22:4

Ajira ebiri bigalugalu omu masù ga Nyamubâho, aka omulala gwa Ahabu, ebwa kubà erhi îshe abà amâfà, abôla b’omu mulala gw’îshe bakazimuhanûla okwamurhêra.

2 Nganîro 34:25

“Kulya kubà banyâsire bagendikazirherekêra abandi ba nyamuzinda, na ntyo banjira burhè n’eyôla mikolo y’amaboko gâbo, obukunizi bwâni bwayâsire kuli ahôla hantu, na ntâko burhenge”.

Ennanga 1:1

Iragi lyâge omuntu orhacîfundikira haguma n’encuku orhagenda n’emihera, orhanaboneka omu ndêko y’abashombanyi.

Ennanga 44:13

Kuguza waguzize olubaga lwâwe, waluguza obusha, ciru ntà bunguke wakûzire mw’obwo burhunzi.

Ennanga 44:14

We warhumire rhwajâcirwa n’abâlûngwe bîrhu, abayûbaka haguma nîrhu barhushekera nk’aha bwacêraga.

Izaya 25:8

Ahirigisa olufù ensiku n’amango, Nyakasane Nyamuzinda ahorhola emirenge oku ngasi busù, akûla olubaga lwâge enshonyi omu igulu lyoshi. Nêci, Nyakasane yêne okudesire!

Izaya 9:16

Co cirhumire Nyakasane arhacibabalire emisole yâbo, arhâcife enfûzi zâbo n’abakana bâbo lukogo; bulya boshi boshi bali bagoma na ba­nyankola-maligo, na ntà kanwa karhaciderha mabî. Ci okwôla kurhârhume oburhè bwâge bwatwîka n’okuboko kwâge kurhâyôrhe kulambûle.

Yeremiya 19:8

Olu lugo nâlujira lubè hantu ha cikango n’olushungûrho, ngasi wâgera afuduke abande n’ehishungûrho omu kubona ebibande bityo.

Yeremiya 25:18

Yeruzalemu n’ebi­ shagala by’e Buyahudi, abâmi bâyo n’abaluzi bâyo, kuderha mpu bishube bigûkà, libè iherero, babè kushekerwa, gunabè mugereko nk’oku biri ene.

Yeremiya 25:9

lâbi oku ntumire nti bajilonza amashanja goshi g’e mwênè, kanwa ka Nyakasane. Kuli Nabukondonozori, mwâmi w’e Babiloni, mwambali wâni nabalêrha balwîse eci cihugo, balwîse abaciyûbakamwo, balwîse n’amashanja gacibà eburhambi; nâbahehêrera nnambajire babè ba kukaziyâkwa, ba kukazishekerwa, mishaka y’ensiku zoshi.

Yeremiya 29:18

“Nâbayishakwo lumino­mîno n’engôrho, n’ecizombo n’ecahira; nabajira babè ha côbà oku mâmi g’igulu, ba cibonya-nshonyi, cikango, masheka oku mashanja goshi g’emunda nâbahabulira”.

Yeremiya 51:51

Oku rhwakagiyumva enshonyi zarhubumba erhi rhwayumvagya ebijâci! Enshonyi zakazirhusôka kuhika emalanga amango rhwabonaga abanya-mahanga bashesherera omu cirhînyiro ca Nyakasane.

Yeremiya 7:24

Cikwône, aye, bàrhumvirhizagya barhanarhegaga okurhwiri, bôhe bakulikira oluhengu lw’omurhima gwâbo mubî, bampà ebirhugo ahâli h’okunyêrekera.

Ndûlù 5:1

Nyakasane, orhayibagire okûla rhwabîre, olole obone kuno badwîrhe ba­rhujira.

Ezekiyeli 39:26

«Bâyishiyibagira amabî gâbo goshi n’oku bandekêreraga kwoshi, hano babona bakola bayûbasire omu cihugo câbo n’omurhûla, buzira kadundo.

Daniyeli 9:16

Yâgirwa Nyakasane, oku buhashe bw’obushinganyanya bwâwe boshi, oburhè n’obukunizi bwâwe birhenge oku lugo lwâwe Yeruzalemu, oku ntondo yâwe ntagatîfu, bulya byâha bîrhu n’amabî ga balarha byo birhumire Yeruzalemu n’olubaga lwâwe barhacirhenga kwo bijâci by’abâla barhuzongolozire boshi.

Hozeya 12:14

Ci kwône, oku kanwa k’omulêbi, Nyamuzinda âyinamula Israheli e Mîsiri, âlangwa n’omulêbi.

Hozeya 5:11

Efrayimu ali mulabarhe, aluyazire, bulya akulikîre abazimu.

Mikeyo 2:6

Murhalêbaga, kwo badwîrhe baderha. Barhalêbaga kwa bene okwo! E­nshonyi zirhârhugwârhe.

Mikeyo 6:13

Bwobu nâni nkolaga nârhondêra okukuha obuhane, nâkushabira erhi byâbà byâwe birhuma.

Mafulûlo 2:20

«Ci kwônene nkugayire kulya kubà wayêmêrîre olya mukazi Yezebeli okâcîderha mulêbi-kazi’,'mpu arhebe bambali bâni anabayigîrize okuhusha n’okulya enyama zarherekîrwe abazimu».